خلص اليوم بس قهر ......خابر بابا عزمهم علمود عرس احمد ومحمد بعد يومين .......خابرت نور اتفقنا اني و ياها من باجر انروح لبيت اهلي بس اني گلبي هنا شلون راح اعوف هاي البلوه ....من جاي انام توزعنه صار ياسر وسام بغرفه و بيت عمهم اخذو غرفة دعاء ودعاء نامت يمنه روح : من اجتي دعاء ما عرفت اليوم شلون راح انام نزلت هيه تجيب مي واني صافنه
طيف : شلون اليوم تضلين واكفه بالباب روح : شلون راح انام طيف : نامي هنا روح : شلون راح انام وياه بنفس الفراش
طيف : عرفتها مستحيه مني بتعدت صارت نومتي على طرف الجربايله روح : جنت لابسه دشداشة قصيره رحت بدلتها لبست تراك طفيت الضوء لا تشوفني دعاء شلون نايمه بطرف الجربايه طيف : اجتي تمشي ورجليها وحده اطخ الثانيه وصلت يم الجربايه صعدت بهدوء نامت اني ما متعود على هيج نومه احب انام بنص الفراش خليتها غفت ادنيت صرت قريب عليها بس اول مره هيه تصير قريبه علي احساس مو طبيعي من الراحه وهيه يمي.... لزمت ايدها ونمت........
روح : فتحت عيوني شفته بوجهي تذكرت البارحه باوعت ثنينه نايمين بنص الجربايه واحد بصف الثاني ...... صفنت بوجه شكد احب ملامحه الرجوليه..... فزيت من صفنتي و كمت بسرعه
باوعت دعاء نازله اني هم توضيت وصليت ونزلت صبحت عليهم تريكنا عرفت راح يروحون لبيت جدهم ابو امهم اي بعد احسن همزين ريم : روح سلميلي على طيف من يگعد روح : اي ميخالف....... شكد جريئة ..... سلميلي على طيف مو هيه تايها
طيف : جنت اباوعلها عليها و احجي وياها بگلبي .........شلون جنت عايش بدونج.....اباوع عليها وتذكرت ابيات شعريه مال ايهاب المالكي يكول ....
مو ذنبك حلاتك كل ذنب ما بيك لاكن صووج گلبي لما يگدر يصبر.. شگد ردت أكتفي بالنظرة الأولى وياك.. أغمض والفصوص من الجفن تطفر يا نظرة برائه تضل برائه وياك أذا نضراتي چانت بالجلد تحفر......
والله ما جذب شنو هل حلاوة لخاطر الله..... نايمه بصفي عبالك ملاك اني احس وياها عبالك الحسناء والوحش..... هههههه شبيك طيف كمت تخربط.... لا بس صدك هاي الشامه الي جوه شفتها شكد حلوه..... ادري اني بيمن اصفن على هاي لو على الي بخدها.........
