من تقوي گلبك وانت مجروح ! مامهتم تبين وانت مهتم
ايهاب المالكي
┅┅┅┅┅┅┅༻❁༺┅┅┅┅┅┅┅
الكاتبة فاطمه علي🦋🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
سجى : ولج كافي گطعتي گلبي شبيج
روح : سجى راح انفجر ولج تعبت والله تعبت
سجى : امشي نطلع نكعد بالسطح حته تشتمين هوه
روح : اي مختنكه امشي .........
سجى : هسه احجي شبيج منو وياج
روح : سجى الموضوع الي راح تسمعي ما اريد احد يعرف بي ابد ولا بشر
سجى : روح انتي اختي شنو هذا الحجي وسرج اعتبري اندفن هنا
روح : سجى الموضوع هوه ...........................
سجى :اول شي عوفي البجي زين انتي ما عرفتي شنو السبب
روح : لا سجى ما عرفت وهوه ابد ما يحجي او يجاوبني او ينطيني مبرر سجى راح اتخبل كولي شنو اسوي وباجر حنه
سجى : ما اعرف يا روح شنو اكولج بس الدكتور من جان يباوعلج عيونه كلهن حب
روح : يا حب يمعوده احنه متفقين تمثيل
سجى : بس الحب بعيونه مو تمثيل روح والله الدكتور يحبج اني شفت الحب بعيونه
روح : انتي تعرفين شنو جاي تكولين ولج يا حب هذا وهوه يكرهني واني ما اطيق اباوع بوجه
سجى : متاكده
روح : اي متاكده اكره ولا احب ولا راح احبه
سجى : روح لازم تصيرين قويه ليش هل بجي كافي منه انتي عروس وباجر الحنه مالتج لازم تفرحين وتخلين كلشي وراج لان كلشي بوقته حلو
روح : ما اكدر سجى مو بيدي
سجى : بس الخاطر امج وابوج واخوتج ونور والخاطر روحج لازم تفرحين
روح : الله كريم....... سجى بعد ما اوصيج لان اذا احد عرف بالموضوع يدمر كلشي عاد خلي بس اني مدمره والحمدلله
سجى : انسي بهذا المكان دفنت كلشي سمعته
روح : انتي شخبارج ويه محمد
سجى : زينين الحمدلله اني اريد الزواج على السنه الجايه بس هوه يريده على الشهر الجاي
روح : عليمن منتظره انتم واحد يحب الثاني والخطوبة اذا طولت هم مو حلوه
سجى : الله كريم هسه خلي انزفكم انتم واحنه بعدين
روح : يله خلي ننزل لا يصعدون علينه وهاي نور بس تعرف كاعدين وما تدري تضل تحجي لازم كلشي تعرف
﹏﹏﹏﹏﹏﹏﹏﹏﹏﹏﹏﹏﹏﹏
طيف
اليوم الحنه والناس كلها يمنه ومخبوصين ومن نص هاي الناس شفت عادل وجان وجه عبالك ذابح عشيرته جان يريد بس يتعارك راد يسوي ايشي حته يخرب الحنه اني عفته لوحده لان بس اوصل يمه ويحجي حجايه زايده افلش راسه اخير شي راح ابوي حجه وياه كله ابني مشي كلشي يصير انته مو غريب والخطار الجاي نشيله على عينه وراسنا
تغدت الناس كلها وراها اني وسيف رحنه للحلاق وره ساعه خلصنه كلشي ولازم نروح لبيت البنات امي كلش فرحانه واخوتي هم ......دعاء فرحتها ما تنوصف ابوي يكول الحمدلله من شفت عرسكم
طلعت السيارات وبالطريق اشوف سيف شكد فرحان لو شلون يهوس هوه والولد ليش اني ما حاس بالفرحه ليش ما جاي احس مثل سيف
وصلنا لبيتهم ونزلت كل الناس الي جايه ويانه ضلينه بس اني وسيف
سيف : خويه يله ندخل
طيف : شبيك خويه اصبر
سيف : هههه فرحان
طيف : الله يكتبلك الفرح ان شاء الله بكل حياتك
سيف : تسلم خويه الله يحفظك النه بحق علي الكرار
