السكوت يعني إحتياج، يعني ألم، يعني وجع، كاذب من قال أنّ السكوت علامة الرضا.
| نزار قباني.
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة "فاطمه علي"
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح : اباوع على نور وسيف الفرحه تطلع من عيونهم واحد لازم ايد الثاني ..... الحمدلله من شفت فرحتج يا نور
طيف : وين صافنه مو گلنه انبين طبيعين
روح : واني هم طبيعيه
طيف : انتي ما ناويه تمشين عدل
روح : اني روحي طالعه وهذا يريد يتعارك بس ما يعرف شلون عفته يحجي و اني سكتت لان ماعندي طاقه للمناقشات ........ وره ربع ساعه طلعوا
دخل بابا واخواني باركولنا وبابا كلش فرحان ويحمد بطيف وسيف يكول خوش ولد...... اووووف يا بابا ما تعرف ضيم گلبي ما تعرف بنتك مغصوبه
نور : الف مبروك روح
روح : الف مبروك الج يا روح اختج الف الحمدلله من شفت هاي الفرح بعيونج
نور : تسلمين روح الله يخليج اليه
روح : الشي الي مصبرني فرحة نور
خلصت العطله عادي مره وحده شفته اجه هوه وامه وسيف ..............كعدت يمه بس يمكن كلمتين حجينه وهوه ضل يسولف ويه ابويه على السياسه والوضع يعني ما بيناتنا شي
كمت اداوم عادي اشوف طيف بس بالمحاضره خليت كل تفكيري بالدراسه بحيث كمت حته ما اطلع من القاعه ابد ولا بالي شي ارجع اكل واساعد ماما وارجع للدراسه حته موبايل ما الزمه اله شي قليل لان اذا افكر اتعب
﹏﹏﹏﹏﹏﹏﹏﹏﹏﹏﹏﹏﹏﹏
طيف : صارت الخطوبه وعقدنه من دخلت وشفتها صليت على محمد بگلبي شكد هيه ضايجه بس شكد حلوه ونازكه اول مره انتبه عدها شامه بخدها والثانيه جوه شفتها ما ادري ليش گلبي مقهور عليها بس عقلي يكلي لا اذا اتزوجها عادل اختي راح تدمر هذا حب مراهقتها وهيه نهار كله وياه ادري بيها تحبه
لبسنه الحلقات وهيه ابد مو يمنه ولا عبالك ناس وهلاها وهوسات بس جسد يمنه صافنه
انتبهت عليها شلون تباوع على سيف ونور امبينه فرحانه بختها
رحت شفتها مره بس نفس علاقتنا ولا اطورت خطوه وحده ضلينا على اتفاقنه كلشي يضل سر و كدام الناس انبين طبيعين
بده الدوام ما اشوفها بس بداخل المحاضرة من اسال وتريد اتشارك ما اكومها ابد اشوفها تضوج بس اني متونس على عصبيتها يصير وجهه احمر بس ولا ابالي
صارت امتحانات
كمت انتبه عليها شويه شويه تضعف ما اعرف شبيها
مرات احجي ويه روحي شبيك طيف ليش تنتبه عليها انته شعليك بيها
﹏﹏﹏﹏﹏﹏﹏﹏﹏﹏﹏﹏﹏﹏
نور : روح باجر اني ما ارجع وياج سيف عازمني على غده
روح : تمام ارجع اني وسجى
نور : اوكي ...... اكولج شنو ولا اشوفج تحجين ويه دكتور طيف
روح : هااااا لا نتراسل
نور : زين ليش ما تروحين يمه بالكلية هوايه اكو وقت مرات بس انتي ما تطلعين
روح : تعرفين وقت امتحانات ملحكه اشبع منه بس الدراسة شلون اذا ما نجحت
وهوه هم دايماً يكول اهم شي الدراسة
نور : يمعوده هوه واحد يريد بس ينجح انتي ماكو تريدين معدل شبيج روح تره نهايتنا للمطبخ قابل راح نرشح للبرلمان
روح : من يوم يومج انتي هيج هوه احنه شنو طيح حظنه غيرج بالسادس كتلج نور ادرسي حته تطلعين معدل ننقبل بجامعة بغداد انتي شنو سويتي خلصتيها لعب وهاي احنه هنا من وراج
نور : شبيج روح ليش هيج عصبيه اني شنو سويت وثاني شغله انتي ردتي تجين للناصريه اني ما غصبتج
روح : الكلام بعد ما يفيد اذا خلصتي طفي الضوء اريد انطمر
نور : تمام راح اطفي الضوء.... بس هدي ماكو شي يستاهل هل عصبيه
روح : احجي بگلبي اي ماكو شي يستاهل...... بس حياتي ادمرت من وره المتعجرف المخنزر والله اله اطين عيشتك اذا ما خليك انته تريد اطلگني اصبرلي يا الرجل الحديدي
