طيف : ما ميت عليج تره سيف خابرني وكلي واستحيت من اختج لان هيه موصيته روح : وهيه هم موصيته تكلي حبيبتي وتلزم ايدي طيف : جااا شلون يحجون المخطوبين غير عساس احنه هسه واحد يحب الثاني وعايشين قصة حب مو هذا الاتفاق روح : كل الي كلت علي اني سويته بس هاي الحركات ما احبها ممنوع بعد تلزم ايدي طيف : فعلاً ميصير الزم ايدج بس لو واحد غريب تقبلين روح : انته شجاي تحجي طيف : لا تغشمين روحج وارجع واكول اني ما ميت عليج لو على شوفتج روح : اعرف بيك كل هذا تريد تضوجني طيف : واني شعندي وياج حته اضوجج روح : واسلوبك وياي بالمحاضرات اني كله فاهمته مو عبالك غشيمه وهسه شكراً ما قصرت هذا بيتنه وصلت طيف : ممنوع تروحين لاي مكان بدون علمي روح : شنو هوه بكيفك واني وين اروح من الكلية للبيت طيف : اي بكيفي مو سمعتج تكولين لبت عمج تريدين تروحين عليهم روح : انته ما تمنعني من كل شي اريد اسوي تمام لا عبالك هاي الخطوبه والفلم الهندي يهمني انسه طيف : خوش مدام روح نتحاسب روح : بس نزلت شخط السياره وراح يمه شكد خفت منه بس حيل ولا انطيته مجال شكد اكرهك. للعصر رجعت نور جابها سيف
﹏﹏﹏﹏﹏﹏﹏﹏﹏﹏﹏﹏﹏﹏
طيف : الخاطر الله شكد وكحه ولسانها طويل والله لو مو اكول عيب من اهلها اله الزكها بالجامه عبالها ميت عليها اني بس خلي تصبرلي بس تصير بهذا البيت اله اربيها من جديد زهرة : هااا يمه اصبلك تغده طيف : لا يا بعد روحي ما اريد بس تعبان اريد انام زهرة : يمه غير تاكل لكمه شوف صاير ضعيف طيف : ان شاء الله اكل بس اكعد..... يمه دعاء رجعت زهرة : اي يمه رجعت قبل شويه هيه و ابن عمك طيف : ابن عمي هوه الي جابرني على هذا الغضب . ......... خوش يمه اني راح انام زهرة : نوم الهنا يا يمه
﹏﹏﹏﹏﹏﹏﹏﹏﹏﹏﹏﹏﹏﹏
ثاني يوم روح : نور اريد قلم اليوم ناسيه اقلامي نور : شنو الموضوع صايره تنسين كلشي هيج حبيب القلب ماحذ بالج روح : اي كلش ولا اشوف شي بس هوه سيف : هنياله روح : انته فديوم تسويلي سكته قلبيه سيف : لا سلامتج انوب شيخلصنه من الدكتور روح : لليوم محد يعرف بيه مخطوبه اني وصيت نور ما تحجي فه اجتي وحده من البنات كالت هااا روح شنو هاي حبيب القلب طلع دكتور واحنه ما نعرف روح : لا يمعوده سيف يشاقه وياي
طيف : السلام عليكم سيف : واجه حبيب القلب روح : سيف يشاورني ما يعرف صارت هاي المحاضرة بنسبه الي مثل الجحيم طيف : من شفت سيف اتقرب منها ويحجي وياها ضجت ما اعرف ليش ........ سيف اكو شي سيف : لا دكتور ماكو، شي بس جاي احجي ويه روح على شغله طيف : اذا عدكم موضوع تفضلو بره سيف : لا دكتور ماكو داعي روح : هذا شبي طيف : اليوم هم ماكو محاضره ونرجع الاسئله واجوبة روح : سال سؤال كل القاعه سكتت ركزت بالسؤال بده يكوم بالطلاب الي رفعو اديهم بس كلها خطا عرفت الجواب ضلينا بس احنه 5 رافعين ادينه اريده يكومني ماكو 2 بنات جاوبن خطأ ولد هم خطأ ضلينا بس اني و واحد من الطلاب المتميزين عرفته هذا شاطر ولكفها واني اعرفه ما يريد يكومني احترمت نفسي ونزلت ايدي بس كلش مقهوره طيف : ما اعرف ليش نقهرت عليها من نزلت ايدها اعرف بيها شاطره وتعرف الجواب بس ما ادري ليش احب اشوفها تضوج وبنفس الوقت انقهر............روح روح : مستحيل كال اسمي اني جاي اتخيل ضليت بس اباوع علي طيف : روح تعرفين الجواب لو لا روح : فد فرحت اي دكتور هوه .......... طيف : الجوب صح روح : ولا مصدكه كومني وجاوبت صار فترة ما يكومني خلصت المحاضرة وبدت الطلاب تطلع من القاعه بس هوه مشغول باوراق يمه اني هم ردت اطلع سجاد : عفيه عليج روح تعرفين السؤال كلش صعب شلون لكفتيها روح : شكراً الك سجاد بس ركزت بالسؤال شويه سجاد : بالتوفيق ان شاءالله روح : للجميع من رخصتك سجاد طيف : من شفتها تحجي ويه سجاد كلش ضجت شكو تحجي وياه ونوب مجاملات دزيتلها رساله روح : جاي اطلع شفت جهازي رن رساله طيف : دقيقتين وانتي بمكتبي روح : باوعت علي بكل حقد ودزيتله رساله... اني ما امشي باوامرك طيف : تعرفين شسوي وبدت تخلص الدقيقة الاولى روح : الله ياخذك يا متعجرف احجي بگلبي من طلعت شفت سيف ونور نور : يله امشي نروح ناكل روح : دنكت راسي استحي من سيف ........ روحو انتم اني رايحه يم دكتور طيف سيف : قصدج حبيب القلب طيف ...... روحي وسلميلنه علي روح : اوكي يله نلتقي بالمحاضرة الجايه ....... رحت وبالي يسولف بس جسمي يمشي على الكاع شفته من بعيد راح يدخل للمكتب مالته رفع راسه وشافني باوعلي بنضره خربطت وضعي ارتبكت ما اعرف ليش عيونه تربكني .......ما اعرف شسوي نزلت راسي....... والله حيرتني روحي شنو جاي يصير وياي........ قبل لا اوصل اخذت نفس دكيت الباب ودخلت روح : نعم تفضل طيف : اول شي احجي عدل ثاني شغله اني هنا استاذج مو صديقج لازم تفصلين الحياة الشخصية عن الدراسة روح : من تسوي انته هذا الشي اسوي اني طيف : احترمي نفسج مو اني مثلج انتي شايفه نضراتج الي روح : لعد وانته قبل من ارفع ايدي تكومني او انته تسالني هسه ولا عبالك موجوده بالقاعة طيف : بس قبل شويه كومتج روح : اي صح........... طيف : حسيتها خجلت قبل شويه تحجي بعصبية هسه صوتها ما ينسمع روح : مرات سلوبه يخليني اخجل منه ونظراته ما اتحملهن ما اعرف شنو من سر شايله عيونه يعني غصب ما اكدر اباوع بيهن روح : اتفضل انته طلبتني طيف : قللي كلام بالقاعه ما ردت احرجج كدام الطلاب روح : واني شوكت حاجيه طيف : ويه سجاد روح : لا انته كلش زودتها هذا زميلي وهوه اجه يحجي وياي شنو اكوله لا ما اكدر احجي وياك حضرة الدكتور ما يقبل ........ يمه اجه عليه مثل الصاروخ وعيونه بگصته طيف : ديري بالج تحجين وياي بهذا السلوب فهمتي لو لا روح :........ وانته ما تتحكم بيه شنو اسوي ويه منو احجي..... احب ابين روحي قويه ما اريد يشوفني مكسوره طيف : بس اني زوجج على سنة الله ورسوله روح : خجلت منه من رخصتك عندي محاضره...... خليت وطلعت يا ربي شنو جاي يصير وياي شنو هل خربطه طيف : هاي شبيها صدك من كال سيف خبله بس حلو عليها الخجل
﹏﹏﹏﹏﹏﹏﹏﹏﹏﹏﹏﹏﹏﹏
روح : ماما اني اريد دولمه والله صار هوايه ما مسويتها احمد : يمه اني هم اريد دولمه نور : واني كبه سعاد : شوكت تنحل هل قضيه ناس دولمه وناس كبه روح : ماما اني احلها نور : اي بله يافهيمه روح : انتي معليج احجي ويه ماما ................ يوم اني راح اسوي الدولمه وانتي سويلهم كبه سعاد : هسه نحلت يله نبلش نور : اني راح اعزل البيت وانتم سوو الاكل روح : شكد حلوه الكعده بالبيت ويه الاهل الدوام تعبنه حيل كاعدين نسولف اني وماما اجه محمد محمد : يمه اني اريد اكلج شغله سعاد : اي ماما كول محمد : اريد اتزوج روح : اي كللللووووش محمد : شوكت تكبرين وهسه شنو فتهمتي هلهلتي روح : المهم النيه تكفي محمد : اريد اتزوج سجى بت عمو حاتم روح : وهسه احلى هلهوله .. كلللللووووووش سعاد : غير تخلينه نفتهم ست روح...... يا حبيبي البنيه حلوه ومرتبه و مؤدبه بس انته متاكد محمد : اي يمه متاكد سعاد : هاي هيه اني شريد بس سعادتكم ومن يجي ابوك اكوله بالموضوع محمد : ابويه عنده علم بهاي الشغله وهوه كال شوف امك سعاد : اني ما عندي اي مانع روح : هاي هيه لعد نروح نخطب احمد : هاي لمن الهلاهل معقوله اني تزوجت وما اعرف سعاد : لا راح نخطب لــ محمد احمد : اي الحمدلله بس منو تعيست قصدي سعيدة الحظ روح : سجى بنت عمو حاتم احمد : اي خوش بنيه ومحمد يستاهل يله لعد قبل امتحانات نهاية السنه نخطب وبالعطله نتزوج سعاد : الله يقدم الي بي الخير الكم
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
حبايبي لا تنسوون التصويت والتعليق🦋🦋🦋 ┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
