الحياة عندما تكشف أقنعة الناس تكشفها بقسوة، لدرجة أنك تحتاج وقتاً طويلاً لتستوعب بشاعة الوجه الحقيقي الذي تقاسمت معه ذكرياتك..!
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي 🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
طيف : قبل ما ننزل راح ادخل اسبح بس حضريلي ملابس
روح : تعجبت هوه ابد ما يطالب مني هيج شي يعني هوه الي يختار ملابسه ............... حاضر
حضرتله ملابسه وعطره ..... باوعت بالمريا وجهي كلش تعبان
خليت شويه مكياج بس هيج ترتيب
طيف : روح بعد ما اوصي......... ماكو لا شغل ولا شي
روح : اوكي....... قصدي صار ........ اني نازله
طيف : وين نازله. اكو خطار جوه لازم ننزل سوه
روح : تمام.............. نزلنا اني وياه بعدنه على الدرج اجتي ريم هوه بس شافها لزم ايدي............. فرحانه بداخلي بس بنفس الوقت اخجل منه
ريم : الحمدلله على سلامتج
روح : الله يسلمج عيني
ريم : طيف انتم كلش لايگين لبعض
طيف : صدك انتي تشوفين هيج
ريم : اكيد لو شدكولين روح
روح : هااااا اي.......
كل الموجودين تحمدولي على السلامه فد ستحيت منهم ما شفت نور سالت عليها كالو بعد ما اجت بس سيف هسه راح يجيبها
جاي يصبون غده دخلت نور سلمت كلش طبيعي حتى ما نتبهت على ايدي ولا كالت شبيج
روح : نور ليش ما اجيتي من وقت
نور : هاي الفتره عندي خمول ونعاس مو طبيعي
روح : ان شاء الله تخلص
نور : انتي ما صار عندج
روح : لا ماكو
طيبه : يمعوده يصيرون ويشلعون الگلب
روح : الله كريم
خلص الغده بين سوالفهم والجاي والفواكه وما اعرف شنو للعصر بدت تروح الناس ريم ما قبلت تروح ويه اهلها تريد تضل يم دعاء
اني كاعده يم خالتي صايره عليه حارس بس اريد اكوم وكالت وين رايحه
البنات كملو العشه بس احنه اكلنه لوحدنه لان جهال حسام كلش وكحين لو صوتهم عالي .......خالتي كالت خلو الولد يتعشون لوحدهم
خلصنا العشه البنات نضفن المطبخ اترخص من خالتي ورحت كعدت يمهم
كاعدين اني ونور ودعاء وريم بس طيبه جاي تصب چاي النه
ريم : اي سولفولي على عرسكم
روح : اني سكتت بدت نور تحجي سولفت كلشي
طيبه : لج ريم لو شايفه روح بالعرس صلاوات على محمد گرايبنه تعجبو عليها..... يعني حته نور
نور : شوفي بالحنه شنو لبست
ريم : ما عندج صوره لروح
نور : اي هسه اطلعلج روح بس شوفي بدلتي
روح : اني كاعده يمهن اسمع حجيهن وسوالفهن
دعاء : اليوم يمكن ما شربتي علاجج
روح : الضهر شربت بس هسه لا
نور : ليش شبيها
ريم : صدك تحجين غير البارحه حتركت
نور : شوكت اني ولا ادري
طيبه : ادري ما تشوفين ما تحرك ايدها
نور : لا والله ولا انتبهت....... الحمدلله على سلامتج بس شلون
روح : الله يسلمج حبيبتي......... هيج قابل واحد يحصن روحه لا ينجرح ولا يحترك عادي
