الخطوة الاولى لنجاح اي امرأة
أن تتجاوز فكرة الفارس الذي سيفعل لها ماتريد
وتفعل ذلك بنفسها، فالحياة ليست رجل .
┈┈┈┈┈┈┈┈┈┈┈┈┈┈┈🦋🦋
الكاتبة "فاطمة علي "
┈┈┈┈┈┈┈┈┈┈┈┈┈┈┈🦋🦋
روح : راحت ايام و اجتي ايام عادل ودعاء يترددون على كليتنا .........اخت سيف كلش خوش ابنيه دمها حلو وينحب
اهلي انتقلو للناصرية
واليوم نودع بيت عمي .............اني اجمع بغراضنه وابجي صار 3 سنوات احنه يمهم ما فد يوم لا عمه ولا عمو ولا البنات سمعونه كلمه وحده .........عمو خطيه يعاملنه مثل بناته واكثر ........وعمه حته من تصير عصبيه على بناتها ابد ما تحسسنه ..........من شفتهن راح يدخلن الغرفه مسحت دموعي
سجى : هااا ولج راح تعوفينه
روح : يا عمري ما اعوفج هذا بيتنا قريب عليكم كل يوم اجيج واحتمال اجي ابات يمج
نور : يله حته ترتاحين من يمنه وتاخذين الغرافه
سجى : ولي شنو هل حجي
حنين : اي والله يا نور اريد ارتاح موتتني بالغرفه
روح : هههه اكثر وحده مستفاده هيه حنين راح ترتاح
نور : يله روح راح انزل اخر جنطه لان محمد ينتظرنه جوه
سجى : ولج انتي انزلي وعوفي روح يمي
نور : شيخلصها اليوم
روح : سجى شبيج والله ما اريد ابجي
حنين : هوه انتي هم تبجين مخلصه حياتج بس شقه وضحك ولعب
روح : اي والله لعد لمن اعيش غير بس اضحك واتونس
سجى : يله خلي ننزل محمد يصيح
نور : هااا نزلتو
سجى : شلون راح افاركجن
روح : تعالي شوكت ما تريدين
سجى : منو يجيبني الكم
محمد : شوكت ما تريدين اني اجي اخذج...... قصدي اخذكم يعني انتي واخواتج
روح : يله محمد كملنه......... محمد اخذ الجنط والغراض واحنه بدت المناحه سلمت على عمه وعمو والبنات وخاصه سجى بس تبجي
﹏﹏﹏﹏﹏﹏﹏﹏﹏﹏﹏﹏﹏﹏
سيف : يمه اريد اتزوج
زهرة : يوم المبارك من تريد تتزوج بس غير انشوف اخيك طيوف
طيف : يمه اني ما اريد اتزوج ...... امي عبالها بعدني صغير دايماً تكلي طيوف
زهرة : چااا شلون يمه تضل بدون زواج .....انه رايده اشوف فروخك ...... يمه تريدني انه اشوفلك بت
طيف : لا يمه ما اريد خل سيف يتزوج
سيف : يمه شوكت تروحين تشوفين البنيه
زهرة : صار يمه بس غير نسال على البنيه
سيف : يمه اني سالت عليها واني اعرفها وطيف هم يعرفها
زهرة : يمه طيوف شلونها البت
طيف : خوش بنيه
سيف : يمه هذا الاسبوع روحي عليها
زهرة : شمالك يمه مستعجل اني اشوفنها واخذ عمتك وخالتك واخيتك.......اني توني فرحت يا يمه راح اشوفك عريس سيوف
الخميس اروحلهم
سيف : واني اخذكم
طيف : شبيك اثكل شويه ...................فرحان على فرحته صح بعده صغير بس هوه يحب ويريد يتزوج خلي يتهنه
﹏﹏﹏﹏﹏﹏﹏﹏﹏﹏﹏﹏﹏﹏
روح : خلصت هاي الفتره بين تعديل البيت وبين الجامعه والدراسه ضلت هيج حياتنه هادئة و بين عيوني الي ما تشبع شوف من الدكتور مرات تخلص المحاضره واني كلشي ما مفتهمه مرات انتبه علي هوه هم يباوعلي بس ابين اله اني ما مهتمه عقلي ميقبل على تصرفاتي بس ما اعرف شنو جاي يجبرني علي من اشوفه افقد التفكير ........روحي تتحكم بكل تصرفاتي كمت اجبر نفسي من يدخل انزل راسي وضل الوضع هيج
