دليني عليك سنين تايه بيك
امشي وياي ادورك خاطر اندلك
عرفني على شخصك رايداحجي وياك
كلمةوبعد ما غيرهة نكلك
وحده من اثنين
وحدةراح اختار
لو كلك احبك لواحب كلك
جبار رشيد
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
الكاتبة فاطمه علي 🦋🦋
┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈┈
روح...........
خلص اليوم مابين الخطار وكل شويه ناس تجي و لليل يله راحوا بيت سيف وبيت حسام ...........لملمت البيت وخالتي عشيتها وانطيتها علاجها وغيرت ملابسها.....
من نامت طلعت غسلت ملابس لان الولد العصر سبحوا وعمو وخالتي هسه..... احسن ما تضل للصبح ونوب ما الحك.......... شريت الملابس جاي ادخل على خالتي كلت ابات يمها هم عمو ما قبل كال منا وهيج بالنهار عليج لان اني تجيني ناس خطار وبليل عليه اني وياسر
ما لحيت علي....... صعدت لكيت طيف بغرفة المكتب كاعد يكتب واكيد لازم ايهاب المالكي موجود وياه بكل وقت مطلع ايهاب ويسمعه وحافظ كل قصايده ما تنزل وحده اذا مو هوه لازم اول واحد يسمعها...... عفته ودخلت للغرفه بوجهي للحمام هاي العاده مال كل يوم...... جاي انام خابرت دعاء خطيه كلش تعبان وضعها ومنا مقهوره على امها واني كتلها والله ماكو شي بدت تتحسن بس اكيد يضل بالها هنا...... بعدني احجي وياها دخل طيف
طيف : ويه منو تحجين
روح : هاي دعاء
طيف : انطيني احجي وياها
روح : تفضل
طيف : هلاااا يا بعد اخوج .......
دعاء : هلا بيك خويه
طيف : شلونج
دعاء : تحت رحمته...... طيف خويه احجي الصدك امنه شلونها
طيف : الحمدلله زينه وان شاء الله باقرب وقت اسفرها
روح : كمل مكالمة ويه اخته واجه كعد يمي
طيف : تفضلي موبايلج .....
روح : شكد تعبان......وجه ضعفان .......وصاير جوه عيونه سواد ولحيته جبيره بس بعده وسيم.... صافنه بي ونسيت نفسي.......
روح : بيك شي
طيف : باجر رايح اقدم استقالة من الجامعة
روح : ليش حرامات انته استاذ جامعي ناجح
طيف : روح لازم واحد من يمنه يتفرغ لامي..... لازم تسافر باقرب وقت لبنان
روح : اخذ اجازة حرامات تترك شغلك
طيف : راح اسافر وياها اربع اشهر هاي اذا تشافت واذا طولت لا سامح الله انضل اكثر ...... فدوه الشغل والدنيا كلها بس تكوم امي بخير وسلامه..... عندي بيوت ثنين بأسمي مأجرهن والمحلات ابوي انعيش بيهن وعندي كم فلس راح نسافر بيهن واذا حتاجيت ابيع واحد من البيوت
روح : هذا ذهبي اخذه ما احتاجه
طيف : كفو منج يا اصيله
روح : تسلم عيني
طيف : روح كلش تعبان
روح : سلامتك من التعب...... رب العالمين ما يعوف عبده بشده لازم يوگفله
طيف : حاشه لله ونعم من رب العالمين
روح : خليك قوي احنه منو لنه اذا انت ضعفت طيف انته سند هاي العائلة
طيف : روح بس اني هم بشر..... تعرفين من كلي الدكتور بمرض امي شنو صار بيه عبالك واحد لازم جمره ويكول كلش بارده...... داخلي يحترك بس لازم ابين قوي..... تعرفين صعوبة موقفي من اجيت اكول لاخوتي وابوي...... ما تتخيلين من جنت ادخل وما اشوف امي بالبيت شيصير بيه....... مرتين اصيح امي وراها اتذكر هيه بالمستشفى...... ايام واني نايم باب المستشفى ما اريد ارجع للبيت وهيه ماكو........
روح : هوه يسولف واني ابجي متت من القهر....... سوده عليه
طيف : لا تكولين هيج اسم الله عليج....... روح تعرفين كل الي جاي امر بي هاي حوبتج..... هاي حرگت گلبج جاي تطلع بيه...... كما تدين تدان...... رب العالمين جاي يعاقبني على كل يوم قهرتج وبجيتج بي
روح : لا يا عيني لا والله اني مسامحتك دنيا واخره...... ويمكن اخير يوم حجيت وخربطت بالحجي بس والله مو من كل گلبي...... محولل وموهب انته والديك....... ماعندي وياك كل مشكله
طيف : يا ما عيوني فدوه لروحج الطيبه......
روح : الخجل الي ما راضي يخلص ......
طيف : روح....
روح : هممممممم......
طيف : اهلج يمكن ما يعرفون بشي
روح : ....... لا ما حجيت شي بس بيوم ما عرفت بمرض خالتي جنت مقرره اكلهم راح نطلگ لان ما تفاهمنه
طيف : وهسه
روح : شنو هسه
طيف : بعدج على قرارج بالانفصال
روح : ........... ما اكوو اي حل يناسب علاقتنا
طيف : بس الطلاگ مو حل
روح : وشنو الحل بالنسبة الك ..... لعلاقه بدت وهم وجذب وتمثيل هيج علاقه البتر انسب شي الها
