Mystique Club: Operatives

Chapter 20: First Client

TRIGGER WARNING:
This CHAPTER may contain explicit depictions such as death, killing, self harm or suicide, sexual assault or harassment, vulgar words, swearing, and many disturbing gestures or depictions. TRIGGER WARNING shall be taken into consideration.

°*°*°*°*°*°*°*°*°*°*°*°*°*°*°*°*°*°*°*°*°*°*°*°*

First Client

JAMMY

Tumunog na ang bell, sign na tapos na ang morning class. Kasabay sina Sheila at Eloise ay nagtungo kami ng cafeteria. Nagpaalam ako sa kanilang dalawa dahil sa club room ako kakain. Mag-o-order lang ako ng pagkain na dadalhin ko roon.

“Good you're back,” bati ni Denver na nakapatong pa ang paa sa mesa. I swear, nakakairita ang itsura niya sa mga oras na 'to.

“At kailan mo naman kakausapin si Alex?”

“I'll talk to him soon. Kung gusto mo, I'll record our conversation as a proof that I granted your wish,” seryoso nitong sabi. Pawang nakapako ang mga tingin namin sa isa't-isa.

“So ano nang gagawin natin?” I asked na nakapameywang pa.

“Wait for a client. I already talked to the school admin and they will inform the students that our club is already open for service,” aniya na chill lang habang nakaupo.

Inirapan ko lang ito at umupo sa isa sa mga monoblock sa harap ng mesa nito. Okay, we have one hour to stay here and wait for any client to come. Mamaya ay babalik na rin kami sa klase namin. Every weekends, magiging full time ang service kaya mukhang mapapatambay ako rito tuwing weekend. Sana lang talaga may dumating na client. Ayaw na ayaw ko ng boring hours. Mas gugustuhin ko pang maglagi na lang sa library kesa umupo kasama ang ulupong na si Denver sa iisang room.

Tapos na ang isang oras at tumunog na muli ang bell, senyales ng pag-uumpisa ng afternoon class ngayong araw. Pero ni isa ay walang dumating na client sa club. Great start. Wish me luck, but I guess, lulumutin lang ang mga mata ko kakahintay sa sinasabi ni Denver na client.

It's been fifteen minutes passed nang tumunog kanina ang bell pero 'di parin dumarating si ma'am Resuleksyon.

“Hey, Jammy. Sabado, bukas. Uuwi ka ba sa inyo?” tanong ni Thyke. Nakangiti pa ito sa'kin at nilalaro ang hawak nitong ballpen.

Umiling ako rito. “Mag-i-stay ako sa dorm, eh. I need to go with Denver sa Mystique Club. It's already open, kanina lang, so if may mystery problem ka na pwedeng idulog samin, please reach Mystique Club. Kung may pinapahanap ka o kung ano man. Just send me your concerns,” nakangiti ko ring sabi rito.

Tumango-tango lang naman ito bilang tugon sa akin.

“Yayayain sana kitang lumabas,” sambit nito na may pagkamot pa sa ulo.

“Oh, I'm verry sorry, Thyke. Magiging busy kasi ako sa mga susunod na araw, eh. At ayokong lumabas kasama ang sino mang lalaki,” pagpapalusot ko. Wala talaga sa bokabularyo ko ang makipag-date kanino man. Thyke is good. Pero hindi ko gustong umasa siya sa wala. Mas mabuti nang tanggihan ko lahat ng pag-aaya niya, kaysa sakyan ko kung ano ang gusto niya at hintayin pang lagyan nito ng ibang ibig sabihin ang mga ginagawa ko. Ayoko nun.

Tumango muli ito sa'kin at ngumiti nang pilit. “Ayos lang, Jammy.”

Pagsapit ng sabado ay maaga akong naghanda upang magpunta ng Mystique Club. Tulad ng inaasahan, nadatnan ko roon si Denver na nasa dati nitong pwesto at nakapatong ang parehong paa sa mesa.