لم اجد سوا ان اهيم بك لا ادري ما الشرع وما الايجاد

Part:155,156

Part155
..
فيصل تنهد وهو مشتت مايدري شغايت بنته بهاللي تسوويه بس جاء الوقت الي يقوم فيه بواجب الابوه :  كلامك مايمثلني يبه .. بيتي مفتوح لبنتي .. ومحد له حق علي ولا  عليها
فهد بإستنكار: بنتك؟ بنتك لو ماسوت اشياء اكبر منها كان ماطردناها
فيصل: بنتي .. ماتنطرد من بيت ابوها لو ايش ماسوت
رائد  وكأن المثل ينطبق عليه ذاك الشبل من  ذاك الاسد: محد يهين اختي وراسي يشم الهواء البيوت الي ترفض اختي والله مادخلها ولا ادوس ارضها
حور انصدمت من كلام اخيها وابيها الان تقدر تقول ان عندها فعلا سند تكاد تبكي من فرط الشعور لتتحدث وهي لا تريد ان تشعر بالذنب: يبه  رائد  اقدر الي تسوونه بس
رائد: لا بس ولا شيء ي عين اخوك
ماجد(ابو عزيز) بحده:  لا اتشرف فيك بنت اخو ولا زوجه لولدي
عزيز  انصدم من ابوه: يبه؟
ماجد بحده أكبر : ي انا ي هي ي عزيز
عزيز بقوه: انت ابوي .. وهي زوجتي ولا تقارن شي بشيء يالغالي
حور بخفوت وحزن همست له: نفذ كلام ابوك
عزيز همس لها : اذا تبين فرقاي فبدري عليك
ماجد: بتعصيني عشان هذيي اذا اليوم قدرت تسوي هالشيء بكرا الله اعلم شتسوي
فيصل جنت جنونه الكل على بنته: ماااججججد ثمن كلامك .. لا تخليني انسى انك اخوي
عزيز سحب حور ليخرج بها وصوت كعبها يثبت ثباتها ورأسها المرفوع يخبرهم انها لم تخجل بما فعلته
خرجا ..تاركين الكل ورائهم
... بعيدا  اوقف السياره بشارع فاضي  بقوه لترتد حور للامام  وتحمد ربها انها ارتدت الحزام نضرت لعزيز الذي انزل رأسه وضعت يدها  ع كتفه لتهمس برقه : عز
عزيز ورأسه للاسفل بألم: ليش  لما تسوين الغلط ماقدر اعاتبك ولا اقسي عليك .. ليش لما الكل يتوقع مني ردة فعل على الي تسوينه اخيب توقاعتهم واكون  معاك وانتِ على غلط؟  هل هذا من فرط حبي لك ولا خوفي من خسارتك نفس ماخسرت امي؟
حور انصدمت من تساؤله: كان صرت معاهم ..
عزيز لف لها بحرقه: مقدر مقدر لا لساني يطاوعني ولا قلبي .. مقدر اخليك .. انا تعبت من طيشك وتهورك اتمنى يوم تحسبين لي حساب وتردين لي اعتباري
حور بتنهيده: كنت ابقولك
عزيز بقهر: كنتي!!! انا عزيز ي حور  عزيز انا راعي صبر وبال طوييييل .. لا تجبريني ع الردى ي بنت عمي .. علميني اسبابك
حور : جنى .. عايشه وعشان اثبت لكم بيفتحون قبرها بكرا
عزيز تنهد: بنشوف شيصير بكرا ... اتمنى ماتخيبين ضني ي ابوي
حور رفعت هاتفها لترسل مسج لخالها
فيك تجي بكرا
راشد: ليش ي عيونه احد سوا لك شيء؟
لا لا بس ابيك
راشد: بحاول ان ماقدرت ارسلت صوفيا وياسر
تمام
اغلقت هاتفها لتلف انضارها حول عزيز تتمنى ان تعيش ايامها كأي فتاه

Part156
..
ايامها كأي فتاه تزوجت ولكن .. جنى وصرخاتها تجعلها تسرع بالامور
.... لندن ..
بمكان لاول مره نزوره  مكان بعيد عن المدينه مكان حوله الاشجار فقط  الكثير من الاشجار قصر يدل ع الرفاهيه وحراس وكلاب بوليسيه تملأ المكان خدم بكل  مكان  وغرفه كبيره  داخل القصر مليئه بانواع ال نبيذ  وكؤوسه على تلك المائده تلك الفتاه ذات الشعر الاسود القصير وعينان بنيتان واسعتان بشره سمراء اللون ترتدي شورت  ابيض وتوب ابيض تشرب النبيذ  بإستمتاع  وصوت الموسيقى الهادئ يعلو رن هاتفها لترد  الو
اتاها الصوت الجاد: سيدتي لقد عرفت  وبدأت بلبحث ماذا يجب ان نفعل
تحدثت ببرود ونبره قاسيه: اختطفها و اختطف الاخرى  ايضا حان لم الشمل
اغلقت الهاتف لترى الذي اتى غاضباً تحدث بألم: لقد استفزتني ي مارينا
مارينا ابتسمت بشماته: تستاهل
اغمض عيناه بهدوء:  ماودك تلمين شمل الاصحاب؟
مارينا عقدت حاجبيها لتطرأ عليها: كيف نسيت .. لتتصل بسرعه وتحدثت بأمر: اختطف مريام آل محمد
.... السعوديه
صباحاً الساعه 10والنصف
خرجت من الحمام لتوها  تجفف شعرها بهدوء لتتجه الى غرفه الملابس ابدلت ملابسها مرتديه بنطال اسود ضيق ذو ريش اسفله  وبلوزه سوداء  بدون اكمام  يزينها ريش اسود  يبرز جمال نحرها وعضلات الرقبه ضيقه  لكي يبرز نحالة خصرها اما شعرها جعلته كيرلي وضعت ع وجهها قلوس وماسكرا فقط  فبعد نصف ساعه كشف القبر ابتسمت بأمل لتتحرك متجه تيقظ عزيز  هزت اكتافه ببطء
عز عزيز قوم يلا لم يجيب لتزم شفتيها بتفكير سيأخذ وقتاً ع وصولها للقبر يجب ان تذهب بدونه اخذت عبائتها السوداء ثم حجابها الأسود  اخذت هاتفها فقط وخرجت مسرعه كتبت بهاتفها له : هروح قبلك ..اشوفك هناك .. اتجهت تركب سيارتها وتشعر بطاقه ايجابيه جدا اليوم واخيرا ستكشف لهم حقيقة قولها  حركت سيارتها بهدوء وحماس يعتليها
..
ع السرير  قدميها عند صدرها متخذه وضعية الجنين  قد سمعت من سلمان  ما أمرت به حور  الضيق يعتليها والدمع يتوسط خديها  لما تفعل حور هكذا لما
تنهدت  لترى ضل تعرفه جيدا
سلمان نضر لها متأملاً هو اخبرها كي لا تسمع من غيره يتمنى لو رأى حور يجزم انه سيحطم رأسها على ماتفعله لا يعلم ماتفكر به ولكن هي زوجة ابن خالته وهو مندهش من عزيز بعض الشيء كيف مرر فعلتها مرور الكرام زم شفتيه ليتقدم ويجلس بجانبها: نجود  ي عيونه .. البكى اتعبك ي ابوي
نجود بصوت مبحوح من البكاء: شتبيني اسوي .. مابيدي شيء غير البكى خلني ابكي لعل وعسى الحرقه الي بقلبي يطفيها البكى
سلمان: اهدي .. ي عيونه ودك تطلعين  تشمين هواء شوي ؟
نجود رفعت راسها: ابي اروح .. لهم