لم اجد سوا ان اهيم بك لا ادري ما الشرع وما الايجاد

part:231,232

Part231
..
محمد اتكى وبحده: اختي تعبانه نفسياً والله لو اعرف انك ضارها والله لتطلقها غصب
سلمان ناضره بحده
محمد: لايكون حسبالك ان اختي ماوراها سند؟
سلمان بسخريه: وينك ي سندها قبل سنه وشوي؟
محمد بقهر: معي عذري ! مسافر وماكنت ادري عن شيء رجعت  ومن حطت رجلي بيت اهلي وعرفت كل شيء جيت هنا .. اخت محمد ماتنهان ي سلمان  اذا ماتبي اختي تقدر تطلقها الي اعرفه مجبور عليها
... ممسكه بالشرشف وواقفه تسمع عند الباب كلام اخوها الاخير تنتضر جواب سلمان وشاده ع الشرشف بقوه ..
محمد يراقب سلمان بترقب رده  اكمل: موقفك حرج وامي هددتك بوظيفتك طبيعي اي شخص بيسوي نفس فعلتك بس اعرف ان اختي رجع سندها  انت كفيت ووفيت اذا تبي اختي وبتكمل معاها الله يوفقكم اذا ماتبيها تقدر تنهي مشوارك معها وتطلقها .. عطني جوابك  ي ابو محسن
سلمان سكت  يعجز عن الكلام  وشاف نجود داخله
محمد ابتسم لها: هلا بحبيبة اخوها
نجود ابتلعت غصتها وابتسمت رغم الالم رفعت انضارها لسلمان وبداخلها سؤال تبي جوابه
"متى بتوب من كسر الخواطر " تمنت يقول اي ابي اختك وشاريها وابكمل مشواري معها ..تمنت اقلها يقول ابيها
سلمان عجز عن تفسير نضرتها لاول مره  ليخرج تاركهم .
محمد وهو يشوفها تناضر طيفه بحزن: مرتاحه معاه؟
نجود:  ه.هلا
محمد: اقول مرتاحه معاه؟
نجود: الحمدلله
...
الساعه الثالثه فجراً .
سديم ببجامتها القطنيه تنضر لتقطير القهوه بشرود: غريبه
حور ببجامتها وشعرها رافعته فوق جالسه ع طاولة المطبخ بسخريه: شنو الغريب؟
سديم اخذت اكواب القهوه: حركات عزيز وكأنها مو عزيز الي نعرفه
حور: الانسان يتغير مو؟ هذا حال عز
سديم اعطتها كوب القهوه: لا احس في شيء غلط
حور: احسه مو عز الي اعرفه
سديم سكتت بحزن ع حال صديقتها التي لم تكتمل فرحتها قط
حور ابتسمت: معلينا من عز وغيره كيفك انتِ جهزتي لزواجك؟
سديم ابتسمت بعمق: ايي الحمدلله كل شيء جاهز
حور: الله يتمم لك ع خير ياروحي
سديم تمتمت بأمين : والله يريح قلبك
حور:  تعالي نتابع movie  احسن من الرجال
سديم :يلا اختاري  وانا اجهز  الفشار
حور ضحكت وهي طالعه من المطبخ : تم
.. حل الصباح
الساعه الثانيه عشرا ضهرا
الكل متجمع بالمجلس سوالف جانبيه وضحك وسوالف
مزنه الجده: وين زوجتس؟
حور :مدري
مزنه بنتقاد:الله لا يبلانا ماتدرين وين زوجتس؟
حور بهدوء وهي تشوف الكل التفت لها بلمجلس : اي
مزنه: الله يرحم زماننا مامعنا جوالات ونعرف اماكن رجالنا وانتِ ي بنت اليوم ماتدقين عليه ولا تسألين عنه ماتدرين هو  حي ميت لو ياخذ عليتس باتسر بتجلسين تنوحين عند امتس من اهمالتس ي ..

Part232
..
حور  وقفت قاطعتها بصراخ والكل مستغرب انها رفعت صوتها : مايرد علييي شسويي ارسل له زاجل؟
مزنه سكتت بصدمه
فاطمه بحده: حور !
حور ادركت وتقدمت باست راس جدتها بتأسف: معليش اعذريني يمه مزنه
مزنه اومأت بهدوء
بهلحضه دخل عزيز .
الجد بحده: وين كنت ؟
عزيز بصوت مبحوح من النوم: كنت نايم ليه؟
الجد بسخريه: نايم برا بيتك؟  ناسي انك متزوج ولا كيف ؟
عزيز جلس بعيد عن حور ع نفس الكنبه بس بينهم مسافه: غفيت بدون ماحس عسى ماشر ؟
الجد طنشه
مزنه الجده: حور قومي صبي لرجلتس قهوه
حور وقفت  اتجهت ناحية الفنجال  وبتصب له سمعت صوته يتكلم عن الشغل لاول مره من زمان ماسمعت صوته الهادي بهالشكل ادركت و تقدمت ومدتها له
عزيز بدون مايناضر لها: حطيها ع الطاوله
حور ماسمعته لانها كانت شارده
عزيز: ماتسمعيين؟
الجد: صوتك  لا يعلى عليها
حور استفاقت من شرودها: معليش  شكنت تقول
عزيز: يتهنى الي ببالك
حور ابتسمت : اميين
عزيز انقهر وسكت
حور حطت القهوه ع الطاوله  واخذت جوالها  تراسل اخصائيه وهي تتمنى شكوكها تطلع صح
.. london..
فتحت عينيها ببطء لتغلقها من سطوع الغرفه فتحتها مره اخرى وهي تسمع صوت امها : ماما؟
ام مريام برسميه: ايوا قمتي اخيرا؟
مريام رغم تعبها: شتسوين هنا؟
ام مريام  بسخريه: جايه اشوف بطولتك مابيها تفوتني
مريام : ع.عزام اخباره؟
ام مريام: انا ابفهم  قريب زواجك من ماجد وتفكرين بخطيبك السابق ! خليتينا بموقف محرج
مريام:عزام كيفه؟
ام مريام بتأفف: قطو سبع ارواح معليك عايش
مريام ابتسمت بعمق
ليدخل ماجد بهلحضه معه بوكيه ورد احمر  تلاشت ابتسامتها
ماجد: كيفك اليوم؟
مريام كشرت وهي تشوفه يبوس راسها  حط بوكيه الورد بحضنها بخاطرها تصفقه فيه
.. بلجهه الاخرى
أحمد بقلق:  لم افهمك دكتور !
الدكتور: لا عليك هذا نادرا مايحدث بعمليات الزراعه االمريض لم يتحمل الم العمليه فعندما اخرجناه رأينا انه دخل غيبوبه هذه الامور تحدث
أبو عزام بخوف: متى سيستيقظ دكتور؟
الدكتور: لا نعلم فهذا خيار المريض نفسه حاولوا انت تتحدثوا معه لتستجيب رغبته بلحياه .. خرج بعد القائه كلماته
ابو عزيز حس بدوخه ليسنده أحمد بألم:الله يقومه بالسلامه
أحمد: معليه ي عم اهم شيء تعدا مرحلة الخطر