لم اجد سوا ان اهيم بك لا ادري ما الشرع وما الايجاد

part:217,218

Part217
~
فيصل : يمكن شيء يصعب تصديقه بس فعلا عزيز كان يشوفك بحلامه
حور:كيف انا مو فاهمه
فيصل: نرجع اللوحه وندخل واحكيلك؟
حور اومأت وهي للان مذهوله
..
جلسا  بالغرفه الداخليه
وحور متوتره وبنفس الوقت مندهشه: يلا احكي لي
فيصل: وقتها عزيز عمره  ٢٧ طبعا تعرفين فرق العمر بينكم تسع سنوات
حور: ايوا عارفه
فيصل ابتسم: عزيز كان يشوفك بحلامه
حور : بحلامه ؟ وكيف عرفت
فيصل: والله ماكنت اعرف لين بيوم جاني مرعوب وقال
...
كان فيصل  بلمركز هو وعزيز يعملان لوقت متأخر من اليل  دخل عزيز على فيصل ووجهه مرهق ومرعوب من التفكير بدون مقدمات قال: عم تعرف شكل حور ؟
فيصل انفجع من دخوله: حور مين حور
عزيز: ببنتك عمي تعرف شكلها
فيصل ابتسم بحزن: لا
عزيز بضيق: تمام
فيصل عقد حواجبه بحده: تعال شعندك تسأل وراك شيء ؟
عزيز بلع ريقه بهدوء: لي شهرين احلم ببنت وانا .. ابي بنتك من زمان ففاخاف البنت الي قاعد اشوفها مو حور
فيصل بستغراب: تخاف؟ بتاكلك هي؟
عزيز جلس امام مكتبه بضيق مسح وجهه: لا اخاف البنت الي اشوفها جميله حد النخاع  اخاف الي شفتها و كل يوم افكر فيها ماتطلع حور اخاف كذا اخونها
فيصل اتكى ع الكرسي: انت تحلم وهالشيء ماينسمى خيانه
عزيز: حتى لو اخاف اخونها بمجرد اني افكر بغيره ي عم
فيصل تنهد : طيب حاول توصف شكلها
عزيز: ارسمها لك لو تبي
فيصل ضحك: ترسمها؟ لا ي شيخ الي يسمعك يقول جفنشي قدامي
عزيز: ابدخل معاهد اتعلم الرسم
.. بعدها بشهر جاء عزيز بالرسمه قدام فيصل الي مذهول من جمال البنت واكد لعزيز عدم خوفه لانها تشبه فاطمه بالضبط  بخصوص ان حنين تشبه له
عرف انها حور
..
فيصل: وقتها لما قلت حور فرحته تحسين هم وانزاح عنه وجاء بياخذ اللوحه بس اخذتها منه وزعل هههههه
حور بذهول ابتسمت بعمق لوين بيوصل حُبك ي عزيز؟ هذا الي يدور ببالها وهي مذهوله:  طلعت بحلمه؟
فيصل ابتسم لها: من كثر ماهو عاشق لك ربي عشان يريحه وماينجن علينا طلعك بحلمه لانه قبل لايعرف السبب كان قالب البيت ع روسنا
حور ضحكت برقه وهي تحس  ودها تشوف عزيز: عادي اخذ اللوحه؟
فيصل: ايي من حقك ي بابا
حور احضنته: شكرا بابا انك خبرتني
فيصل: ولو ي العنقود
حور: بابا بليز ابشوفه
فيصل: لا
حور: بليز كلن مع حبيبه والبقيه  السنقل نايمين يقولو تعبانين وفوقها تاخر الوقت شوف الساعه بتجي العشره
فيصل: خلاص خلاص لا تحنين نادي جنى وامشن
حور من الفرحه باست خده وركضت لجنى

Part218
..
بلمركز ..
سلمان خبر عزيز وغيث بكل الي صار وكيف التقى بنجود وكيف كل شيء حرفيا سرده لهم وحس انه ارتاح بعد مافضفض: وهذا كل الي صار لي حياتي تغيرت 180 درجه بعد ذيك اليله
غيث: الله يلوم الي يلومك انحطيت بموقف انحسدت عليه ومالها حق زوجتك تلومك لان اي رجل ممكن يفكر كذا
سلمان لف لعزيز الصامت وهو لاول مره يحس وده يسمع  راي عزيز هو صدق ماصاحبه الا للمتوسط وماتت خالته وقتها عزيز قطعهم  وكرهم كلهم صار بخاطره يعرف راي عزيز فهو كان صاحبه الاقرب ايام ماكانوا بلمتوسطه ومن ذيك اللحظه الى الان هذي اول مره يفضفض له :وانت؟
عزيز: ماتفق معاك ي غيث حط مكانك مكان البنت؟ هل بتضم هالشخص الي قدامك وانت  اول مره تشوفه ؟ وتعرض نفسك لكل هالتعب
غيث بحذر : معليش ي سلمان اعذرني ع الي ابقوله ي خوي بس يمكن عبالها شخص ثاني
عزيز قاطعه بحده: لا تزرع الشك براسه وانت مو عارف ايش يعني بكلامك هذا تتهم انسانه طاهره! اسمعني وانا اخوك( قالها بدون شعور واثرت ع سلمان بشكل كبيييير جدا كونه يحن لايامهم قبل)  البنت  حاولت تبرر لك بجميع الاحوال وبلبكى تثبت لك انها فعلاً طاهره ومحاولاتها بالرجوع لو ماكانت كذا كان هربت من زمان عنك او فعلت اي شيء حتى تبعد عنك او تخونك قدام عيونك حتى تطلقها بما انها حاولت تبري نفسها قدامك فاعرف انها مظلومه نفس مانت مظلوم اذا انت الضحيه فهي الفريسه حقت  الضحيه وقالت لك عن زوجة ابوها فاعرف انها معاها حق مو كل زوجة اب طيبه وحنونه ! قدرها وعزها ولا تهينها مهما كان هي انسانه ولها مشاعر ولا تنسى قول الرسول صلى الله عليه وسلم(رفقاً بلقوارير) ي تعاملها بلاحسان او فارقها بإحسان عمرك لا تتصرف وكأنها عبده عندك مهما كان بيجي يوم ويبين الحق وتندم قد شعر راسك الا المرأه لا تهينها وانا اخوك
~عم الصمت بعد كلام عزيز ليضل سلمان يفكر ولا مره عاملها بإحسان كان دايما يلومها وكأنه ضحيه مايدري انها الفريسه حقته تعذب وعذبها جسديا نفسيا هل انا فعلا قسيت
عزيز رفع انضاره له وهو عارف ولد خالته والي كان بيوم من الايام صاحبه منفعل بشكل كبير هو فعلا عصبي بس يعصب ع الحق عكس سلمان عصبيته تنزاح لشك اكثر: مافات الفوت بعدك بأول الطريق
سلمان بتعب ويأس: تهقى
غيث ابتسم ليتقدم يربت ع كتفه: اي  بما انك مخربها بالبدايات خلها جميله النهايه
.. قاطع حديثهم دخول الفتاتين
غيث بدهشه: جنى
عزيز رفع راسه توسعت عيونه بغضب
جنى ضحكت بطقطقه: اتينا لزيارة السجناء
حور بسخريه: بلبس الشرطه وبالزنزانه شخليتو للمجرمين؟
جنى: بهذلكم عمي
غيث بنذاله: عم ترى جنى تعرف