أفنـان عليّ خـان
١١ ـ منازعات عمل.
نيره شريف
فصل طويل وخناقات لطيفة 😂💕💕💕🥹
__________________________
"متشكرة. "
قالتها لتنصرف ولكنه أوقفها بتساؤل قائلًا :
أدائمًا أنتِ هكذا ، تتصارعين مع ذباب وجهك !
" لا اتصارع مع البعوض فقط ، مثلك هكذا "
قلدته وهي تتحدث بصوت غليظ لتهرول سريعًا بخوف ثم استدارت بسرعة تنظر نحوه لترى ابتسامة صغيرة على ثغره لتشعر بالغيظ منه ثم دلفت للداخل بلا اهتمام.
قابلتها تقى وهي خارجة بضيق قائلة :
بقولك أيه أنا زهقت مش هنقضيها نسمع عِبر ومواعظ صباع رجلي الصغير فأفأ والله.
" معلش استحملي ، شوية ونروح وبعدين حاجتي جوه"
قالتها أفنان محاولة التخلص من صداع صديقتها
ردت تقى ببلاهة وهي تشير لها عما بيدها قائلة :
ودي تفوت عليا ؟
جبتلك كل حاجة ناقص ننط في أي ميكروباص
صراحة مش قادرة أتخيل إننا هنقعد ساعتين ونص لغاية ما الفقرات تطأطأ.
" ما تنقي ألفاظك شوية ، أيه تطأطأ وتفأفأ دي ؟! "
قالتها أفنان بازدراء لترد الآخرى قائلة بعبوس :
بحب أوصف جسمي كويس لو سمحتي.
" أمم طيب بقولك "
قالتها أفنان لتنم عن شيء مخفي فابتسمت تقى بذكاء ومكر قائلة :
شكل الموضوع في إنّ.
" وأخواتها وولاد عمتها كان وبتنجانة ، بصي
المفروض الأخ المستفز اللي كان مع الأخ المستفز اللي دافع عنك وبعدها هبب الدنيا من شوية جالي وأنا بتصور تقريبًا لمح العبط اللي كنت بعمله علشان أطلع بصورة ما هو أنتِ لو كنتِ معايا مكانش هيحصل كده ! "
قالتها أفنان بغيظ مكبوت.
" ها وبعدين خدي بالك شكلك رجعتي للعادة أياها ، حضرتك نسيتي تقوليلي اللي حصل "
قالتها تقى وهي ترمقها بتوجس وخوف.
" يوي نسيت صح ، المهم وقفني وقالي تعالي أصورلك ، روحت بصتله نظرة كده تخوف وقولتله متشكرة..أه أصل أيه فاكرني هقع في دباديبه ولا أيه "
" بس شكلي وقعت بجد في دباديبه ، ده كفاية وشه وابتسامته ، الراجل ده بيبي فيس أكتر من البيبي نفسه"
قالتها أفنان وهي تتحدث بهيام في الجملة الأخيرة لتعتدل مرة آخرى في حديثها قائلة بتفكير :
عارفة هو يمكن شكله حلو وطريقته حلوة بس غريبة أوي إحساس إنك متكونش متطمن ، وشه وملامحه غريبة أوي تحسيه سوهنة معرفش ليه !
" مش هيبقى أفظع من اللي شوفته جوه ده ، تحسيه معندوش حياء ولا أدب .. نظراته كلها واضحة ومبيخافش حتى ، ده كان ناقص يفصل جسمي. "
تحدثت بها تقى وعلى وجهها علامات ضيق.
رمقتها أفنان بريبة قائلة :
ومالك قالبة بوزك ليه ، اللي يشوفك يقول عليكِ بتحبيه.
" صراحة الوله حلو يا أفنان ، أنا أكيد مش هعمل حاجة معاه ومليش دعوة بيه بس بقولك "
قالتها بتيه وإحباط فردت الآخرى بضجر قائلًا :
تقى اتعدلي ، أه الحب لا عيب ولا حرام بس مينفعش كلامك ثم أنه ميتحبش أصلًا ده معندوش نظر..كان عايز يخلي الراجل يمشي ثم استني كده ، أيه كلمة الحب اللي عمالة أقولها دي ! الواد ده تنسيه خالص ولما أحس أنه إنسان محترم وأوافق عليه نبقى نشوف حوارات قلبك دي أيه.
أنت تقرأ
أفنان عليّ خان
Romanceماذا إذا علمتُ أن الأرض لها مكافئات ؟ مهلًا أقصد جميع الدول لها مكافئات بمعنى أنني أنا وأنت نعيش فقط على الجزء العلوي أيًا كانت دولتك ولكن هناك حياة للفراعنة الجدد بالأسفل ولكل دولة عصر فرعوني مختلف بالديانة السائدة في هذه الدولة أفنان طالبة في كل...
