٤٤- الملك محمد خـان ميمون
أفنان عليّ خـان
- نيره شريف
أفنان مستفزاني أنا شخصيًا علشان كده قولتلكم من البداية بلاش بس نعمل أيه بقى مبنسمعش الكلام بس عمومًا هي تحت السيطرة لسه...
النجمة ثم النجمة ثم النجمة.
_________________________________________
" طيب هو يصالحني وأنا هصالحه لكن مش هبدأ أنا. "
قالتها بغباء وهي مازالت ترفض، هنا صاحت تقى بضيق قائلة:
أنتِ مستفزة كده ليه؟؟
الراجل عمال يقدم والبعيدة حلوفة.
قطمت نوف قطعة من التفاح قائلة وهي تومأ برأسها:
حقًا حلوفة.
صاحت أفنان قائلة بهجوم ودفاع في نفس الوقت:
بقولك إيه اخرجي منها يا تقى بدل ما أجيبك من شعرك.
هنا عادت تقى للنسخة الشريرة منها قائلة بتهديد:
ما بلاش! بدل ما أجيبك من شعرك قدامهم دلوقتي ويبقى شكلك معفـن.
" لا تعالي، تعالي وريني
أنا عايزه شكلي يبقى معفن! "
قالتها تقى بجراءة قائلة:
بين نعيد الأمجاد.
صاحت أفنان دون هياب قائلة:
مش أمجاد ماتت وعيالها مستنين الورث؟
ضحكت الأخرى قائلة باستهزاء وهي تقترب منها:
وأنا جاية اتخانق على الورث!
ابتسمت أفنان بشر كبير مقتربة منها بخبث قائلة:
تعاليلي.
نشب عراك بين الاثنتين لم يستطيع أحد أن يفضه بسهولة ومن كان لديه قوة كان يفقدها بمجرد الدخول بينهم أثناء هذا الشجار.
وقفت عائشة وشاهندة وميرال يحاوطون أفنان والباقية يحاوطون تقى لتصرخ أفنان بعنف قائلة:
سيبولي الواطية اللي جاية تمسك فيا وأنا مش طايقة نفسي.
" ده أنتِ إنسانة سافلة بصحيح."
قالتها تقى موبخة إياها لتنهي أفنان العراك قائلة:
خلاص كل واحد يروح يقعد مكانه واتفضلوا فكروا نعمل أيه في خـان؟
نظرات مستفهمة تلقتها أفنان من جميع الجالسات عدا تقى التي اعتادت على خلق عراك ثم العودة كما كانوا.
ابتسمت تقى قائلة بخبث :
قوليلنا يا أفنان وبما إننا قاعدين كلنا سوا، إيه معقول خـان ميكونش عشش جوه قلبك؟ وبعدين طالما معترفتيش بحبك لغاية دلوقتي يبقى ليه أصلًا أنتِ بتحومي عليه!
" هو جوزي. "
قالتها بدفاع متمتمة ببعض الكلمات بغيظ. عارضت شاهندة حديثها قائلة بنفاذ صبر :
لا مش بس جوزك، قولي الحقيقة ولو خايفة يوصل لخـان حاجة كلنا هنحلف إن محدش هيطلع كلمة وفهمينا هربتي ليه مثلًا، هل أنتِ مش عايزاه؟
أصل محدش شايف المبرر لده ومحدش مصدق إنك مش عايزاه.
ردت أفنان بعد أن فاض بها الكيل لتصيح قائلة:
أه في مشاعر مني ليه بس أنا مش عايزه خـان بالشكل ده، إحنا الاتنين مش مناسبين لبعض، هو بيحاول يراضيني وأنا مبقدرش ده وعلطول بطلب منه الكتير فأنا حاسة إني إنسانة مرهقة ومهما اتعملي مش برضى وهو أكيد مش هيقعد طول الوقت يعملي اللي أنا عايزاه هيجي يوم ويتعب ثم إن الموضوع كله على بعضه مش ظابط ده أنا أخاف أفكر اتجوز ظابط ليموت في شغله ما بالك متجوزة ملك وأكيد أخوكم بيتعرض لخطر وأنا مش هكون حمل ده بعدين، فأنا حاسة إني عايشة غلط ومش موافقة على إني أحب أو أقول حاجة زي دي.
أنت تقرأ
أفنان عليّ خان
Romanceماذا إذا علمتُ أن الأرض لها مكافئات ؟ مهلًا أقصد جميع الدول لها مكافئات بمعنى أنني أنا وأنت نعيش فقط على الجزء العلوي أيًا كانت دولتك ولكن هناك حياة للفراعنة الجدد بالأسفل ولكل دولة عصر فرعوني مختلف بالديانة السائدة في هذه الدولة أفنان طالبة في كل...
