أفنان عليّ خان

١٧- بيتزا خـان

أفنـــان عليّ خـــان

نيـره شريـف

١٧- بيتزا خـان

أنا انجزت مهمتي الحمد لله ياريت تظبوطني وتعرفوا الرواية لأي حد والله روايتي فيها شغل فاخر من الآخر 💖💖💖😂

_________________________________________

" هو دلوقتي مصطفى هيعمل أيه هو واللي معاه
أوعى تكون أذيتهم، أنا جيت معاك علشان متعملش حاجة فيهم وعلشان شكلك بتاع مشاكل "
قالتها أفنـان التي مازالت واقفة بجانبه تشعر بالذعر من كل ما تسمعه وتراه هنا.

رد عليها بعدم اهتمام قائلًا: 
لا يخصك أنتِ هنا بعالم تاني
أنتِ دمية.

" دميـــة!!! "
شهقت بها بوجه متهجم ثم اقتربت منه جاذبة ياقة قميصه بعنف وأردفت بشجاعة:
لا بص أنت شكلك سامع عني غلط
ثم إني أنا مش زي البنات الهبلة اللي بره
ده أنا أوديك البحر وأرجعك عطشان.

اكتفى فقط بالصمت والنظر لجسدها بنظرات مريبة فابتعدت بخوف ثم قالت: 
هتنيل اترزع فين.

رد باستنكار وتوجس:
ماذا تعني؟

" هقعد فين؟ "

حك دقنه الأملس قائلًا
" أنا كنت أريد أن اتحدث معكِ فـ "

بترت حديثه بنبرتها الحادة التي لا تليق على هيئتها:
أديك قولت كنت يعني فعل ماضي مبني على الكلام الفاضي وأنا مش فاضية للكــ.... أه إيدي..

كان قابضًا على يديها بقوته يحذرها بكل غيظه قائلًا:
للآن لم تري الوجه الحقيقي لي
أنا تاركك هنا تثرثرين كما تحبي
لكن لن اتركك كثيـرًا.

"لا خوفـت
خوفت وركبي خبطت في بعض" 
قالتها باستفزاز فنادى الملك خـان بصوت عالي مرعب قائلًا: 
زليخـــة.

توجهت إليه الفتاة قائلة باحترام: 
نعم سيد خـان.

قال بأمر وهو يرمق أفنان الذي دب الرعب في قلبها:
جهزي غرفة لها ، اغلقيها عليها طوال الوقت
سيكون الطعام والملابس والمرحاض متوفرين لكِ سيدة أفنـان وستخرجين فقط وقت المساء، حيث العشاء وسط زوجاتي الثلاث

ظلت أفنان واقفة تستمع للحديث الذي لم ولن يعجبها أبدًا ثم قالت:
ناقص تقولي عندك شيكوبلومك يعني مش ناقصك حاجة، لا أنا ناقصني حد يعبرني!

" هيا زليخة، خذيها وجهزيها
أريدها في نهاية هذا الشهر عروس متفتحة. "

" وليه شهر ما كفاية خمس دجايج، يلا يا زليخة هانم "
قالتها أفنان التي تمسكت بزليخة من ساعدها الأيسر وقالت بخفة:
أنتم هنا معندوكش جاكوزي أو ساونا
حاسة إني مقشفة.

" يوجد سيدة أفنان "

" أفنان أيه بقى، إحنا خلاص بقينا في سجن واحد، محسوبتك فُنة. "