أفـنـان عليّ خـان
١٣ ـ " ٣ جنيه ونص بتتكلم؟ "
النجمة محدش ينسى 💕🙈
نيـره شـريف.
نهضت فجأة لتشعر بالضيق المفاجئ وكأنها كانت تود تكملة الحلم وبالفعل كانت تريد ذلك حتى لا يقتلها فضولها، اتجهت للمرحاض بعبوس حتى تذكرت اقترابه منها في الحلم لتبتسم لوهلة ولكن ما أوقفها أنها لا تعرف شكله!
كان جسده عريض وطويل القامة، مظهره جذاب
لكن وجهه ليس بواضح.
انقطعت عن تفكيرها بعدما سمعت آذان الفجر لتنهض بخفة إلى المرحاض ومن ثم بدأت الفتيات بالنهوض
حتى لا تفوتهن صلاة الفجر.
في الميكروباص المتوجه نحو المركز كانت تقى جالسة بحنق وتزفر بغضب فقالت لها أفنان ببرود يغيظ:
الله المناظر وهي قدامك كده وتشوفها من الشباك حلوة أوي، كنتِ عايزه يا تقى تقعدي جنب الشباك مش كده؟
" أه عايزه تعالي علشان خاطري نبدل، أنا حاسة الوجهة بتاعتي هي قفا الأستاذ اللي قاعد قدامي "
قالتها تقى بترجي شديد لتضحك الآخرى قائلة:
يا بنتي ده أنتِ قدامك ڤيو حلو أوي
هو حد لاقي قفا حد يضربه الأيام دي.
قهقهت الآخرى قائلة:
تخيلي حد يضرب حد على قفاه كده بجد شيء مغري.
طيب اتلمي شوية وبصي بعيد وتعالي أوريكي حاجة حلوة و..
قاطع حديث أفنان صوت زاجر وغاضب ليقول بتهكم وحدة:
جرا إيه يا آبلة منك ليها مش شايفة الناس نايمة ومخمخمين!
التفت أفنان إليه بتعجب قائلة:
هو من أمتى بنركب الميكروباص علشان ننام؟؟
تدخل رجل آخر بصوت أجش قائلًا:
فيه إيه يا مدموزيل، الراجل عنده حق.
" طيب أنا بس هوطي صوتي على العموم حصل خير "
قالتها أفنان لإنهاء النقاش فتدخلت الآخرى بتلقائية ووجوم:
هو أمر يعني ولا أيه وبعدين اللي عايز ينام هينام حتى لو جنب بقرة ولا هو عصلجة وخلاص؟
قاطعها سائق الميكروباص قائلًا بنبرة ساخرة:
ما خلاص يا آنسة ولا هو جر شكل!
" جر إيه ياخويا؟ "
شهقت بتهكم ثم أكملت بنفس السخرية قائلة:
أنا مليش دعوة بالحوارات دي
بعدين أنا دافعة هنا يعني ليا حق زي أي حد.
" تلاتة جنية ونص بتتكلم؟! "
علّق بسخرية لتعلو صياحاتها بدفاع قائلة:
لا بقولك إيه أن..
لكزتها أفنان قائلة بسرعة وتوتر :
خلاص يا تقى عديها عايزين نوصل ورانا شغل.
برزت تقى عينيها للأمام من محاجرها لتبلع أفنان ريقها قائلة:
بتخوفيني ليه أنا ناقصة!!
خلاص اتخانقي براحتك.
تغاضت تقى عنها لتكمل حديثها بتهديد قائلة:
أنتم متعرفوش بتتعاملوا مع مين وحركات العيال السيكي ميكي كيكي فيكي دي مش عليا تمام؟ ولا أقلب على الوش التاني؟
أنت تقرأ
أفنان عليّ خان
Romanceماذا إذا علمتُ أن الأرض لها مكافئات ؟ مهلًا أقصد جميع الدول لها مكافئات بمعنى أنني أنا وأنت نعيش فقط على الجزء العلوي أيًا كانت دولتك ولكن هناك حياة للفراعنة الجدد بالأسفل ولكل دولة عصر فرعوني مختلف بالديانة السائدة في هذه الدولة أفنان طالبة في كل...
