متنسوش النجمة يا ولاد 💖 👈🏼👉🏼
قراءة ممتعة.
أفنـان عليّ خـان.
نيـره شريـف.
٢١ - زواج لمدة ست شهور.
بعد أن أخذا أفنان والملك خـان المثلجات
ظلا يتمشيان في هدوء، كل منهما منهمك في المخروط الخاص به، كان الجو مناسب لهذا الجنون الشبابي.
" أيس كريم أي حاجة فيها شيكولاته ومشتقاتها جامد بجد مبحبش أيس كريم الفواكه الطبيعية "
" أنا لا أشتهيه في الأغلب ولكن اليوم اشتهيته بفضلك"
" اتكلم شوية يا خان
مبحبش اسكت، قول أي حاجة "
بلا ترتيب قالت فنظر إليها بعمق ثم صمت لثوانٍ
" نلعب سؤال وإجابة "
قالها مقترحًا فغمزت بعينيها:
صراحة يعني!
قول.
" ماذا كنتِ تفعلين في بلدك مصر؟ "
ضحكت بمكر قائلة:
خد بالك أنت بتغلط غلط كبير ده سؤال مفتوح وأنا هقعد اتكلم كتير ف لو زهقت برضو هكمل عادي!
نفى مبتسمًا فأطلقت لحديثها العنان:
بص مبدئيًا أنا مكانش عندي حياة جامدة أوي في مصر، يعني كنت عادية ومحصليش فيها حاجات من اللي بتحصل هنا خالص علشان كده أنا مستغربة إني بيحصلي كل ده ونفسي أفهم إشمعنا أنا !.. يعني هل في ناس كتير زيي كده متبهدلين؟
" أري إنكِ مغامرة وهذه فرصة لماذا تتذمرين؟ "
هزت رأسها بإنهاك قائلة:
الحكاية مش حكاية صياح وخلاص أنا حقيقي
مش فاهمة كل ده بيحصل ليه يعني لو هتعلم درس صعب فممكن اتعلمه بأي طريقة غير دي.
" لا أعلم، هذا قدرك يا فتاة ثم أنا معكِ لهذا السبب لماذا بداخلك كل هذه المشاعر المضطربة ! "
ابتسمت بسخرية لاذعة قائلة:
ما هي لازم تبقى مضطربة مش أنت معايا.. أنا خلصت الأيس كريم، هنقعد ولا هنقوم؟
استند بجذعه على الشجرة الصغيرة الموضوعة خلفه ثم قال:
أريد أن أسمعكِ.
صمتت.. صمتت كثير حتى زفرت أنفاسها بضيق وتساءلت بتيهان:
أنت ليه معايا هنا، إشمعنا أنت؟
كلهم سابوني إلا أنت اللي اتمسكت بواحدة متعرفهاش
حتى كل اللي بتعمله ده بتعمله ليه لواحدة أنت فعليًا متعرفش أي حاجة عنها، أنت بتعمل كده مع أي وحدة تعرفها؟
أخذ شهيق ثم أراح جسده محاولًا التهرب قائلًا:
أنا لا أفعل ذلك مع كل الفتيات هذا أولًا
ثانيًا لماذا تشغلين عقلك بكل هذا؟
" لازم أفهم أكيد "
" بلا، هناك أشياء لا يجب علينا السؤال عنها أو البحث عنها، إنها متعبة يا فتاة. "
" بطّل تقولي فتاة.. مبحبهاش، اسمي أفنان"
" حسنًا يا فتاة "
ضحك مقهقهًا فرمقته بحنق قائلة
" هي دي المغامرة اللي قولت هنعيشها، سديت نفسي."
أنت تقرأ
أفنان عليّ خان
Romanceماذا إذا علمتُ أن الأرض لها مكافئات ؟ مهلًا أقصد جميع الدول لها مكافئات بمعنى أنني أنا وأنت نعيش فقط على الجزء العلوي أيًا كانت دولتك ولكن هناك حياة للفراعنة الجدد بالأسفل ولكل دولة عصر فرعوني مختلف بالديانة السائدة في هذه الدولة أفنان طالبة في كل...
