بعد كلام فيحاء واسلوبها معاي بقيت بحاول ما اتكلم معاها او احكي ليها البيحصل معاي و بذات من جانب مازن ،،مع اني كنت بحكي ليها الصغيره قبل الكبيره بس هسي خلاص......تاني انشغلت بالشغل وفي يوم وانا قاعده في الفيس بالصدفه عرفت جامعة ناس مازن شغالين لانهم كانوا عاملين تخاريج،،قلت بس خلاص دي فرصتي ،،في بالي انو لازم أنهى الموضوع ده،، انا ما من نوعيه الناس الما بركب الموجه مع الزول يعني ما بتعامل علي حسب مزاجيتو ،، اذا حسيت مجرد تغير بسال طوالي بعمل استوب ،،فما بالكم ده انسان صحبي !! فلازم اضع النقاط في الحروف ،،ما عارفه لي حظي او لي سوء حظي لقيت مازن كان طالع من الجامعه ومعاه بت ،، اتحركت سريع قبل ما يطلع ،، ندهته عليهو مااازن، ،حصلت صننننه كدا ، وقف لكن ما اتلفت علي شكلو ما مصدق اني وراهو،، داير يتحرك تاني نديت ليهو وقفت قدامو، ،،واضح انو مهجوم اني واقفه قصادو بس تاني قال بصوت مسموع كان لازم اعرف انك ما بتزهجي !! قلت ليهو ازهج ؟؟؟ضحكت ب استهتار ،، مازن انت لحدي قبل كم اسبوع كنت بتكلم معاي عادي !! لحدي اخر لحظه كنا بنضحك مع بعض بعد يوم وليله اتبدل حالك!!دي شنو الحاجه العظيمه العملتها انا خلتك تتغير علي كدا !! خليتني اراجع حساباتي اكتر من مية مرة وانا بسأل نفسي عملت شنو؟؟؟ دخلتني في دوامه انا ما قادره اطلع ممنها ،،بصحا وبنوم وانا بفكر فيك ،، وده كل ليه ؟؟؟ مازن انت عارف كويس انت بنسبه لي شنو،، طوالي بحكي ليك بحركات الاولاد ب انهم يعلقو البت و يخلوها ليه عايز تبقى زيهم ليه عايز تكسر قلبي عليك 💔،،، وقفت منتظره منه اي جواب يبرد علي روحي منتظره يتكلم بس هو بكل بساطه اتجاوزني ،ولا كانو بيعرفني ولا كاني في يوم كنت اقرب زول ليهو ،، معقوله استهونت عليهو بطريقه دي ،، داير يتحرك مسكتو من يدو ،،بكل انفعال فكها مني ومشى حتى ما عاين لي ،، انا كنت مصدومه دي شنو الحاجه الكبيره العملتها دي ! لدرجه دي خلاص بقى يكرهني، ،ياخ حتى ما فكر يقول لي ح ترجعي ب شنو، ،،💔!!!!!
" ما ح اقول لي نفسي ما انهزمتي لا انتي باقي الروح الفيك انتهت ،،في لحظه دي بذات امنت اني كنت عابره في حياة مازن ممكن اقول فترتي انتهت ،، اذكرت زمان قبل ما يحصل الخلاف ده كان بيقول لي يا نون لو الدنيا دي كلها كانت ضدك انا ح اقيف معاك ،، كان بيقول لو انتي خليتيني وشوفتي حياتك من غيري انا ما ح اخليك ،،،،اكتشفت انو الكلام اسهل حاجه يخوانا كلنا بنقدر نتكلم وكلنا بنقدر نطبل لبعض بس نادر ما فينا زول يوفي بالوعد 💔 ،،، رجعت البيت وانا حابسه دموعي ومتماسكٌ ،،، ما اتوقعت في يوم نصل للمرحله دي ،، المشكله الحقيقيه انو ما عايز يتكلم ،، ودي الحاجه البالجد بزعل لانو بعتبر نفسي ما عندي اي اعتبر ليهو ،،لو هو عايز يواصل معاي كان اتكلم ،، لو بالجد بيعرفني ما بيوقف حاجه في طريقنا بس هو اختار البعد اختار يهرب .. ما عارفه نمت كيف بس نمتا ،، لحدي ما جات امي صحتني وعيوني كانت مورمه قالت لي يابت بسم الله معاك ؟؟؟ قلت ليها لااا مافي حاجه !! قالت لي كيف مافي حاجه عيونك واقعه كدا !! ،،، سكته قالت لي قومي قومي استهدي بالله وصلي يا بتي وربنا يريح قلبك وترتاحي ،،ابتسمت ليها فعلا قمت صليت ودعيت كتير ،، بعد ما خلصت لقيت اتصال من فيحاء ما رديت ،، دخلت الواتس لقيت كاتبيين في القروب انو مازن اخو شهد عمل حادث ،، اتخلعت والتلفون وقع من يدي ،اتصلت ب ميعاد ،يدي بترجف قالت ليها وانا بلقط في نفسي ب قوة مازن مازن ،، ميعاد قالت لي اهدي هو كويس ،،قلت ليها متين حصل؟؟؟ وانا ببكي ،، قالت لي يا بت حاجه بسيطه بس شكل بالو ما كان معاه لانو ما كان مركز قالوا وحاجه بسيطه قلت ليها انا عايزه امشي ليهو عليك الله يا ميعاد ارح ،، ميعاد قالت لي نون ؟؟؟؟ لو جنيتي قولي جنيت ،، عايزه تمشي ليهو كيف يعني ؟؟ انتي نسيتي الحصل بيناتكم، ،قلت ليها ميعاد عليك الله افهميني انا لازم امشي، ،قالت لي انا ما بقدر امشي معاك ،، زعلت منها زعل لانها ما قادره تتفهم موقفي وخوفي ،، اي هو غلط بس ده حادث يخوانا ،، ميعاد قالت لي نون حكمي عقلك عايزه تشوفيهو كيف واهلو كلهم ح يكون هناك عايزه تقولي شنو بتعرفي من وين؟؟؟؟ ناهيك انو هو فاصلها منك ف عليك الله اعملي لي نفسك شويه كرامه، ، كلامها ده كل ما ركزت معاه قلت ليها ميعاد مازن في ياتو مستشفى قالت لي كلامي ده كلُ ما بيهمك!! عموما انا ما ح اخليك تمشي براك ،،و علي فكرة هو في نفس المستشفى الشغاله فيها ،، قالت لي قبل ما تقولي ارح بكره ح نمشي قفلت الخط فيني ،،انا لفيت الغرفه دي اكتر من الف مرة ،،، عارفه نفسي متخلفه بس الحاجه دي ما بيدي،، فتحت الواتس تاني لقيت القروب قايم وقاعد في موضوع مازن واحده من بنات اهل ميعاد قالت هو وقت ما بيعرف يسوق متهور ليه ،، واحده تانيه قالت ليه لاا هو بيعرف بس ما عارفين مالو ،، اظن كان مشغول ،،، واحده تانيه قالت المهم هسي هو كيف ؟؟؟،، قال ليها كويس بس شوية جروح ،، قربت اقول ليهم ضمنوني عليهو اكتر ،،في نٌص ده كلٌ فيحاء كانت رافعه استوري قلب مكسور ،، رديت ليها يابت مالك ،، ما ردتة علي ،، ما اشتغلت بيها لانو انا هسي مركزه في موضوع مازن ،، فتحت صورنا و دراشتنا و اذكرت اسلوب و تعاملو معاي، ،بكيت ..... تاني ما عارفه الصباح جاء كيف ،،بس جهزت نفسي سريع سريع حتى الفطور ما لحقت اكل امي تتكلم معاي قلت ليها باكل هناك اتصلت ب ميعاد قالت لي يابت بسم الله؟؟؟ قالت ليها ماشه معاي ولا امشي؟؟ قالت لي،يا الله منك يا نون طيب طالعه ،، انتظرتها مسافه جات ،،قالت لي اطلعي اطلعي قدامي ،،، طريقه المستشفى ده بقى لي طويل لحدي ما وصلنا انا قلبي في يديني ،،، بعديها بدينا نسال من الغرفه الموجود فيها ،، دخلت الغرفه و ميعاد قالت لي ح اقول انك شغاله هنا و انا جيت واتصادفنا طيبب ؟؟ قلت ليها كويس ،، ما ح اقول اني ما كنت متوتره بس خوفي علي مازن مغطي علي توتري ،،ميعاد جنبي تدعي ساي انها تصادف مصطفى ،،، كان معاه خالتو سلوى و ولد تاني شكلٌ اخوه،، هو نطط عيون بعاين لي ،، خالتو سلوى سلمت علينا وانا بعاين لي مازن بحاول اشبع عيوني بيهو أضمن انو كويس ،م، لمن جينا نسلم اول ما سلمت علي مازن قلت ليهو بصوت واطي كفاره ،هو خلعه ساي خلتو ماسك يدي كانو ما مصدق ؟؟؟ لو ما ميعاد كانت وراي كان ح نكون واقفين كدا ،،جريت يدي ،، قعدتنا وانا بحاول ابين اني ما شفقانه عليهو 😂↖️،، ميعاد عشان تكسر حاجز السكات قال ليهو الحادث ده كان كيف؟؟ قال ليها بعد مسافه انا ما عارف زاتي حصل كيف فجاء لقيت نفسي داخل في بتاع الركشه ،، ميعاد لا اراديا قالت ليهو الفي بالك يتهنأ هو طوالي عاين لي انا ما فهمته نظراتو بس وترتني فوق توتري قمت قالت لي خالتو سلوى اجر وعافيه ان شاءالله❤،، ميعاد تجرجر فيني ما دايره تطلع عشان مصطفى يمكن يجي ،،بس بعد ما وقفت مافي طريقه تقعد ،، طلعتي من الغرفه حسيت يادوب انا قادره اتنفس كويس ،، ميعاد قالت عويره من امبارح صدعتي راسي عشان تمشي جاي تقعدي الدقائق دي وتقومي؟؟؟؟؟ ،،، قلت ليها ما قدرت يا ميعاد والله ما قدرت قالت لي لاا خلاص يا زوله انا راجعه البيت ،، رجعت و انا بديت اشتغل شغلي،،، كل ما اجي بغرفة مازن حيلي ما يشيلني، ، حتى في مرة كان مفروض يركب درب فجاء في الوقت ده بذات الناس اختفت لي شقاوتي ،،، الدكتور قالي لي تعالي معاي يا نون ،، مشينا وانا ما قادره امشي المرة دي لقينا خالتو سلوى ومصطفى المعاه ،، بطريقه سريعة ركبت الدرب حتى الدكتور علق قال لي مستعجله ليه ؟؟ وضحك ،، مازن ده من بديت لحدي ما خلصت هو بيعاين لي ما قادره احدد نظراتو اتجاهي بس كانت كلها غضب ،،خالتو سلوى قالت لي ماشاء الله يابتي شغاله هنا قلت ليها اي يا خالتو فترة تدريب ،، بعد ما خلصنا طلعت من الغرفه ،،،سمعت صوت بينادي علي اتلفت لقيتو مصطفى قال لي بعتزر بس كانت داير اعرف مازن ح يطلع متين ؟؟ عاينت ليهو ب استغرب احساس ده ما سؤال يتسال لي لاني ما المدير الطبي هنا ،،فهو قال لي اااااا قصدي يعني بيحتاج درب تاني ؟؟ قلت ليهو وانا مستغربه فيه لاا ما بيحتاج ،، داير يسالني تاني قلت ليهو معليش بس عن اذنك،، هنا خالتو سلوى شافتنا ،، بعد ما مشيت جات قالت ليهو رايك فيها شنو ؟؟؟ قال ليها راي بالنسبه؟؟ قالت ليهو انت عارف انا قاصده شنو كوييس ،،، قال ليها ده يا امي ما وقتٌ ،، قالت ليهو انت بس قول دايرها شوف لو ما عرستها ليك ،،قال ليها كدي خلي مازن يبقى كويس تاني نشوف الموضوع ده ،، قالت ليهو خيرر بس اعرف اني عايزها ليك ،، خليك مع مازن امشي اصلي انا ،،، فاتت خلتو واقف تاني دخل لي مازن ،، مازن قال ليهو وين كنت ،،قال ليهو لاا كنت مع البت السسستر دي ،، مازن قال ليهو معاها كيف يعني ؟؟؟؟؟ ليه مالك بيها ؟؟ بتعرفها من وين ؟؟؟ قال ليهو مازن مالك يا زول؟؟ سالتها سؤال بس،، قال ليهو سالتها ليه ؟؟ ما لقيت غيرها عشان تسال ،، قال ليهو عادي لانو قبل كدا جاتنا في بيتنا ،،، مازن بعد ما كان راقد قام قعد قال ليهو كيف كانت في بيتنا جات متين ؟؟ مصطفى كان مستغرب في حركات مازن وخاصه انو بيتكلم هو ملهوف ، قال ليهو اي جاتنا قبل كم يوم ،، ولو داير تعرف ليه اسأل امي جات ليه ؟؟ ،، من نبرة صوت مصطفى ،، مازن حس انو اندفع شديد فعشان كدا حاول يبرد الموضوع فقال ليهو لاا ما ضروري مصطفى قال ليهو بصوت عميق انت بتعرف البت دي ؟؟؟؟؟؟ ،،رد مازن بعد مسافه ولا حصل شوفتها في حياتي ....
#ولكنها كانت مجرد كذبه اخترفتها لماذا افتعلت كل هذا الخراب ؟
_________________
