صحيت تاني يوم على لمسات في وشي ،، عاينت لقيت مصطفى متكل على يدو و بعاين لي على وشو ابتسامه ،، قال لي ما بتقدري تتخيلي اني حاسي ب شنو في اللحظه دي ،، زي كأنو سعادة الدنيا دي كلها اتختت في قلبي ❤ دي السعاده الكان قلبي حاسي بيها دايما كنت بحس اني ح احصل علي سعاده بس ما كنت عارف متين؟؟،، فسبحان الله السعادتي كلها معاكِ او كنتي سببب ليها ،،، ودنقر باسني في خدي مسافه ❤ وقال لي وخدك التاني عشان ما يزعل 🤣❤،، انا صوتي راااح بعد كلامو ده وما عرفت اقول ليهو شنو ،، لانو حاسه اني بديت احب مصطفى حبيت اهتمامو وحنيتو واسلوب في انو لو حب ليهو زول بيقلع قلع ،، بعدين بيجي يخليهو يحبو ب طريقتو ،،، ليها حق ميعاد تحبو إذا هو شكلاً يتحب فما بالك بتصرفاتو ؟؟؟؟؟،،، قال لي ما عارفك ما ح تردي علي ولا عايزك تردي علي المهم ربنا يحفظك لي و يديمك حاجه حلوة في حياتي ،،، هسي يا ستي قومي جهزي لينا الاكل ،،، هنا فتحت ليهو خشمي يعني بعد الكلام ده كل يجي قال لي جهزي اكل ؟؟؟،، ضحك على شكلي وقال لي اي من قبيل منتظرك تصحي عشان تجهزيهو لينا ،، جعت جوع ،،، غطيت وشي قلت ليهو ما ح اعمل اي اكل انا ،، قال لي نون،،، قلت اووووففف ،، عمع اني ما دايره اقوم بس حسيت نفسي زاتي جعانه ،، من سكات قمت دخلت الحمام ،، بعد ما طلعت لقيتو مافي ،،مشيت المطبخ ،، وانا زهجانه،، يعني هسي مصحيني عشان اعمل الاكل غايتو ،، الواحد يعمل فيها خلااصص بيحبك وبتاع يجي يصدمك ب الطلب حقو ،،، لمن دخلت المطبخ اتفاجأت ب انو الصفره جاهزه ،، عاين لي قال لمن صحيتك داير اقول ليك قومي الاكل جاهز عارفك ما اكلتي من امبارح عشان كدا جهزتو ،،قلت ليهو بسس ،، قال لي اي عارفك عايزه تقولي شنو بس حبيت امقلبك واشوف ردة فعلك 😂↖️،،لا اراديا ابتسمت وجيت قعدت في الصفره ،، قال لي ما تفرحي اني عملت الاكل وكدا لاني ما عملت اي حاجه كلهم نواشف وباقي الاكل العملتيهو امبارح ،، قلت ليهو برضو حلو ،، بناكل وبنتونس ،، فتحت ليهو موضوع الشغل ،،قلت ليهو مع انو ده ما وقت بس في ما بعد عايزه اشتغل وكذا ،، سكتت مسافه تاني قال لي شوفي انا بصراحه ما عندي اعتراض في الشغل ،، بالعكس بحبذ انو البت تشتغل لانو ما معقوله هي تعبت و فترت وامتحنت عشان تجي تقعد في البييت او تعلق شهادتها ،، بس يعني اول ما تجي الفكره دي عندك بتغيري مفهومي تماما ،، مسك يدي قال لي هو انا داير ادسك من اهلي و اهلك تجي تقولي لي اشتغل ،،، متخيله معاي لو زول شاف شعرك زيي ح يحصل فيني شنو ،، ما تشوفيني هادي كدا انا بتغير ما بشوف قدامي لمن حاجه تكون خاصه بي انا ،،، قلت ليهو يعني ما ح تخليني اشتغل ،،قال لي وكمان ما بقدر امنعك ،، بس علي الاكيد انا ح اكون معاك في اي قرارات انتي بتتخذيهو لو دايره تقعدي في البيت معاك لو عايزه تشتغلي ح اشجعك،،، هزيت راسي، ،في عقلي شغاله ما هو ما معقوله كمية الوعي ده كل ،،، جر الكرسي حقي عليهو ولصقو مع حقو قال لي هسي خلينا في المهم ما سألتيني ح نمشي شهر العسل وين ؟؟؟؟،،، قلت ليهو هو كمان في شهر عسل ؟!، قال لي اكيد ليه ما عرسنا ؟،، ما رديت عليهو قال لي نفسك تمشي وين ؟؟ قلت ليهو ما عارفه والله ،، زمان قبل ما اعرس مصطفى و كانت علاقتي مع مازن حلوة كنت دايما بفكر اذا اني اتزوجت مازن ح نمشي اماكن كتيره شديد وكلها كانت في راسي ،،بس،هسي ما متذكره او انا الما دايره اتذكر ،،قال لي لازم تحددي انتي ! قلت ليهو عموما بحب الأماكن الهاديه الما فيها جوطه و تكون محيطه بالزراعة و الاشجار و كمان نفسي اركب الخيول من انا صغيره نفسي اركبها ،، وانا بتكلم حسيت اني اتكلمت كتير سكت وعاينت ليهو ،، لقيتو سرح معاي ،، قال لي كل مرة بتثبتي لي انو اختياري كان موفق فيك ،،،دي دعوات امي والله ،،
ابتسمت ليهو ،، قال لي شبه عرفت ح نمشي وين بس خليها مفاجأة،، قلت ليهو بالجد؟؟ قال لي اي والله كمان الواحد عندو كم نون ؟؟؟ سكتت داير يقرب مني تلفون اتصل ،،قلت ليهو التلفون وهو لسه بقرب قال لي يطير التلفون بعدته قلت ليهو لااا شوف التلفون ،،قربني منو قال لي ده ما وقت زول يتصل ،، بعدين انا كان مفروض اقفل التلفون ده، ،، المشكله انو التلفون يتصل ويتصل ،، لا الفي التلفون زهج لا مصطفى داير يقوم يرد ،، لحدي ما وقف التلفون ،، مصطفى قال لي الله اتذكرت حاجه مهمه ،،قلت ليهو ااااا ،قال لي انا ح امشي عندي مشوار سريع كدا وبجي ،،قلت ليهو وين؟ قال لي سريع وبجيك ،، ضماني عليهو مسافه و مش الحمام ،، نسيت موضوع الصفره لميتها ،، عملت لينا عصير ،، شلت الكبايه العصير ليهو كان واقف بيسرح في شعرو ،، مديت ليهو العصير ،، قال لي يا حلوتي انتي ❤،،، تلفونٌ اتصل قال لي ارفعي لي تلفوني ده ،، رفعت عاينت للمتصل لقيتها ميعاد ؟،، استغربت متصله ليهو ليه ؟؟ ،، قال لي افتحي التلفون و ارفعي المكبر،، فعلا عملت كدا من غير ما اقول ليهو منو وهو ما سألني
مفتكر زول من ناس الشغل ،، ردت عليهو قالت ليهو وين يا مصطفى منتظراك ؟؟؟ عاينت ليهو وانا مخلوعه منتظراك ؟؟؟؟ هو زاتو اتفاجأ معاي ،،،، بسرعه قال ليها منتظراني ؟؟؟؟؟ قالت ليهو ااا انت من ما جيت شوفتني تاني فقلت اشوف ليه ما جيت تاني ،، في اللحظه دي كرهت ميعاد كره، ،،؟؟ على الاقل انا اتصلت ليها كان ترد علي او ترجع لي ،،مصطفى بدا يقرب مني احساس متوقع اني ح ازعل واجري منو ،، فقال ليها لا ما خلاص انتي بقيتي كويسه ،، قالت ليهو بقيت كويسه بعد ما شوفتك وهسي منتظراك انا ...،، زعلت زعل و قلبي اتنفخ من الزعل ،،كيف هي تتكلم معاهو كدا و كيف هو مديها مساحه زي دي انها تقول الدايره تقولو ،، مديت التلفون ليهو من سكات و بعاين لي بنظرات ما تفهميني غلط،، مسك مني التلفون دايره اتحرك سمعتها بتقول ليهو الو الو ،،مصطفى ؟؟؟؟ نون جنبك ولا شنو ؟؟ هنا رديت ليها لمن حسيت انها هي متوقعه انو بيدس علي و ما بيوريني قلت ليها اي جنبو و سمعت كلامك يا ستي و بالنسبه لانك منتظراهو فسببب واحد يخليك تنتظريهو مافي ،،، ما ردت علي عرفتها مهجومه اني سمعت مكالمتها، ، وانا انفعلت شديد ،، مصطفى مسكني من يدي احساس اهدي ،، زحيت يدي منو، ، ردت علي قالت لي نون كيفك ؟ امي قالت اتصلتي لي وكذا ،، قلت ليها والله ؟؟؟؟،، قالت لي اااا مصطفى كان جاني ،، قلت ليها جاك بعد ما خالتو سوسن اتصلت بيهو ؟ ،،سكتت ساي ،، مصطفى عشان يقفل الموضوع قال ليها برجع ليك ،، وقفل الخط ،، عاينت ليهو نظام عايز كمان ترجع ليها لاا تمام، ، اتحرك ،،مسكني من خصري وضماني عليهو من ورا ،، قال لي حبيبي البيغير، ،قلت ليها ما غيره بس يعني هي كانت منتظراك وانت هسي قاعد تلبس وقاشر كدا عشان ماشي ليها ؟،،مصطفي طلقني ،،ودموعي جرو ،،لفتني عليهو قال لي طلاق ؟؟؟ نون انتي اتهبلتي في مخك ده ،، لمن شاف دموعي قال لي والله العظيم وحيات غلاوتك عندي انا ما كان داير امشي ليها عندي مشوار مع واحد من اصحابي ،،ما رديت ،، قال لي يااااخ...وضماني عليهو زياده ،، وقفنا مسافه وتلفونو اتصل ،، قلت ليهو وانا بمسح في دموعي امشي لصاحبك ،، قال لي ما بقدر اخليك بالحاله دي ،،فعشان كدا ح نطلع مع بعض ،، قلت ليهو لااا ما قادره اطلع قال لي لااا ح تطلعي معاي ،،، قلت ليهو لكن قال لي ارح ارح بنتظرك ،،باسني في جبيني قال لي مافي حاجه تستاهل تزعلك ❤ وكان على ميعاد انا ممكن احظر رقمها ،،قلت ليهو لااااا ،، بس انا المزعلني انها هي وقت ما عايزاك ليه جات قالت لي وافقي او حاولت تقنعني، ،قال لي يعني هي الخلتك توافقي ،،قلت ليهو هي خلتني اوافق لانو السببب الرئيس في إني اكون ارفض وانت عارف كدا ، ،، قال لي المهم هسي معاي قومي البسي عشان نطلع ،،، ولا اقول ليك انا ح اطلع ليك في فستان كدا سماوي علي ابيض ح يكون حلو عليك ،،،،، بعد مسافه خلصت لبست ،، جاني في الغرفه قال لي الله الله علي الحلاوة دي ❤ بالنسبه لشعرك ؟؟؟ قلت ليهو ديل سبيبات قال لي ما كافيه على الميكب الفي وشك؟؟؟ دخلي شعرك ده خلي الليله ده تعدي علي خير ،،، لميت سبيباتي من سكات، ،، لاني بالجد عايزه اطلع مع اني ما زولة طلعات بس في اللحظه دي حسيت اني عايزه اطلع ،، خاصه بعد الحصل لي مع ميعاد ،، اكبر مخاوفي بتحصل قدامي انو انا وميعاد نتشاكل ،، وبعدين انا ب ياتو حق اشاكلها قبل ما يكون مصطفى ده راجلي فهو ود خالتها فكيف افرض رأيي ،، اذا عايز يمشي ليها عادي يمشي ليها ،، ليه انفعلت كدا ،، بس تاني قلت هي لو كانت قالت لي او واجهتني ب انها منتظره مصطفي الوضع غير احسن من اسمعها بتقول ليهو منتظراك كانو في حاجه بيناتهم ،،في العربيه قلت لي مصطفى لو داير تمشي لي ميعاد انا ما عندي مشكله ،، قال لي ميعاد دي ما خلاص موضوعها انتهى صح ،، قلت ليهو لاا يمكن تكون محتاجه ليك ،،قال لي حتى لو محتاجه اخوها محمد في ، ،سكت وحسبت نفسي اتصرفت بطريقه انانيه ،،بس شعور الاستغفال ده حار ،،،فعلا قابل صاحبو وقال لي من العربيه ما تنزلي ،، وقف قصاد العربيه وبيتكلم مع صاحبو، منظرو هو بيتكلم كان حلو في هيبه كدا وجاذبيه ده غير الطول ،، و الحنه ❤ و كمان لمن ضحك في حاجه مع صاحبو ،،ما فضل لي الا اقوم ادردق، ، قلت لي نفسي من زمان ليه ما كنت شايفه ،، ليهو حق بنات اهلو يكون مدردقات فيهو ،، يمكن الفترة ديك ما لاحظت ليهو عشان ميعاد كانت عايزهٌ او يمكن عشان كل محور تفكيري كان مازن ،، ف ما قادره اتخيل موقعي هسي اني حاليا متزوجه اخوه ،، المشكله الحقيقه انو مصطفى شخصيه جميله بس ما قادره احبو ،،اي اتخلق اعجاب جواي ليهو بس ده ما يدل علي اني ممكن احب ،، قطع حب أفكاري هو بيفتح باب العربيه ،، قال لي صاحبي عايز يسلم عليك وقلت ليهو ما بتصافح، ،قلت ليهو ليه ،،قال لي لاا يعني عايزاني اخليهو يسلم عليك ما كفايه انو ح يشوفك ،،ابتسمت، ،فعلا نزلت سلمت على صاحبو من بعيد، ، صاحبو قال لي عملتي شنو في صاحبنا كدا ،اتغير كدا ده الحاله ليهو يومين
