مرت علي فترة خالتو سلوى كل مرة تفتح لي الموضوع تقول لي لازم تعرسي مازن ،، وانا اصلا نفسيتي في الواطه ف هي مع كلامها بتزيدها لي زياده، ، مازن ده لو بقى اخر راجل ما بعرسو هي مفتكره البيني و بين مصطفى كان عادي ؟؟،، و كفايه مات هو عتبان علي ،، كلمت ساره اختي ،قالت لي مع احترامي ليك لكن نسبيتك دي متوقعنا في ياتو عصر ؟؟؟ يخوانا حكاية يموت الراجل و زوجتة يعرسوها لي اخوه ده كان زمان ،، وهي لو عايزه تاخد بتك في ما تنسا انو في محاكم و حق الامومه عندك انتي ،، اوعك توافقي علي حاجه انتي ما عايزها ...
في الأيام دي شهد بقت تجيني وعارفه مرسلها خالتو سلوى عشان تحاول تقنعني ،، وقفت شهد قلت ليها ما تتوقعي اني ممكن اعرس مازن ،،قالت لي ليه ؟؟؟ مالو ؟؟ قالت ليها و بتسالي منو شهد انتي اتهبلتي ؟؟؟ ده مصطفى يا شهد كيف عايزاني اعرس بعدو ؟؟؟؟؟ ما بقدر ح احس نفسي خاينه خاينه ،،، قالت لي نون ما تاخدي الامور بعاطفيه شديده لاااا فكري ب عقلانيه بتك دي لسه صغيره و ح تحتاج دور الاب في حياتها شديد ،، ما تقولي لي بقدر اربيها لانو انا عارفه انك بتقدري ،،بس بتك دايما ح تحس انها ناقصه عن غيرو،، ح تشوف كلنا الناس عندهم ابو الا هي ،انا ما بدخل في قدر ربنا ولا معترضه عليهو ،، بس كمان دي طفله ليها احتياجاتها ،،، سكتتت ما رديت قالت لي ياريت تفكري ب عقلانيه و تخلي كل المشاعر دي علي جنبه لانو بتك اهم ...
قعدت في غرفتي وقفلت الباب علي وانا ببكي ،، اذكرت زمان كان نفس البكاء حقي بسسب مازن هسي برضو ب سببو لكن المرة دي في طرف تالت ،،وبكي وحاسه ب مصطفى جنبي حاسه انو قاعد بس انا ما شايفهو طيب ليه جايني ريحة عطرو ،، لااا كيف يعني حاسه بيهو !! بس انا بالجد ،شعور قوي جواي انو حاليا معاي وفي نفس الغرفه،❤ ، قلت لي نفسي خلاص جنيتي خلاص جنيتي وبقيت تحسي انو هو جنبك ،،، بعديها بقيت اقول شهد كلامها صح بس انا ما ح اقدر اتعامل مع مازن اي ممكن اضحي عشان بتي بس كمان ما بقدر ،،، عقلي قال لي دايما دايما قراراتك بتكون انانيه بتقعدي تفكري في نفسك و تقولي ما بقدر ما بقدر وتحطمي في نفسك زياده ،، و عشان انا دايما قراراتي انانيه ف انا ح اتخل عن حياتي و ح ابقى قصاد بتي حتى لو ما بقيت زي ابوها بس ح احاول اكون ليها الابو قبل الام .. ولا مازن ولا غيرو يقدرو يدخلو في حياتنا انا وبتي ح انزل و اشتغل و اصرف عليها من غير ما اكلف اهلي معاي و ح اربيها زي ما ابوها كان عايز يربها ....
جاتني خالتو سلوى و المرة دي قالت لي دايره رايك النهائي ،،قالت ليها خالتو سلوى انتي ممكن تقدري شعوري ! قالت لي ما انا عشان مقدره شعورك ،، عايزه اعرسك لي ولدي ،، و عمها اوله ب انو يربيها احسن من الغريب ،،قلت ليها انا اصلا ما عايزه اعرس لا قريب لا بعيد ،،، داير تتكلم قلت ليها ياخ انتو متين لحقتو تنسوا مصطفى ،،، ياخ انا حاسه كانو هسي معانا كانو سامعني و شايفني فكيف ح تتوقعي اني ممكن اعرس مازن ،، وانا اكراميه علي العملوا لي كلو ما ح اعرس بعدو و ما عندي غير .... استأذنت ودخلت غرفتي اتصلت علي مازن ،، رد بس ما قال الو ،،، ( كان سافر وجاء ) قلت ليهو لو متوقع اني اعرسك تبقى بتحلم ،، انت عارف وانا عارفه انو نحنا بسببنا مصطفى حصل ليهو كدا ،، ف كيف راضي علي نفسك !! انا لحدي هسي حاسه بالذنب ما تميت باقي كلامي قاطعني قال لي انا زاتي ما عايز اعرسك مش لاني ما عايزك،، لكن انتي مرت مصطفى وانا ما كان عندي اغل منو ،، وامي ما عايزه تقتنع لكن طول ما نحنا الاتنين معارضين ف ح تقتنع، ،ما عايزه اوصيك علي بت اخوي لانو دي الحاجه الوحيد الخلها لينا ❤ و ربنا يحفظها لينا كلنا ،، وقفل الخط ،،رد فعلو كانت صادمه بالنبسه لي ،،بس بعديها حسيت اننا نحنا في نفس المركبه لا انا ح اوافق لا هو ح يوافق ... بعد اليوم داك خالتو سلوى ما جابت لي سيرة العرس تاني وحياتي كلها عباره عن الين رغم اهلي ما راضين عن الوضع ده ،،بس انا كنت رضيانه بيهو ..
