الموقف في حدي زاتو كان محرج لي و الزاد علي احراجي انو قدام مازن ،، ما عرفت اتصرف كيف، ، و من سكات مازن طلع راجع لانو السلم ما ح يشيلنا كلنا ،،مصطفى واصل لحدي ما دخلنا الشقه ونزلني، ،قلت ليهو في داعي للحراج ده ؟؟؟؟؟ ما من البدايه قلت ليك مافي داعي ،، قال لي اذا ما مذكره اذكرك انتي مرتي، ،قلت ليهو ده ما بيدل علي اننا نتعامل في البيت ده كانو مافي غيرنا ،،، قال لي لو مشكلتك البيت ده نطلع منو ،،قلت ليهو يااخ ما مشكلتي في البييت مشكلتي انو لازم نكون محترمين شويه ،،، قال لي خلاص انتي خليك محترمه ،،قلت ليهو مصطفى يااااااا، ،قال لي ها شايفك مكبر الموضوع في حين انو عادي وبعدين انتي كنتي دايره تنزلي مني لمن شوفتي مازن ليه ؟؟؟ قلت ليهو عادي ما اخجل ،،قال لي لااا يا حلوتي اخجلي بطريقتك وبعدين مافي زول بيقدر يسألنا ❤ وعندنا كامل الحريه في البييت ده و الداير يزعل يزعل بطريقتو ،، ركزي معاي يا نون ما تركزي مع ناس البيييت او الناس عليك بي انا ،، سكت قال لي هو بيقرب هسي جاء،وقت العقاب عشان اوريك كيف تدخليني في حدته ضيقه كدا مع اهلك ...
الايام بعديها بقت تقليديه شديد مصطفى بيطلع الصباح وبيجي راجع علي الطهر ومرات بيتاخر،،و مازن بيطلع من الصباح تاني ما بشوف ،، و ريم لسه ما رجعت لي راجلها، ،لانو مصطفى ما راضي ليها انها ترجع وبسبب ده بقت معادياني وانا ما بعرفها اصلا ما بعرف هي ماله ؟؟ بس من يوم ما اتقارنا ب بعض تاني ما قلنا العافيه ،، شهد جات مرة معاها راجلها ،، حتى في يوم طلعنا الرابعه مع بعض، ، مشينا نظام مطعم كدا ،، ومحمد ومصطفى في حاجه خلتهم يقوموا ،،وبقينا انا و شهد قالت لي مصطفى كيف معاك ؟؟ قلت ليها حلو ،،، قالت لي اممم انا ما عايزه اوصيك علي اخوي يا نون ،، لانو مصطفى بيكون كلمك انو ما دخل في علاقه قبل كدا ولا حصل حب ليهو بت وانتي كنتي اول واحده فما عايزه تكسريهو ،،اتهجمت من كلامها قلت ليها مافي حاجه تخليني اكسرو يا شهد لانو قبل ما اكسرو ح اكون كسرت نفسي ،، عاينت لي كويس وقالت لي طيبب ومازن ؟ قلت ليها مازن مالو ؟؟؟ قالت لي مش كنتي بتحبيهو ؟؟ قلت ليها براك قلتيها كنتي؟؟ سكتتنا علي كدا بس كان في سؤال في راسي ، قلت ليها انتي بتخافي علي مصطفى اكتر من مازن ليه؟؟؟ في حين مازن الصغير ،، قالت لي ببساطه مصطفى ده اتظلم معانا شديد ،،في الوقت النحنا كانا عايشين حياتنا وكل واحد فينا عندو حياتو الخاصه ،،مصطفى ما كان عندو ، كان كل همو نحنا عايزنا ننجح و ما نحتاج لي حاجه نسا نفسو و حياتو الخاصه ومرات كتيره كنت بشفق عليهو،،، اما مازن بحس انو بيقدر يتولى نفسو و عموما هو ما بيفرقو معاهٌ البنات لانو ماشاء الله حياتو كلها بنات ،،اما مصطفى فما كان اصلا في حياتو في بت ولمن حب حباك انتي في لي حق اخاف عليهو هو اكتر لانو دي خ تكون اول تجربه و اخر تجربه، ،،كلامها هزاني شديد ،، وخلاني ازعل علي مصطفى واتمنيت لو اتعرفت عليهو من زمان ،،سألتني قالت لي و ميعاد علاقتك معاها كيف ،، اخدت نفس قلت ليها ميعاد اتغيرت يا شهد ،،بتلومني انا في حين هي اقنعتني اني اعرس مصطفى ،،شهد عاينت لي قالت لي ده عزر واهي بتحاول تقنعي بيهو نفسك او تبري زمتك منها ،، بس بكل بساطه لو هي بتهمك كان رفضتي فما تقولي هي اقنعتني ،،لانو ده ما عزر ليك ،،،قلت ليها بس فعليا انا رفضت وانتي عارفه كدا ،،قالت لي اي عارفه بس بوريك انو ده ما عزر ليك ،،اما من ناحيه ميعاد فهي ليها حق تتغير ،،انا وانتي اكتر اتنين كلنا عارفين هي بتحب مصطفى لي ياتو درجه؟؟؟،، قلت ليها شهد انتي عايزه تغلطيني انا ؟ قالت لي انا ما عايزه اغلطتك لا انتي ولا هي ،،لانو انتي ما كان عندك يد ،،انا بتكلم من طرف زول بعيد عن القصه ،،لكن لو جيت وحسبتها وانا اخت مصطفى ف كنت ح اقول ليك كويس انك وافقتي لانو زي مصطفى اصلا ما ح تلقي زيو ،،، غير كدا مصطفى عنيد في حاجه هو عايزها ،، ،،قلت ليها لا ما هو واضح ب اثبات انو هسي انا مرتو ،،،❤ ،، قالت لي و يا بختو انتي مرتو ،،قلت ليها بتحاول تثبتيني قالت لي هو بيضحك لااااا يابت ،، هنا جاء مصطفى ومحمد ،،مصطفى قال لي اتاخرنا ؟؟ قلت ليهو لااا ،،بعد ما خلصنا ونستنا رجعنا البييت ،، ونحنا في الغرفه مصطفى داير يوصل تلفون في الشاحن وانا قاعده بعاين ليهو كلام شهد في راسي ليها حق تخاف عليهو ، قمن حضنتو من ورا قلت ليهو ما عارفه عملت شنو في حياتي عشان ربنا يرزقني زوج زيك بس اكيد عملت حاجه عظيمه شديد، ،،قبل علي قال لي في النهايه فوزنا ببعض و اتلمينا في بيت واحد ، ايوا هسي في موضوع مهم عايز اتناقش معاك فيهو قلت ليهو موضوع قال لي بالنسبه لانو نحنا مفروض بعد كدا نجيب لينا ولد يربط بيناتنا اكتر قلت ليهو ليه ما تكون بت ؟؟ ضحك قال لي يعني مواقفه انتي ،،، خجلت ،،قال لي يا عمري انتي ❤
