عيونو وهو بيتكلم كان فيهم لمعه حلوه ❤ مسك يدي قال لي تعالي ،،وكل ما ندخل انا بنهار بالمكان اكتر عباره عن حديقه فيها كذا نوع من الشجر ده غير النجيله و النافورة العاملنها و في نظام ترعه كدا يعني حاجه تقليديه وفي نفس الوقت عصريه ،، ده غير البييت نظام بيت كبير وفي كوخ بالجنبه ،، طلع المفتاح وفتح البيت ،، انا مهجومه قلت ليهو مصطفى ده بيت منو ؟؟؟ ده مستحيل يكون بيت ،، ضحك علي قال لي مش قلتي بيت يكون فيهو شجر وكذا اها البيت ده كيف معاك ،،، مع كلامو دا اتذكرت اليوم القلت ليهو نفسي امشي وين ،، حضنتو قلت ليهو انت ليه ليه حلو كدا ❤؟؟ اخد نفس،قال لي عشان بحبك ،، تعالي تعالي اوريك البييت،، دخلنا وراني الغرف و كان عاملين نظام تحت صاله كبيره و مطبخ كبير و في نظام حمام و صفره ،، و جلسه ارضيه ،،، و الغرفه كلها فوق ،، قلت ليهو ده بيتكم؟؟ ضحك قال لي يا زوله نحنا ما جلابه للدرجه دي لكن ان شاء الله نصل المرحله دي ،،قلت ليهو لاا ان شاءالله ،،قال لي ده يا ستي بيت صاحبي السلمتي عليهو،، الفترة الفاتت دي كلها كنت بحاول اشوف لي مكان بنفس مواصفات المكان القلتي نفسك تمشيهو، ،فا اذتذكرت نظام المزرعه حقت صاحبي ،،ف اتصلت بيهو و قال لي كويس اني،ما جيت في الصيف لاننا بنجي في الصيف ،،و الخريف ده صعب علينا ،،، ف استغليت الفرصه وجبتك هنا ،، قلت ليهو حلو حلو جاء من حظنا ،، نقل الشنط و نقلت معاهو الحاجات ،طلعنا الغرفه فوق قال لي عندي ليك مفاجأه، ،قلت ليهو تاني قال لي اي بس هسي ما وقتها في حاجات تانيه افضل و احلى واجمل ،❤،، خجلت ساي ،،قال لي اصلو السمح طبعو الخجل ❤.....
بعد تلاته ساعات وقفت قصاد شباك كدا في الغرفه كان فاتحه على الزراعه طوالي و المطرة زادت و الهوا كان بارد لدرجه اتلفيت بالتوب نسبه لي اننا ما جبنا حاجه شتويه معانا ،،، و انا عاجبني الهواء البارد و المطر و ريحة المطر، ،، شويه احس بمصطفى بضمني من ورا ،،قال لي ما بردانه ؟ ،،قلت ليهو شويه بس الجو حلو عشان كدا ،،قال لي طيب ناكل !!، قلت ليهو نسيت موضوع الاكل ده خالص ،، قال لي ارح ارح ،، بعد مسافه نزلنا تحت ،،جهزنا الاكل مع بعض ومصطفى عمل شاي باللبن ،، قال لي انتي عارفه انا كل خريف يجي كنت بدعي انو ربنا يكتب لي الزوجه الصالحه ال احس معاها ب إني سعيد ومبسوط بالمطره كنت خايف اني ازوج زواج تقليدي امي تختارها لي وخلاص ف الحمد الله فزت بالاثنين قلبي اختارك قبل امي ما امي تختارك كان عارف امي ح تصر عليك ف حباك عشان يكون اتنين في واحد ❤❤ ،،، ما رديت بس اتذكرت اني كل ما كان تجي مطر بدعي اني اعرس مازن او نكون مع بعض، ، ف دعواتي لا استجابت لا انا هسي ما دايرها تستجاب دعيت في سري انو مصطفى ده يدوم لي نعمه حلوة في حياتي ❤ ،،،، زمان فيحاء سألتني قالت لي احسن ليك تعرسي واحد بحبك ولا تعرسي واحد انتي بتحبيهو، ،فقلت ليها احسن لي واحد احب انا ،،الما بحبو ده ما ح اقدر اتعايش معاهو،،بس مع مصطفى النظريه دي اتغيرت تماما احسن ليك نسبه لي انو في جانب مهم انو الطرف التاني هو البحبك فبيكون مستعد يعمل ليك المستحيل عشانك، ،ممكن يفضل يحب فيك و ما يزهج لانو الحاجه دي طالعه من جواهو ❤ وانا ك بت مشاعري بتتغير او حتى لو ما بتتغير بس قلبي بيميل للبحن لي او بيهتم او البقدرني البحسسني اني اعظم حاجه حصلت ليهو ❤ ،،، كلنا بنغرق في تففاصيل الشعر ده ...
