الف سؤال جاء في رأسي مصطفي دا غريب ،، فيه هيبه كدا مخيفه وفي نفس الوقت سمحه ،، هزيت راسي وسحبت الافكار دي من راسي وركزت في شغلي لمن خلصت ما عارفه امشي ليهم ولاا لاا بس تاني قلت مافي داعي ،،ابوي اتصل بي قال لي وين انتي لسه ما خلصتي ؟؟قلت ليهو جايه هسي ،، قال لي سريع طيب الوقت قلت ليهو طيببب ،،،مع طلعتي لمحت فيحاء من بعيد بس كانت ماشه سريع كذبت عيوني قلت فيحاء شنو الحا يجيبها هنا !!،،شكلي تعبانه ،، انتظرت المواصلات والوقت بالجد اتأخر،،هسي لو كانت ساره الليله شغاله كانت رفقتني، ،كل ما الوقت يتأخر انا بخاف اكتر ،،فجأة وقفت عربيه قدامي مظلله قلت اها خلاص يانون ح يختفوك ،،خلاص لقوك براك ،،، دايرة استعد للجري، ،، نزل قزاز العربيه، ،لقيتو مصطفى استغربت، ، اشر لي نظام اركبي ، هزيت ليهو راسي بمعنى لاااااا ، جاء نازل وفتح لي باب العربيه قال لي ح تلقي مواصلات هسي وين ؟؟؟؟ تعالي بوصلك معاي ،، قلت ليهو شكرا ليك بس بشوف لي ترحال ،، قال لي ح تركبي مع ترحال زي الزمن ده ؟؟؟؟؟ ،، بقيت بعاين ليه نظام اي ؟؟ قال لي اركبي اركبي الله يهديك ،،، مع إني ما كنت عايزه اركب بس قلت لنفسي مافي داعي للعباطه في النهايه هو اخو مازن اكيد ما ح يعمل ليك حاجه ،،، فعلا ركبت و هو دور طوالي طلع ،،،، لمحتو بطرف عيني بيبتسم ،،، سألني قال لي وين ساكنه قلت ليهو ....،،، قال لي ايوااا جنب ناس خالتو سوسن ،، قلت ليهو اي ،، قال لي تمام، ،،، قبلت على القزاز ،، وانا بفكر عان الدنيا دي بتدور بينا كيف ،، في الوقت النفسي مازن يتعامل معاي بالطريقه دي بتعامل بيها اخوهو ،،، ولا اي اخو دا المربيهو، ، طوالي مازن كان بيحكي لي بمصطفى كيف هو شايل مسؤوليتهم ،، وكيف قادر محتوي ناس البيت بعد ما ابوهم اتوفى ،،،فبقى ليهم ابوهم قبل اخوهم ،، موفر ليهم اي حاجه من قبل ما يطلبوها،،، دا غير ميعاد و بنات اهلو كل واحده مكسبها بجهه ،، اااي نعم هو رهيبه واي حاجه بس مستحيل يكون ارهب من مازن، ، طلعني من أفكاري و قال لي لسه بتدرسي؟ قلت ليهو ايوواا فضل اخر سمستر، قال لي ايواا ربنا يوفق يارب ،،❤ قلت ليهو امين يارب، ،،تاني ما اتكلم معاي لحدي ما وصلنا ،،، وصفت ليهو بيتنا بعديها قلت ليهو من باب الزوق اتفضل عاين لي مسافه تقريبا سرح قال لي لااا ان شاء الله الجايات كتار ،،، هسي ادخلي عشان امشي ،، استغربت من كلامو ،، قال لي بإبتسامه ادخلي وقفتك كدا ما كويسه ،، هزيت ليهو راسي وشكرتو ودخلت البييت و انا زي الما مصدقه مصدقه ؟؟؟ هو اولاد خالتو سلوى ديل كلهم كدا ؟؟؟؟ كل واحد احسن من التاني، ،، بس ماعدا مازن ، ،، سلمت علي امي و ابوي ،، و الغرفه جاك زول امي قالت لي اكلي ونومي قلت ليها وين يا امي بس دايره اصلي وانوم طوالي ،،، فعلا ده الحصل ،، لمن جيت رقدت احداث اليوم كلها ضربت في راسي سداسي في رباعي ،،من ناحيه المفروض ما كان امشي و من ناحيه تصرفات مصطفى ،،يااااخ، ، انا زاتي هبله بعد حركاتو دي كلها ماشه اشوفو ليه ؟؟ يموت كان داير يموت يعني علي حس انو خلاص بيفكر فيني ،، ما هو براهو بعد ،،، قلت في قلبي احسن انسى الموضوع ده لو هو داير يتغير لنفسو ،،، في النهايه هو الخسران ،،انا عملت العلي و زياده ،،عملت كل الفي يدي عشان احافظ على العلاقه دي بس براهو هو مستغني ،،، كلهم نصحوني إني ابعد ،، بس انا ما كنت قادره ابعد ،، انا ما كان نفسي الا علاقتنا تنتهي بشكله كبيره يعني القى سببب على الاقل اكرهو بيهو ،، بس هسي العلاقه متخذة مفهم إنها تكون كدا جايطه ،، و ما معروف الغلطان منو لا هو داير يتكلم لا انا قادره اتصرف معاه ،،، نفضت الافكار دي من راسي و فتحت تلفوني اتفاجأت بمازن مرسل لي رساله ،، كاتب لي سبب واحد يخليك تجي في بيتنا مافي ،، وبعدين عامله فيها انك بتخافي علي و جايه لي في المستشفى؟؟ انتي عايزه شنو يا بت الناس كم مرة بقول ليك خلاص خلاص ما بتفهمي؟؟؟؟؟ غبيه كدا ليه ؟؟؟ على الاقل اعملي لي نفسك احترام شويه ؟؟ زول زهج منك فتر خلاص تاني مالك ؟؟؟ اشرحها ليك كيف دي ؟؟ انتي عارفه شنو بتندمي الواحد على انو اتعرف عليك ؟؟؟ مشكلتك بتغلطي وما بتعرفي بغلطك!!، نحنا بشر لينا طاقه بتنفذ ف عشان كدا وفري البتعملي فيهو ده و اتخارجي ،، المشكله ما هنا المشكله بعد كلامو دا كلو عمل لي تاني بلوك ،،، كلامو ده بقرأ فيهو يدي بترجف عيوني اترقرقو و اتصمغت في مكاني حسيت في حاجه جواي اتكسرت💔 انا بنهار داخلياً💔 معقوله ده مازن ؟؟؟؟؟ وين مازن الزمان داك ،، كيف قدر يكتب لي كلام زي دا؟؟؟ بالبساطه دي !! مفتكر خوفي عليهو لعبه !!!! وهو ما عارف الحاله الانا كنت فيها ،، شاف الموضوع من الزاوية حقتو، ،،مع انو اكتر انسان بعرفني ،، وياتو غلط ما دايره اعترف بيهو؟! ،،، قمت من السرير ودخلت الحمام وانا ماسكه دموعي شغاله لنفسي ما تبكي ما تبكي عليك الله ما تبكي،، انتي قويه، ،،بس ما قدرت وبكيت بعدلي،،،
