صحيت زي المغرب كدا ،، علي واقع حاجه مفروض ما كانت تحصل اي شرع ربنا بس كمان ما من الاول كدا ،، في شويه ندم علي شويه تنهيده ،،رغم الزعل و الضيق الجواي بس كان حنين علي ❤فكل ما اذكر احداث الصباح بخجل و وشي بيحمر ،،رفعت راسي عاينت يمين شمال مصطفى مافي قلت بيكون برا او في الحمام،، ناديت عليهو ما ردت لي ،،قلت معنها مافي في الحمام ،،لفيت نفسي بالتوب وطلعت هدوم ودخلت الحمام ،،رغم اني حاسه نفسي فترانه بس شجعت نفسي ،، بعد ما خلصتت ،،قعدته في الغرفه ما يقارب الساعه خجلانه اطلع ليهو وفي نفس الوقت متوتره اطلع يصادفني برا ،، لمن خلاص فاض بي وجعتا قلت ها ما خلاص البقت بقت هسي الخجل لزومو شنو ؟؟ طلعت وانا كلي ثقه ،،بس برضو مافي قلت يمكن في المطبخ و داير يعمل حركات العرسان الجداد ديك بس مافي ،، احتمال طلع يجب حاجه ،،جهزت الاكل وهو لسه ،،، لمن غلبني خلاص اتصلت ليهو مكالمه ما ردت دايره اتصل تاني قلت لاا مافي داعي اتصل مرتين هو اكيد لمن يشوف المكالمه ح يرجع لي ،،اكلت شويه حسيت نفسي ما قادره وانا مقلقه عليهو كدا ،، اتصلت تاني وتالت ورابع بس برضو ما بيرد،، فكرت فكرت كتير قلت اتصل بشهد. لاا اقوم اهجولهم معاي ساي ،طيب اتصل لي منو ،جاني في راسي طق مازن ،،، اتردت كتير اني اتصل....
_________________________
من جانب ريم
قاعده تفكر في كلام امها سوسن في جواها حاسه انو ده الصاح انها مفروض تعمل لي نفسها كرامه زول رجعها بيت اهلها بعد ما سمع كلام اخوات ده زاتو ما منو فايده مافي مبرررر انها بتحبو لانو الحب ده ما بيدل علي اننا ممكن نغفر، ، غلطتها الحقيقه انها اتعاملت معاه علي حس انو اخر راجل في العالم فطلع ليها في راسها ،، بس المرة دي يا جابت حقها يا اما واصلت معاها ....
____________________
من جانب مصطفى
لحدي هذا اللحظة ما مصدق انو العرس تم ،، نون دي بالنسبه لي كانت حاجه بعيده فان العرس تم وخلاص كدا !!!،، في اول يوم لينا كنت مفتكره انو انا في غرفه وهي في غرفه ،،ضحكت عليها لانها بالجد هبله ،، تاني يوم صحيت بدري وبعاين ليها ،،، لمن صحت ولقتني بعاين ليها ،، اتخلعت، ، وبعديها ما لقينا نفسنا الا ونحنا في عالمنا الخاص بينا ❤، ما صحيت تاني الا علي صوت التلفون ،،رفعت تلفون وصمتو قبل ما نون تصحا ،، عاينت لي المتصل كانت خالتو سوسن استغربت في اتصالها ؟؟؟ عاينت لي نون وقبلتها من جبينها وغطيتها كويس وطلعت ،، كان التلفون فصل رجعت ليها ،،قالت لي معليش يا ولدي ما كان مفروض اتصل ،،في قلبي قربت اقول ليها المفروض انا القفل تلفوني ،، قلت ليها لاا ما مشكله ،،قلت لي ااا بصرحه امبارح ميعاد جاها كتم نفس وهسي نحنا في المستشفي،، ومن قبيل قالت الا اتصل بيك وقالت إنها ح تموت . وقعدت تبكي💔 ،،انا حاولت اهدي في خالتو سوسن وقالت لي انا عارفه ما كان اتصل بيك بس دي بتي يا مصطفى ،قلت ليها خالتو سوسن اني هسي بجيك مسافه الطريق ، ،، قفلت منها وانا مستعجل استحميت سريع سريع و ب هدوء طلعت .. مع اني ما عايز اطلع بس كان لازم امشي بعد ما اتصلت بي خالتو سوسن كلها عشم في اني اجي ،،، وفعلا طلعت علي المستشفى وفي بالي اني كدا بغلط بس تاني قلت اشوفها وارجع البييت لنون ،،وصلت لقيت خالتو سوسن منتظراني برا ،، قلت ليها خالتو ؟؟ كانت محروجه مني وقالت لي اعفي لي يا ولدي عاينت يمين شمال لقت نون ما معاي ،،قلت لي وين نون ،، قلت ليها ااا نون ما كلمتها لانها نايمه، ،، هنا اتحرجت اكتر ،، عشان اطلعها من الاحراج ده قلت ليها وين ميعاد قالت ااا تعال من قبيل منتظراك ،، وصلنا زي غرفه كدا ،، و لقيتها مركبين ليها جهاز التنفس ،، بس كانت صاحيه زي المدروخه مدروخه كدا ،، وقفت جنبها ،، قالت لي انت جيت !! عاينت ليها ،،، ما عارف بس وقفتا و انا بفكر يمكن فكرت انها بتحبني دي اتجاهلتها تماما و انا قاصد اتجاهلها عشان تفهم فكرة اني ولا في يوم ممكن احبها ،، اي هي زوله كويسه و ممتازه ما فيها عيب بس العيب مني انا لاني ما بقدر احبها ،، ف كونها انا قدامي بالمنظر ده خلاني اشفق عليها و ازعل ،، لانو اكيد ما كاانت قاصده تحبني ،،،،بس انا بقيت بين خيارين ي اما ابقى اناني في حبي و اعرس نون ،،يا اما اخسر نفسي وحبي وعرس ميعاد ،،، و علي المحتمل انو ح نطلق في النهايه ،،،خالتو سوسن طلعت خلتنا برانا ،، ميعاد طلعت جاهز التنفس ،،قلت ليها ليه ليه قلت لي بقيت احسن من امبارح، ،، وهي ما قادره تشيل حيلها، ، قالت لي ما كان اقول لي امي تتصل بيك ،بس والله حسيت نفسي ما قادره ،، انا بموت بالبط حاولت ما اركز معاكم بس ما قدرت ،،💔 ما رديت عليهاا ،، قلت اخليها تطلع الجواها ،، قالت لي انت لو كنت مكاني كنت عملت شنو، ، قلت ليها بكل بساطه كان ح اشوف حياتي مع انسان تاني ،، قالت لي يعني هسي لو نون عايزه تطلق وقالت عايزه تشوف حياتها مع انسان تاني ح تطلقها ؟؟؟؟؟؟،، لا اراديا قلت ليها تبقى هي جابتو لي نفسها وتستحمل، ، ابتسمت لي بصوره باهته قالت لي يعني ما ح تطلقها ؟؟؟ قلت ليها ميعاد استهدي بالله كدا ؟؟ انا اطلقها ليه هو انا عرستها متين لمن اطلقها ؟؟؟؟؟ قالت لي انا بس عايزه اوصل ليك مفهومي ،،وصلي مفهومك ب اي طريقه بس ابعدي نون عن الموضوع ،،وهسي انتي عيانه ف ح اخليك ترتاحي و اجيك مرة تانيه ،، اتحمقت من كلامها انا جاي اشوفك ولا جاي احرق دمي قال اطلق نون !!!! ،،قبل ما اطلع لقيتها مسكتني وضمتٌ نفسها علي ،،، وهي بتبكي ،، ما عرفت اتصرف كيف بس بسب بكاها قلبي خفا عليها،، فخليتها تطلع الكتماهٌ من البكاء ،،بعد مسافه بعدته عنها قلت ليها ربنا يجبر بخاطرك يارب ،،، ما طلعت من الغرفه لقيت امي قدامي، ، اتهجمت قالت لي الجابك هنا شنو، ،قلت ليها اااااا،، سوسن سكتت،، قلت ليها جيت اشوف ميعاد؟؟، قالت لي ميعاد؟؟ مش امبارح كان عرسك ؟؟؟ وخليت عروستك براها وجيت ؟؟ سوسن قالت ليها معليش يا سلوى بس انا اتصلت ليهو °!! سوسن قبلت عليها قالت ليها اتصلت عليهو ليه ؟؟؟؟؟ ما كان تتصلي لي اخوها محمد ! ولا ما عايزه تخربي علي ولدك ،،سوسن قالت لي لااا والله يعلم الله الاتنين اولادي، ،بس سكتت ما قدرت تقول ليها ميعاد قالت الا تتصل تتصل علي مصطفى ،، سلوى ما ردت عليها، ،، بس عاينت لي مصطفى وقالت ليهو لينا كلام تاني وقالت لي سوسن هسي بتك تعبانه فما ح تناقش معاك في الموضوع ده ،،،قلت ليهم طيب استأذن انا ،، طلعت طوالي كلام امي حلقه في اضاني ما كان اخليها براها ،،، وانا طالع صادفني مازن برضو اتخلع بي ،،سلمت عليهو سريع سريع ،، و طلعت ،،وصلت الشقه ،، شلت نفس قلت يارب تكون نايمه ،،تاني قلت نايمه للوقت ده ،،فتحت الباب ،، مسافه ما قفلتو لقيتها وقفه قدامي ،، ما فهمته نظراتها بس جات علي قالت لي قلقتا عليك شديد عليك الله تاني مرة ما تعمل حركه زي دي ،،💔 ما عارفته اتصل ب منو وانا خايفه اقلقهم معاي ،، يمكن ما بحبك بس وجودك معاي مهم او بقى بفرق معاي 💔،، واضح انها كانت بتبكي ،،قربتها مني وحضنتها قلت ليها ولا عاش البيخليك تقلقي وحتى لو ما بتحبني انا بحبك،،،ما ردت علي قلت ليها نون ؟؟؟؟ ما استوعبت الموضوع اتنفضت مني وزحت بعيد ،، قلت ليها انا مهجوم من تصرفها مالك؟؟؟ قالت لي بصوت مبحوح انت كنت مع ميعاد ؟؟؟؟؟؟؟؟؟،، سكتاااا قالت لي اتكلم كنت معاها ،،؟؟ وكيف ريحة عطرها جات في قميصك؟؟؟ معنها .. معنها .. انت كنت حاضنها؟؟؟؟؟💔،، ما تسكت قول لي ما كنت معاها ان شاءالله كذب علي 💔
#و اسقط قلبي سبعين قاع..💔
______________
