انا حاسه انو ح يجي يوم و ميعاد تتكلم بس الما اتوقعت انها تختار الوقت ده بالذات وقت نحنا ما كنا جاهزين فيهو و ما قدر المواجهه ،، كنت مفتكره انها نست وانو الموضوع خلاص وقفلنا بس بيقولوا خاف من الزول السكوت ،،، مصطفى كان في حاله غريببه كان زي الزول الما واعي ،،فقدت المنطق لدرجه قال لي كذبي كذبي كلام ده، ، كنت عايزه اتكلم اقول ليهو انا بحبك انا حبييتك انت ،، انت الحبيتني فيك ،،اي ما قلتها ليك قبل كدا بس تعلقي بيك كان بيدل علي اني بحبك ،، كان وكان حاجات كتيره في بالي كان دايره اقولها بس ما قدرت ،، بعد ما قال كلامو عاين لي بنظره انسان منكسر بنظر كانو بيقول لي الما قدرت تعملو فيني الايام القاسيه عملتيهو فيني انتي ،،ما رحمتيني ! ليه ما شفعت ليه الايام الكنتي معاي فيها ! ،،نظرات كانت مودعه 💔 نظرات زول انظلم من الناس كلها ،، نظرات طفل اتيتم في عمر السبعه سنوات ،، دايره اجري وراها بتي قعدت تبكي ،قلت لي مازن حصلو حصلو عليك الله سريع قبل ما يتهور ،مازن جر وراهو ...
الوقت بعديها بدا يمشي براحه و ب هدوء متسلسل بتنحرق اعصابي اكتر ،، ميعاد قصادي جات علي وهي بترجف مصطفى ما ح يحصل ليهو حاجه ؟؟،،انا ما كان مفروض اقول ليهو صح ؟؟،، وقفت وانا شايله بتي وبببكي، ،قلتيها شنو ياااخ ما بتحسي انتي ما بنى ادم زييين،،، ليه يا ميعاد ليه كلمتيهو ليه تحرقي قلبو كدا ،، لو ما عايزاني ليهو تعالي اقتليني عديل انا راضيه احسن من تكسري ب خاطرو كدا 💔 .. قعدت تبكي في الواطه هو بتقول ما كان اقول ليهو ما كان اقول ليهو ....شلت بيتي وقفت جنب الباب وتلفوني في يدي ،،، جات نسمه قويه او هوا بارد ارتعش جسمي ،،جدران قلبي اضخمت بسبب دقات قلبي القويه ،، في طعنه ...في ابرة دخلت قلبي ،، وجعني لاا ده ما وجع دي حاجه حصلت ،،، صوت مصطفى اترررد في اضاني كتيررر، ، حسيت وقف قدامي ،، بعاين لي من بعدين ما ظاهر بس انا شايفهو شايفه،،، جيت مقربه وانا بقول ليهو افهمني انت ما فهمتني ولا سمعت لي ،،خليني ابرر ليك ،، من بعيد شوفت شبح ابتسامتو بالجنبه كانو بيقول لي بعد شنو ،، و اختفاء اتلفت يمين شمال مافي ،،، ظهرت في راسي فكرة حاولت ابعدها وبعدها تلفوني اتصل كان مازن ،،رديت بلهفو ،، صوت كان متغير زي الكان بيكيي قال لي نون مصطفى راح 💔 مصطفى خلنا مصطفى مع ابوي 💔 مصطفى ربنا استلم امانتو ،، طلعت مني صرخه قويه كانت عباره عن وجع ادفن عن ندم اتولد ،،عن نفس ضاعت عن حاجه حلوة اتفقد وما بترجع ،،ألين قعدت تبكي ،، جات ميعاد جاريه علي قالت لي مالك قال ليك شنو؟؟؟، ما رديت بس كنت بنادي ب اسمو ،،خالتو سلوى صحت مهجومه ،، قالت لي نون مالك شالت الين مني ...قلت ليها مات مات يا امي روحي ماات سقوني ليهو عليكم الله سوقني ليهو ...💔 اتمنيت لحظتها اني بحلم اتمنيت روحي تعانق روح من جديد اتمنيت اموت و الحقو، ، ما قدرت استحمل كرعيني بردو و الايام الجمعتني ب مصطفى كلها جات في راسي ضحكتو كلامو همساتو و غيرتو ،، عقلي ما قدر يستحمل الصدمه وقلبي وقف ،، بقيت ما قادره اشوف طلام بعديها وقعدت من طولي ....💔
