جاتني رساله من رقم غريب اتوقعت انو مازن ..كتب فيها عملتيها يا نون عملتتيها اتأكدي انك كدا بتقتليني بسكين ميته 💔 وعشان تزيدي من وجعي تعرسي اخوي ما لقيتي غير اخوي يا نون 💔 ،،قلبي وجعني ،الرساله دي خلتني اتذكر مواقف كتيره حلوة كانت بيناتنا خلت الحنين يرجع يعاودني من جديد ،، هو غلط بس كلنا بنغلط ،، عقلي قال بي بس هو ما غلط غلط عادي هو خذلك و اتنازل عنك من غير ما يفهمك فجأة كدا لقيتيهو مافي ،،ح تقدري تثقي في شخصيه زي دي تاني ؟؟؟ قلت بسس يمكن اتغير ،، عقلي قال لي انتي في وقت مفروض ما تحني ليهو لانو ح تعرسي اخوه ف لحدي هنا خلاص ،،، قمت صليت ركعتين وانا لسه متوتره وخايفه و ما عارفه مفروض اعمل شنو ،،، حاسه نفسي عايشه دور ما دوري ،، عالم ما عالمي ،،، ومعيشه نفسي في فكرة انو الناس دي كلها غلطت وكلهم منافقين الا انا ،، ودي أسوأ فكره ممكن الواحد يختها في راسو لانو تاني ح يركز مع اغلاط الناس وما بركز في اغلاطو،، رقدت نمت، ،قلت الصباح يحلها ربنا ...
تاني مازن ما رسل لي و انا انشغلت بموضوع الشيله و غير كدا كان عندي يوم المناقشه ،، مصطفى جاني من بدري قال لي جاهزه؟؟ قلت ليهو ممكن تقول كدا ،،قال لي لااا عايزك زي ما عهدتك قويه ما تخافي، ، قال لي معاك منو ؟؟؟ ما رديت ،،قال لي مالك ؟؟ قلت ليهو لااا ما معاي زول براي ،،قال لي كيف ؟؟؟ قلت ليهو يعني انا اخترت اكون براي ،،قال لي احسسسن، ،وصلني الجامعه ولحدي ما خلصت هو كان منتظرني 💕🌻
#في كل مره بقول ما دايره اتقبل مصطفى وعايزه ابعد بلقى نفسي بغرق في تفاصيلو اكتر واكتر،، والحاجه دي مخيفه مرعبه بس جميله في نفس الوقت ❤
_____________________
من جانب ميعاد
ما كان عندي حل غير إني اتقبل علاقة مصطفى ونون لمتين ح اقيف قصادهم اذا هو عايزها فحلال عليهو وبختو بيها ،، بس لازم يشوف الفرق بعينو ويشوف انو نون انسانه ما مسؤوله او ما زيي ،كنت عايزه يشوف الجانب التاني لنون ،، الغيره اتولدت جواي ودي حاجه ما بيدي كنت عايزه اعرف بعد ما يعرف شخصيتها ح يواصل ؟؟؟ حب فضول او ممكن اقول عايزه يقدر شخصيتي او يختنا انا ونون محل مقارنه ،،،، فكنت بقول لنون وافقي وافقي ،، رغم انو في نار جواي بتكوي فيني كي،،بس ما عندي حل ،، يوم جايين يتقدموا، ،وانا غلبني امشي ليها من بدري خفت اضعف الموضوع ده والله ما ساهل 💔 ،، بس شلت في خاطري ومشيت في النهايه طول ما عملت نفسي راضيه بالوضع ما ينفع اوقف هنا ،،، مر اليوم سريع ،،، و بعد تلاته ايام جو النسوان انا ما قدرت امشي برضو من بدري، ،،شهد جاتني في الغرفه قالت لي ميعاد ؟؟؟ عاينت ليها بزعل قلت ليها يادوب مفتكره عندك بت اهل اسمها ميعاد ،،جاتني قريبه قالت لي معليش انشغلت ،، قلت ليها انشغلتي ولا ما دايره تجيني ؟؟ قالت لي هو انا لاقياك وين ؟؟ قلت ليها هههه لو بالجد دايرني كان على الاقل تعرسي لي اخوك ،،سكتتت وعاينت لي كويس قالت لي كنت عارفه انك ح تفتحي الموضوع ده طول ما فتحتيهو دايره اقول ليك ميعاد مصطفى ده ما شافع عشان تقول ليهو عرس منو وما تعرس منو دي حاجه في يدو هو ،،، قلت ليها بس انتي عارفه اني عايزهو ،،قالت لي و الفايده شنو اني انا عارفه اذا صاحب الشأن زاتو ما عارف ؟؟ ميعاد نكون واقعين انتي مصطفى ده تلميح ساي ما لمحتي ليهو ف كيف دايره يعرف انك عايزهٌ ؟؟؟ قلت لييها بمهاجمه ،،بس انا كنت عايزه اعترف ليهو طلع عارف ،،قالت لي عايزه تعترفي ليهو ؟ بعد شنو لكن بعد ما حسيتي انو ح يبعد عنك بعد ما حسيتي انو في واحده تانيه في حياتو او في قلبو قلتي خلاص اتحرك او ده انسب وقت اعترف ،،انتي لو بالجد عايزه تعترفي ليهو كان تعترفي من زمان كان هسي فكر فيك ،،بس انتي جيتي بعد ما دخل واحده في حياتو فمتوقعه منو شنو؟؟؟؟ يقول خلاص احب ميعاد؟؟ قبل ما تلوميني زول لومي نفسك ،، بمناسبة انو عارف انا الوريتو ،،،قلت ليها كيف كيف وريتهو متيييين؟؟؟ سكتت شويه قالت لي يوم قال داير صحبتك ،،قلت ليها ااااا لااا كويسس طيبب ،قالت لي ما عايزك بسبب الموضوع ده تعملي حساسيه مع صحبتك لانها ما عندها ذنب ،، قلت ليها وانا زاتي ما عندي ذنب واذا انتي عندك عادي ينكسر قلبي فانا ما عادي ،،قالت لي ميعاد كيف عادي عندي ،،يابت انتي عارفه معزتك عندي بس كل حاجه قسمه ونصييبب ،،وانتي يمكن نصيبك مع زول احسن من مصطفي ،،ما رديت قلت ليها في قلبي وين القى احسن م مصطفى حتى لو لقيت بقدر يطفئ لي الايام و النسين الكنت بحبها فيهو وكاتمه جواي اذا لحدي هسي ملازمني في أحلامي....شهد قالت لي بتكلم معاك ،، قلت ليها اي ؟؟ قالت لي انا عندي سؤال نون دي ما كانت مقتنعه رضت كيف ؟؟؟؟؟؟ ،، ما رديت وسكتت اقول ليها شنو انا الاقنعتها ولا انا كان عندي يد في انها توافق ،، قالت لي بتكلم معاك ؟؟ قلت ليها اسأليها هي لمن تلاقيها ،،سكتتت وعاينت لي قالت لي لااا تمام بسألها هسي ارح نمشي ليهم ،،قلت ليها طيبببب ومشينا ليهم ،، خالتو سلوى تشكر في نون ساي و انا اقرب اقول ليها طيبب شوفيني انا شوفيني انا .....
