هو فهمني ودنقر راسو فكيت يدي منو براحه وطلعت فوق من سكات وانا دموعي خلاص 💔 بعد مسافه جاء مصطفى ،، لقاني قاعده في السرير ،،قال لي ممكن تقولي لي طلعتي وين ؟ وليه ما اتصلتي ،، قلت ليهو على ما اعتقد انا قلت ليك تحت اني اتصلت وردت لي ميعاد ،،، دايره اتحرك من الغرفه، ،مسكني من يدي قال لي ما نحنا لازم نتفاهم ،،قلت ليهو وانا بضحك بإستهتار وسط دموعي نتفاهم ؟؟ على شنو على انك كذبت علي او ما وريتني وخليتني زي الهبله قدامها ولا انا دايما بقلق عليك وبتصل بيك وانت تقول لي مشغول ده شغلك ؟؟ تدرب ميعاد ،،انا ما عندي مشكله تدربها بس ليه ما كلمتني ليه ما قلت لي ؟؟ و اااا صحي اتذكرت إني زاتي ح انزل شغل ،،قال لي نعم نعم شغل شنو كمان ؟؟ قلت ليهو ح اشتغل في المستشفى، ،قال لي نجوم الضهر اقرب ليك من إنك تشتغلي ،، هنا حسيت بالظلم حسيت بأنو مصطفى ده ما بحبني البحب بدعم بسند بحاول مع الطرف التاني قلت ليهو بصوت عالي طيبببب اشمعنا اشمعنا ميعاااد هي احسن مني في شنو؟؟ ليه تشتغل وانت بذات نفسك تدربها وانا لااااا ليه بسس؟؟،،قلت كلامي واتقدمت خطوتين دايره اطلع ،، حضني من ورا قال لي براحه براحه، ،اول حاجه انا ما عندي شغله بميعاد ابوها طلب مني اشغلها معاي وانا ما قدرت ارفض ليهو،،،،زاتك انتي مستوعبه معاي انك تشتغلي و تطلعي و تقابلي الناس ويشوفوك؟ قلت ليهو اها يعني اتحبس في البيييت، ،قال لي لااا كمان بس شال نفس قال لي ربنا يسهل ،، باسني من جبيني ،،، بعد ما هديت شويه ،،قال لي طيبب بالنسبه لي انا والقلق العيشتيني فيهو ؟ قلت ليهو وريتك اني اتصلت وردت ميعاد،، قال لي ميعاد دي ياااخ،،طيب مازن عرف مكانك كيف ؟ وليه كان معاك ،،قلت ليهو مازن شافني لمن طلعت وكنت زعلانه وجاء وراي، ،سكتتت مسااافه بعديها قال لي غلطانه انتي كيف واحده تطلع من غير ما تكلم راجلها حتى لو ما رديت عليك ده ما بسمح ليك تطلعي من البيت كدا ،،، نفترض انو مازن ما شافك كنتي ح تمشي براك ؟؟ المشكله إنك ما عارفه نفسك ماشه وين ... قال لي اقعدي ارتاحي ،،وطلع على البلكونه برا ،،ودي كانت اول مرة اشوفوو بشرب سجائر اخر زول اتوقعتو يشرب سجائر مصطفى .....
_____
من جانب ميعاد
علاقتي انا ونون اتهورت فوق ما اصلا متهوره
ما كان نفسي نصل للمرحله دي بس وصلناها💔،،، بعد ما ابوي كلم مصطفى وافق ، بعديها نزلت شغل و كنت طالبه من ابوي يقول لي مصطفى انو هو يدربني وفعلا ده الحصل ،، كان كل بعد ما يخلص شغل يقعد يدربني شايفه اتصالات نون ما اكذب كانت بضايقني ،،بس مشيتها ،،ويوم هو كان في اجتماع اتصلت وانا رديت ما كنت عايز استفزها بس لمن سألتني بعمل شنو ،،،طوالي وريتها، ،، وقالت لي اقول ليهو يرجع ليها بس ما جيت كلمتو ،، لحدي ما خلصنا ورجعت معاه البييت ،،نسبه لانو عندنا بكاء وامي وابوي سافرو ،، كان ممكن امشي اقعد مع شهد و محمد ،بس تاني قلت ها احسن لي ناس خالتو سلوى ،،وفعلا رجعنا معاه،، انا منتظره متين اصل عشان اشوف نون وهي متفاجأه ب جيتي بس حصلت حاجه تانيه خالص او ما كنت متوقعاها وما كنت عاملاها في الحسبان انو نون ممكن تزعل وتطلع من البيييت ،، مصطفى ده لمن عرف إنها مافي وشاكل مع ناس البييت وكيف ما شافهوها وهي طالعه قوم البيت وقعدو ،لحدي ما اتصل ل مازن ،، ومازن وراهو إنها معاهو ،،ضحكت بإستهتار احساس انها لسه محتفظه ليهو بمشاعر ،، بعد ما رجعوا مازن ونون ،، مصطفى حضن نون عليهو ممكن اقول دي
من اصعب المواقف المرت علي كوني اشوف لهفتو و خوفو و حبو ليها خلاني اغير اكتر واكتر ،،، كلو اتوقعتو من نون الا إنها تقول ليهو إنها اتصلت ورديت عليها ،، وخاصه اني ما كلمت انو نون اتصلت اصلا ،،حول نظراتو علي بطريقه قويه ،،بعد ما طلعت هي ظاهر عليها زعلانه ،،، قبل ما يطلع وراها ،،، اتكلم معاي او ممكن اقول شاكلني، ،قال لي سببب واحد يخليك تردي على تلفوني مافي ،،، وغير إنك ما كلمتيني ،، ميعاد انا قلت ليك ابعدي مننا ،بس انتي شكلك ما عايزه تفهمي والمرة الجايه صدقيني ما ح اراعي لإنك بت اهلي ،، وطلع على كدا ،،، خالتو سلوى قالت لي يا بتي ما كان في داعي للجوطه دي كلها ،، اها جات في رأسك انتي ده غير إني ما ناسيه ليك انتي و امك يوم المستشفى ما قدرت ارد بس دموعي كانت طرف خلاص ،، قالت كلامها دا ودخلت غرفتها ،، مازن جايي علي هنا بكيت قلت ليهو والله انا ما مستحمله اي كلمه زياده، ،، كلكم بتحبوا نون وانا الشايفني كعبه في الموضوع، ،، انا ميعاد البت الانتو ربيتوها مع شهد،، وريني ليه انتوا بتتعاملوا معاي كدا ؟؟ اي انا غلطت بس ما من حقي ؟؟؟ قال لي انتي يا ميعاد ما كعبه ولا عمرك ح تكوني كعبه ،، بس انتي ما قادره تتجاوزي ما قادره تتفهمي نقطة انو مصطفى ونون خلاص اتزوجوا ،، قلت ليهو بس انا يا مازن انا💔 قال لي انتي تستاهلي انسان احسن من مصطفى ،، قلت ليهو مافي احسن من مصطفى ،،،قال لي لا في،،بس
