احساس غريب وحلو وفي نفس الوقت موجع لانو ما من حقي ،،المفروض ما يتقال لي انا يتقال لميعاد ،،، ما رديت بس بكاي زاد قال لي انا قلت الكلام دا ما عشان تبكي ،،قلت ليهو ببكي ولبكره ببكي كمان و استاهل بالجزمه انا، ،قال لي ليه ليه ،،قلت ليهو ما تتوقع إني لو دخلت معاك في علاقه اني احافظ عليها انا صحبتي ما حافظت عليها ح احافظ عليك انت ؟؟؟؟ صحبتي اقولها إني ح ابعد عنك ،،هسي انا في عربيتك وبسمع في كلامك متخيل الشعور الانا عايشه الان ،، دايره انزل مسكني قال لي ميعاد بتكلم معاها لو هي مشكلتك ،،قلت ليهو لااااااا ما تتكلم معاها بذات انت ابعد عني كل بهون ،، قال لي ما انا ما ح ابعد بعد ما لقيتك ،،قلت ليهو خلاص معناها من هسي فتش عن غيري، ، وطلعت ما خليتو يتم كلامو ،، وانا بمسح في دموعي ،، و لقدري السمح لقيت ميعاد قدامي ،،وهي مصدومة احساس انتي مع مصطفى ،، مش كان وعدتيني؟؟؟؟؟،،، ما عارفه حسيت بشنو ،،، بس حاسه إني نفسي اموت اموت وقتي ،،، ميعاد ما غير ما تتكلم لفت رجعت بيتها شكلها كانت جاياني ،، جريت وراها بس هي قفلت الباب في وشي، ،،، مصطفى جاء وراي ،،قال لي زحي ادق ليها الباب ،،قلت ليهو مصطفى ابعد انت بس ابعد مننا، ،داير يتكلم قاطعتو قلت ليهو ما تقول لي ما بقدر ابعد لانو لازم تبعد ،،ما تكون اناني يااخ عايز تدخل ليها تقول ليها شنو اقنعي لي نون ولا لا ارضي بي واقعك اني بحب نون! ،، انت كدا بتخت على جرح ملح ،،، هسي لو انا قلت ليك كلام زي ده عادي ؟؟؟؟ قرب مني وقال لي كان قتلتك في وقتك ،،، قلت ليهو وجعتك صح ؟؟ طيببب المسكينه دي مفتكره ما قاعده تحس ما بشر، ، حرام عليك الزوله دي ما خلت ليها حاجه الا وعملتها ليك ،،كانت مستعده تقدم ليك لسه ولسه ولسه بس انتي ما تستاهل ،، زاتها ميعاد كتيره عليك ،،، و لحدي هنا عليك الله كفايه ،،، جريت جري بيتنا وانا ببكي 💔 ،،، من اليووم داك اي شي اتغير مصطفى بقى ما بتصل وميعاد اصلا ما بترد علي و مازن زاتو بقى ما بتصل اتغيرو واتبدل حالهم وانا زاتي اتبدل حالي ،، فترت من إني اشرح لميعاد ،،مفروض تكون عارفه صحبتها شنو ،، ف اذا هي مقتنعه بالأفكار الفي راسها خلاص خليها مقتنعه اتكلمت كتير و ما نفع ،،وهي مصره اصرار اني انا الغلطانه او اني كان عندي طرف في الموضوع خليت مصطفى يحبني، ، اذا هي كانت معاي خطوه ب خطوه وشايفاني قدامها كل تركيزي بكون مع مازن وبعد ما علاقتي مع مازن انتهت تاني مافي علاقه بتربطني باهلو ،،،الايام جاريه جري ،،، وكل زول بقى في حالو حتى فيحاء بقت في حالها ،،، وامي جاتني قالت لي الناس ديل تاني ما جو عملتي شنو ؟؟؟؟ قلت ليها يا امي والله ما عملت حاجه ؟؟ قالت لي رغم اني ما مصدقه بس دايره اقول ليك ضيعتي مصطفى ما بتلقى احسن منو ،،قلت ليها في في يا امي بس براك ما شايفه غير مصطفى ،،قالت لي انا كلمتك ،،، جات علي فترة امتحانات و انضغطت شديد، ،كان كل ما اخلص من امتحان بلقى بتاع توصيل متصل بي في هديه مفروض استلمها في الاول ما شلتها بس تاني بقيت اشيلها لانو بتاع التوصيل قال لي ما بقدر ارجعها وكذا ،، ف استلمتها ما كنت عارفه من منو بس كان عندي احساس انها من مازن ،،رغم انو بتكون مغلق الهديه بعنايه الا انو ما حاسه بالبهجه ،،، واستمر الوضع ده لحدي ما خلصت امتحانات ،،،، واخر امتحان دا حسيت نفسي أخيرا أخيرا اتحرررت اربعه سنه وانا بجري في الجامعه دي لمن حيلي اتهد،،، اخير خلصتتتت وتاني اشوف زول يقومني بدري ما خلاص ايام التعب انتهت وداعاً يا الامتحانات ،،، اتصل بي بتاع التوصيل تاني المرة دي كنت متشوقه للهديه ،، استلمتها بجاي جريت جري المواصلات و اليوم ده ما كان في مواصلات وانا الحماس اخدني وما قادره انتظر قلت اقعد في الصبه دي لحدي ما الحافله تجي وقعدت و بفتح في الهديه واحده واحده كان في زي سلسل كدا مكتوب فيهو اسمي و جنبو قلب حبييتو ❤ وتاني كذا حاجات واثناء ما بفتح وانا خاته تلفوني جنبي ،، جاء زول من بعيد سرق تلفوني وجرا وانا بقيت بصرخ تلفوني تلفوني في ناس حاولت يلحقو بس ما بتحلق بقيت ابكي وابكي والناس تهدي فيني ربنا بعوضك وكذا ،، وانا بس ابكي ،، فجأة سمعت صوت زول بقول قومي ،، رفعت راسي لقيت مصطفى لمن رده فيني الروح ،، وكان ظاهر انو زهجان ،، قال لي ارح ارح ،، شلت شنطتي و البوكس وانا لسه ببكي ،،قال لي بصره خلاص كفايه بكى ،، مع زهجتو بكيت زياده ،،، قال لي بس فالحه تبكي ،،، قلت ليهو اي فالحه ابكي و زي ما جيت برجع ،، عارفني ح اعمل نفس الحركه الفاتتت عشان كدا سريع جراني على العربيه وانا بتقاوى معاها قال لي ادخلي ،،،، صرخه منو ساي خلتني اطلع و اقفل الباب ،،،، اتحرك بالعربيه وهو سايق بسرعه قال لي في داعي تفتحي البوكس في الشارع ،،،ما كنتي تصبري لحدي ما ترجعي البيت ،، طوالي بتشيليهو معاك البيت الجده شنو الخلاك تفتحيهو بشفقتك دي ما كنتي تصبري لمن ترجعي، ، انا فاتحه خشمي و بعاين ليهو عرفت انو هو الجايبو زايد هو براقبني لحدي ما اصل البيت ،،قال لي هسي الزول ده لو عملك ليك حاجه لو كان عندو سكين ضربك ،،، ما بتخافي انتي ولاا كمان براك، ،، ضرب الدلكسون بقوة ،، انا بس ساكته لحدي ما وصلني، ،، ختيت البوكس في المقعد الورا ودايره انزل قال لي على ما اعتقد ده ليك قلت ليهو فايده الهديه شنو بعد ما مسختها بكلامك ده وعلى العموم شكراً وانتظر اجيب ليك باقي البوكسات الجوا،، عاين لي مسافه خوفني و نزلت مع قفلتي لباب قال لي حاجه جبتها ليك ما بترجع ودور بسرعه .....دخلت الببيت وانا ببكي، ، حكيت لناس البييت ما قلت ليهم قعدت عشان اشوف البوكس فيهو شنو ،بس قلت ليهم قعدت وبعديها اتخطف تلفوني ،،امي قالت لي الحمد الله هو آخر امتحان ، قلت ليها اي ابوي قال لي خلاص شيلي تلفوني التاني قلت بيهو بالجد قال لي اي لحدي ما اجيب بيك تلفون ،،شكرتو و تاني يوم مشيت طلعت الشريحه حقتي ،،، بعد ما رجعت البيت دخلت غرفتي شويه كدا جاتني ميعاد ،،، اتفاجأت و استغربت في وجودها في نفس الوقت ،، قالت لي ما ح تقولي لي اتفضلي ؟؟ قلت ليها يا هبله بتستأذني كمان ،،، جات قعدت جنبي سلمنا علي بعض و عرفنا اخبار بعض بس القلوب ما
كانت صافيه، ،، وهي قالت لي انتي يا نون وقت ما دايره مصطفى وريني احسن من تعملي حركاتك دي ،قلت ليها حركاتي ميعاد انتي ما فاهمه الموضوع من اساسو ،،قالت لي فاهمه اليوم الجيتي وراي وقفلت الباب كنت واقفه ورا الباب وسمعت كلامك لمصطفى ،،،وقت ما سمعتي كلامي وعرفتي ردة فعلي ليه ما اتفهمتي موقفي ،، قالت لي انا كنت محتاجه وقت المواضيع دي جات سريعه و ما خلتني استوعب الحاصل عشان كده قعدت مع نفسي وفكرت ،،قلت ليها اها وصلتي لشنو ؟؟؟ قالت لي انو انا ما ح اقيف قصادكم ،،قلت ليها تقيفي قصادنا ميعاد انا مصطفى ده ما دايرهو قالت لي حتى لو ما دايرهو هو دايرك ،،،وانتي وافقتي ،،قلت ليها انتي عارفه كويس انا وافقت عليه بسبب مازن ،، قالت لي يعني عشان تغيظي مازن وافقتي على مصطفى قلت ليها اي قالت لي ايواااااا لاا حلو ،،قلت ليها الحلو شنو؟؟ ،،،قلت لي خلينا في المهم هسي خلينا نفرح بيك و بمصطفى ،، قلت ليها ميعاد انتي طبيعيه اقول ليك انا ما عايزاهو ،،قالت لي لااا الحب ده بجي بعد العرس هسي ما عايزه وبعد العرس ح تحبيهو صدقيني مصطفى نظره منو ساي بتخليك تحبيهو ياخ شوفي حلاوتو دي بتخليك تنسي الايام السيئه كلها ،،،قلت ليها انا ما ببني سعادتي على تعاسة غيري ،،قالت لي تعاسة، ،مفتكره اني ح اتعس بعديها لا طبعا يا بتي بكره يجي سيد سيدو،، هسي عليك الله وافقي، ،قلت ليها معقوله بتحنسي فيني اني اوفق ؟؟ ميعاد انتي كويسه مالك ؟؟؟ شاربه حاجه ،،قالت لي انا عالي العال ،،و مبسوطه انو صحبتي ح تعرس ولد خالتي ،،قلت ليها بسس قالت لي من غير بسس ،،، قلت ليها شوفي انا التمثيل البتعملي فيهو ده ما واقع لي وحاسه انك ما مبسوطه وما تحاولي تكذبي علي عشان من لمعة عيونك واضح انك ما مبسوطه وانا وريتك إني ما موافقه بيهو ،،ما ردت واتنهدت قالت لي قبل شهر تقريباً قعدنا نفس القعده دي وسألتيني قلتي لي لو عرس واحده غيرك شعورك ح يكون شنو ؟؟ قلت ليك لو حسيت انو مبسوط معاها ف انا ح انبسط ليهو ،، وريتك انو الحب ما لازم يجمعنا بالناس البنحبهم الفكره انو ننبسط و نفرح ب فرح الطرف التاني حتى لو ما كان معانا ،،، قلت ليها يا ميعاد ايواا يفرح بس ما معاي يا اما معاك يا اما مع غيري ،،بس ما ح اكون انا الطرف البيناتكم ،،قالت لي بالعكس انا الما ح اكون الطرف البيناتكم ،،، بمشي و اقول ليك يا نون الحب اكبر من كدا ،، قلت ليها الموضوع ده مشربك وانا ما قادره احدد موقفي ،،قالت لي فكري برواقه وعليك الله وافقي خلينا نقدر ونلبس لابس الحلو داك 💃❤ و نرقص رقييص في عرسك عليك الله فكينا من جو النكد ده ،،، ما رديت عليها ،، لانو حاسه نفسي ضايعه، ،،اتونسنا شويه وتاني مشت بيتهم ،،، عديت فترة امي دي بس تنق في رأسي ،،و ميعاد زاتها بقت تنق معاها ،، وانا مصره علي رأيي ،، لحدي ما جاتني رساله نصيه من مازن كان محتواها ،،(، انا عارف انك ما ح تعرسي اخوي ولا ح تقدري تنسيني ، وانك لمن وافقتي وافقتي بسببي ،، وعايز اقول ليك انا بحبك يا نون من اول مرة شوفتك فيها ،،حبيتك و كل يوم كنت بحبك اكتر ،، و عارفك انتي زاتك بتحبيني ،،بس والله خوفت خوفت ما اقدم ليك الحاجه البستاهليها ،،، بس هسي بعد ما جربت عذاب بعدك ،، الخوف راح عايز نرجع زي زمان زي ما كنا حلوين مع بعض ،،عايزك ترجعي لي نون البعرفها البت العفويه و البتخاف علي ،،، عايز نرجع ايامنا الحلوه مع بعض ،، فكري في كلامي كويس و بدعي نرجع لبعض تاني،)، بقرا في الكلام ولا هزه ساي ما جاتني بالعكس اول ما انتهيت قلت عان ده ،،،، استغربت من نفسي البشوفني زمان ما يشوفني هسي وين البكاء و الزعل و انو ما رد علي وكذا ،، هسي اعترافو ده لو كان قبل سنه تقريبا كان هسي الفرحه ما شايلاني بس هو جاء متاخر متأخر شديد وفوق ما انو متاخر كمان عمل كل المواقف الممكن تخليني اكرهو ،،، رديت ليهو ب رساله ،، قلت ليهو انا نفسي اعرف الثقه البتتكلم بيها دي جايبها من وين؟؟؟؟؟ واحب اقول ليك اعترافك ده الا كان تبلو و تشرب مويتو، ،،لانو ولا فارق معاي اصلاا ،، و نون الزمان الدايرها ما بتجي تاني براك جحدت بالنعمه الكانت عندك ،،،جايي هسي تفتش ليها بعد ما بقت ما ليك ؟؟؟؟ لو جد عايزها كان حافظت عليها بس انت عملت شنو ؟؟؟؟ انت ما خليت حاجه حلوة الزول يذكرك بيها كل مواقفك العملتها لي خربتها في النهايه بعملتك، ،، انت عارف حاسه بشنو وانا بكتب في الرساله دي حاسه بالقرف لاني بكتبها لي واحد زيك،، وعلى ما اعتقد انا ح اكون مرت اخوك فما صاح منك الكلام البتكتب فيهو ده .....حظرت الرقم و انا ما عارفه ده الرقم الكم البحظر فيهو ،،كدا يادوب ممكن اقول ارتحت ..رقدت نمت صحيت الصباح و امي نادتني قالت لي قومي ابوك عايزك ،،، قلت ليها طيببب بس اصحصح،، قالت لي سمح منتظرنك برة، ، قلتها ليها خلاص طيبب ،،بعد ما صحصحت طلعت ليهم قعدت جنب ابوي قال لي صباحك، ،،قلت ليهو صباحو عليك ،،، قال لي اها كيفك ،؟؟ وكيف بعد ما خلصتي الجامعه قلت ليهو الحمد الله، يا ابوي ،قال لي سمح، ،، طيب بما انك خلصتي الجامعه فانا داير اقول ليك انو يا بتي اي بت مصيرها العرس والناس ديل اتصلوا قالو جايين يتقدموا رسمي و يتفقوا على العرس متين و قالو ولدهم جاهز ،،قلت ليهو يا ابوي بسس قال لي مافي بسس، ، قال لي امك قالت انك رفضتي مصطفى أحمد ،، ما رديت قال لي هسي ده واحد تاني ،،رفعت راسي سرعه ،، ضحك قال لي ما تخافي ما تخافي ده واحد كويس ،قلت ليهو ما عايزه ما عايزه عرس، ،قال لي كيف ما عايزه يا بتي عندك سبب ؟؟ قلت ليهو لاااا قال لي طيبب اها ،،قلت ليهو بس انا ما عايزه اعرس قال لي حتى لو كان مصطفى ؟؟؟ هنا سكتتت قال لي افهم انو دي حركات منك او ممكن اقول خجلانه مننا ،،قلت ليهو هسي انت مش قلت في زول غير مصطفى قال لي ده اختبار ليك ،، وطلعتي عايزه مصطفى ف يابتي استخيري تاني و خلي الناس تجي تتقدم و الفيهو خير ربنا يسهلو ليك ،،، سكتت ما رديت امي قالت ليهو شوف تسكت كدا بعدين تجي تغير رأيها، ،قال لي خليهم يصلوا تاني نشوف لو ما اتاقلمتي مع مصطفى طوالي وريني، ،، العرس ما بجبر يا بتي شوفي المناسب معاك ونحنا نشوف المناسب معانا في النهايه ما بنتمنى ليك غي
ر الزول الاحسن ،،، هزيت ليهو راسي قال لي هسي امشي اشربي شايك و الفيهو الخير ربنا يكتبو ليك ،، فعلا طلعت و اتذكرت ميعاد وريتها قالت لي اي عارفه كلمت امي من امبارح قلت ليها يعني كلكم عارفين الا انا ،،قلت لي ليه انتي ما متواصله مع مصطفي قلت ليها لاااا وحظراهو كمان ،،قالت لي يا بت مجنونه امشي فكي الحظر و اتكلمي عادي و اتواصلي معاهو يا متخلفه ،،قلت ليها ما عارفه ياخ قالت لي ما تبدي تتعابطي امشي هسي ح اقفل لانو عندنا ضيوف ما ارجع ليك بعدين و تقولي لي ما فكيت الحظر ،،قفلت على كدا اترددت و اترددت في النهايه فكيت رسلت ليهو انتو ليه مستعجلين كدا ؟؟ قراها و ما رد قلت ليهو انا بتكلم معاك ،،برضو ما رد ،،، قلت ليهو وقت انت ما عايز ترد على جاي تعرسني ليها معناها كلامك ده كل كلام فاضي ساي ،،هنا رد وقال لي انتي عارفه اني ما بتتكلم كلام فاضي ساي وعارفه اني قدر كلامي ،،، بس لمن يلمنا بيت واحد تاني بتفاهم معاك ... .ما رديت على رساله سكتت ساي وهو تاني ما اتكلم ،، استخررت في امري و حسيت نفسي مرتاحه قلت الفيهو ربنا يعملو اتذكرت كلام اختي ساره اني ما اعاند فقلت ااشوف الدنيا دي ح توديني لوين ..،،،تاني للمساء الرجال جو و اعمامي كانوا موجودين و اهلنا وميعاد جات متاخره ،،، و الناس جايطه وانا جايطه اكتر منهم ،،،قعدوا مسافه ،،قال العرس مع شهد ومحمد ،،،اي بعد شهر ونص كدا ،،،ناس داخله وناس مارقه تبارك ،،ميعاد تزغرد ساي ،،، و ساره مع الناس تضيف فيهم وانا والله حاسه نفسي متوتره، ،، مصطفى زي الحس إني في الوقت ده يمكن اكون متوتره ف اتصل و ما قدرت ارد لانو ميعاد جنبي كانت ،،فرسل لي رساله قال لي ما توتري كل بيعدي ان شاء الله وبيتم ❤،،، انا ما متوتره من فكرة العرس انا متوتره من حاجه ما عارفاها شنو ،،،الناس تبارك و تبارك لحدي ما خفوا وطلعوا كلهم حتى ميعاد رجعت بيتهم، ،، قالوا بعد كذا يوم بجو النسوان يشوفوها ،،، امي جات باركت لي وهي تبكي قلت ليها اها يا امي انتي القلتي لي عرسي قالت دي دموع الفرح يا عويره ربنا يتم ليك على خيرررر يارب، ،،، و فعلا بعد كم يوم جو النسوان و معاهم الدبله و المحبس و طقم دهب ،،خالتو سوسن مسكتني قالت لي ماشاء الله يا بتي ❤ اول ما شوفتك اتمنيتك لولدي ،، و حسيت انو انتي الح تفرحيهو و تشيلي منو الهم ،، ما رديت لان كنت محروجه وخاصه انو ميعاد جنبي ،،، قالت لي تنزلي طوالي تشتري الشيله عشان تقعدي دخان طوالي ،، ما رديت بس امي قالت ليها اي ان شاء الله ،،،بعد ما فاتو ميعاد اتكلمت معاي في مواضيع العرس وكذا وانا ما عارفه مالي حاسه نفسي مسيره وليس مخيره، ،، بس قلت ما ح اعاند، ،، بعد ما فاتتت جاتني رساله من رقم غريب اتوقعت انو مازن ..كتب فيها عملتيها يا نون عملتتيها اتأكدي انك كدا بتقتليني بسكين ميته 💔 وعشان تزيدي من وجعي تعرسي اخوي ما لقيتي غير اخوي يا نون 💔
#احببتك حتى فاض حبكٍ في اوردتي ،،وحين اديتْ خاضع لعينيك اصابني سهم النصيب 💔
ا فلا ترحمي قلبي ؟؟؟؟؟؟
ا فلا ترحمي ضعفي ؟؟؟
________________
