بتكلم معاك يا شهد ليه سرحتي!! قالت لي ما عايزه حاجه يا مصطفى كلام جاء كدا ،، و قامت من جمبي وهي ماشه قالت لي فكر في الموضوع بكل هدوء ،، اخدت نفس و مسكت قلبي ما لقيت غير نون !؟،، طلعت غرفتي قبل ما ارقد سمعت الباب بدق ،، عاينت للساعه لقيتها ما يقارب 2 ص ،، قلت اتفضل،،، مازن ؟؟؟ قلت ليهو مالك ؟؟ قال لي ااا كنت عايز أسألك ،، قال لي تسألني هسي زي الوقت دا ،، قال لي اي لو مافيها إزعاج، ،قلت ليهو إزعاج شكلو الموضوع كبير، ،قال لي لااا ما كبير بس كنت عايز اعرف انت قبيل كنت مع نون ،، استغربت من السؤال بس قبل ما اجاوب قلت ليهو يهمك ؟؟؟؟ قال لي لاا ما بهمني بس كنت عايز اعرف لأنو في العاده انت ما قاعد تشتغل بزول ،،قلت ليه براك قلتها ما قاعد اشتغل بزول بس يمكن نون غير ،،، اتقدم علي خطوتين قال لي كيف غير ليه يعني؟؟؟ قلت ليهو مازن مالك ما عادي يعني تكون غير ،، قال لي لاا غير كيف ؟؟ قلت ليهو عادي هسي امشي نوم بكره الصباح رباح لأني والله ما قادر اتكلم مع أي زول ،، قال لي ما انت فهمني قلت ليهو بصوت عالي مازن مالك يااخ !؟ ما قلت ليك خلاص من متين وانت لايووق كدا ،،، داير يتكلم تاني ،، مشيت على السرير قلت ليهو عليك الله وانت طالع اقفل الباب وراك ،، وقف مسافة تاني طلع ،،، فكرت مازن دا ح يستفيد شنو ؟؟ ما يكون بحبها ؟؟؟؟، لااا مستحيل هو شافها وين لمن يحبها !!! يكون يوم المستشفى دي اول مرة ،، قدر ما اتقلبت في السرير ما قدرت انوم ،،قمت صليت ركعتين حسيت نفسي مرتاح ،، لمن اتذكرت نون ابتسمت ،،،حتى لو ميعاد بتحبني ما يدل على إني ح تنازل عن نون ،،لأني ميعاد ما بقدر اقدم ليها حاجه فأحسن اخليها للشخص البتستاهلها وانا خليني لنون ....
#سبحان من زرع حبك بقوة بداخلي ❤❤❤
بعد يومين كان خطوبة محمد وشهد ،،، في يوم الخطوبة كنت مفكتر نون ح تجي بس قدر ما حاولته ألمحها ما لقيتها عاينت لقيت ميعاد بتعاين لي فعيني لمن وقت في عينها ابتسمت ،، لا اراديا والله ابتسمت معاها ،، دي الخطوة الخلتها انها تتصل بي قالت لي دايراك في موضوع ،، قلت في نفسي جات في وقتها، ، قلت ليها طيبب نتلاقى وين ،، ما ردت ،،قلت ليها طيب شايفه الشجره القدامك ديك قالت لي اي خلاص تمام نتلاقى هناك ،،، اصلا عاملين الخطوبه في الجنينه حقت بيتنا فكان انسب مكان تحت الشجره عليها اضاءة خافضه وده حسن وقت لانو الناس ح يكون مركزين مع محمد و شهد، ،، في نفسي كنت بقول ح اوريها الموضوع كلُ و اكلمها انو نون رفضتني عشان ما تزعل من صحبتها ساي ،، بس البنخدو في راسنا حاجه و البيحصل حاجه تانيه خاااالص 💔
#يضل القلب معلقاً بمن يُحب حتى بعد الفراق 💔 .
.______________________
إيناس قالت لي خلينا نتلاقى في الجامعة بس انا قلت ليها لاااا هسي باقي الليل دا ،،واتصلت بيها قالت لي ما عايزه اكون فتانه بس ضميري مأنبني وانا عارفه الحقيقة وساكته عليها ،،قلت ليها ما بتكوني فتانه ولا حاجه هسي قولي لي ،،قالت لي ما سألتي مازن متغير عليك ليه ،،، قلت ليها مازن الدخلو شنو هسي ،انا عايزه اعرف فيحاء مالا ،،قالت لي ما مازن هو زاتو السببب،، قلت ليها السبب؟؟؟،،قالت لي اي مازن وفيحاء تقريبا عاملين علاقه مع بعض ،،قلت ليها كييييف مستحيل طبعاً مازن وفيحاء اكيد لااااااا، ، قالت لي عارفاك ما ح تصدقي بس دا الحاصل لو كان ركزتي كويس كان ح تتأكدي من كلامي ،،قلت ليها كيف لكن وين ومتين ،،، قالت لي متين وكيف الجواب دا عندهم هم ،، بس فيحاء تقريباً مفهمة مازن حاجة غلط،،، قلت ليها طيب هي وقت مفهماهو غلط ليه ما جاء،سألني ،،قالت لي ما عارفه والله ،، قلت ليها انتي جبتي الكلام دا من وين قالت لي بصراحة يوم قاعدين فيحاء مع ووحدة صحبتكم سجى بس فهمتها الموضوع بطريقة انو هو الاتقرب ليها ،،لكن انا حسيت غير كدا لانو حسب البحس بيهو هي البتتقرب منو ،،،قلت ليها ما عارفه اقول ليك شنو بس الكلام دا كبير كبير شديد يا إيناس عارفه لو الكلام دا طلع بالجد انا ح يحصل فيني شنو ؟؟ انا ح اكون اتغدرت بالجهتين من جهة مازن ومن جهة فيحاء فمتخيله معاي اكتر اتنين بثق فيهم يطعنوني في ضهري ،، اكيد لاا في حاجه غلط وانا ح اعرفها ،،، قالت لي انا مقدرة الانتي فيهو عشان كدا اترددت كتير احكي ليك ،، قلت ليها لاا ما مشكله ،،، تمام تصبحي على خير ،،قالت لي تلقي الخير ،بعد ما قفلت منها انا ساعة بستوعب في كلامها ما منطقي اصلااا ،،، هم وقت ما دايرين بعض ما يجوا يقول لي ،،ليه يخافوا مني ؟؟؟،، ما قدرت اصدق كلامها اي نعم هو بتصدق بس انا من نوعية الناس ال لو ما شوفت بعيوني ما بصدق ،، لانو لو صدقت كلام وصلني عن الطرف التاني من غير اي ادلة بعتبر نفسي رأسي خفيف ،عشان كدا ح حاول اتأكد و الله يستر ما يكون حقيقي كلامها دا ،،،، نمت على امل الكلام دا يطلع كذب ،، صحيت الصباح امي قالت لي بعدين من تجي من الجامعة عندي معاك موضوع قلت ليها سمح يا امي ،، لبست هدومي و طلعت الجامعه و انا عقلي داير حول كلام امبارح ،، كان عندي محاضرتين ،، سبحان الله الجو ما جو محاضرات ياااخ ،،، ،،حضرتهم وعيني من بعيد على فيحاء ،، بعد المحاضرات مشيت سلمت عليها وهي سلمت علي سلام بارد كدا ،، قلت ليها فيحاء للمرة الاخيرة انا ح أسألك انتي متغيرة مني ليه ؟؟؟؟ قالت لي وانا بقول ليك ما متغيرة منك ولا حاجه دي اوهام في رأسك، قلت ليها يعني ما حاسه إنك متغيرة علي ،،قالت لي لااا ابدا ما حاسه اني متغيره ،،قلت ليها طيببب ،، خليتها واقفه مشيت قعدت في الكفتيريا، ، جاتني ايناس قالت لي ما اتوقعت تجي الليله قلت ليها ليه ؟؟؟ قالت لي بعد كلام امبارح قلت ليها لااا كلام امبارح كان كلام عابر او ممكن اقول ليك خلاني بس اكون مركزه لكل تصرف من تصرفاتهم، قالت لي عموماً انا ما دايره اسوقك بالخلاء قلت ليها لاااا ما قصرتي ،، ،،بعديها طلعت البيت اتعودت اني اتأخر عشان اقول لي امي انا تعبانه ،،بس دخلت البيت سلمت علي كدا ولا قالت لي في موضوع او كذا، ،مع إني حاسه الموضوع ده عندو علاقة بمصطفى ما عارفه ليه .. استمريت يومين وانا بالحالة دي من الجامعه للبيت من البييت للجامعة حياتي اكاديميه شديد، اتصلت لميعاد قالت لي وين انتي يازوله قلت ليها مع الجامعه بس قالت لي باركي لينا ،،قلت ليها ابارك ليكم ؟؟؟؟ ليه!!!؟ ،،قالت لي ما مصطفى اتقدم لي ،،سكتتت مسافه قلت معقولة بالسرعه دي ما كذبت لمن قلت مشاعرو اتجاهي عابره ،، قلت ليها مبروووكات يا ستي ❤❤،، ضحكت قالت لي بهظر معاك ما اتقدم لي ولا شيء ،،،لكن محمد اخوي اتقدم لشهد و اهلها وافقوا بكره الخطوبة و طبعا ما محتاجه عزومة ، ،، قلت ليها تكذبي علي يا سسجم والحالة هسي فرحت ليك ،،ضحكت قالت لي مالو افرحي لي برضو، ،قلت ليها هسي ماشاء الله محمد أخيراً قرر يتحرك، ،،قالت لي أخيراً،، المهم بكره معانا ،،قلت ليها ان شاء الله ،،، قالت لي بما إنك هسي ما عندك موضوع تعالي لينا ،،قلت ليها الوقت اتأخر، ،قالت لي اتاخر شنو يادوب المغرب دا ،،قلت ليها اشوف امي طيببب ،،،قالت لي بنتظرك ،،كلمت امي قالت لي امشي بس ما تتأخري، ، قلت ليها امي محمد قالوا داير يخطب شهد قالت لي اي خالتك سوسن ورتني، ، قلت ليها ماشاء الله متين ورتك،،، قلت ليها ميعاد قالت لي تمشي معانا الخطوبة ،، قالت لي لاااا مافي اي مشي ،،، قلت ليها كييييييييف ليه ليه يا امي 💔 ،،، قالت لي مافي داعي تمشي معاها ،،، قلت ليها نفسي امشي انا قالت لي قلت ليك لااااا،، وانتهينا هسي عايزه تمشي لصحبتك امشي قبل ما الوقت يتأخر ،،، قلت ليها امي لكن .... فاتتت خلتني ،، زعلت زعل ،،نفسي كان احضر الخطوبه، ،، وصلت ناس ميعاد وانا دايره اطق ،،، ميعاد قالت لي يا زوله مالك قلت ليها لاا مافي حاجه ،، المهم مبروووك لمحمد ❤❤ وشهد زاتها تستاهلو حلوين مع بعض ماشاء الله ❤❤❤ ،،،قالت لي مشش المهم بكره انتي معانا ؟،، قلت ليها ان شاء الله ،،قالت لي اي يا نون ح نعمل سيره ونعمل جواطه وكذا لازم تكوني معاي ،،قلت ليها باذن الله ،، قالت لي ليه ما حاسك متحمسه كدا ،،قلت ليها لااا متحمسه والله بس ما كنت عارفه محمد عايز شهد ،،قالت لي ليه كنتي عايزهو😂، قلت ليها يا هبله انتي عايزهو كيف يعني ،،،قلت لي لااا بهظر معاك ،، بعديها بدينا نتونس في ونستنا قالت لي صحي نسيت اوريك الاستوري حق مازن ،،، قلت ليها ما دايره اشوف قالت لي لاا شوفيهو ،،من الاستوري واضح انو ندمان علي حاجه وحتي حاسه انو ندمان عليك، ،، قلت ليها كدي كدي وريني،، كان كاتب # واني انظر في كل اعين العابرين ولم اجد مثل عينك ❤ فهل من نظره منك تشفيني؟؟؟!
قلت ليها ده شنو الوهم ده ، مالو شافع كدا قاعد يبكي ويتجرس في الحالات ما يرجل شويه ،،،هي استغربت من ردت فعلي قالت لي نون ؟؟؟؟ مالك انفعلتي كدا ؟؟ ما ياما كان بيكتب استوريهات زي دي وكانت بتعجبك ؟؟؟؟ هسي بقى في نظرك شااافع سبحان مغير الاحوال سبحانه البيشوفك لحدي امبارح بتبكي ما يسمع كلامك ده ،،قلت ليها معليش يا عمري الناس بتكبر ،، الجف بينفر القلوب عن بعضها ،،، قالت لي حتى مازن قلت ليها اي ،،، قالت لي متين لاحقتي تتغير كدا ،، قلت ليها عادي يا ميعاد مافي اوفر في الموضوع يعني ؟؟؟؟،، ما اتكلمت معاي بعديها فتحت ليها موضوع بكره عندهم شنو وكذا اندمجنا في الونسه ،،،لحدي ما رجعت البييت،، لقيت ابوي قاعد اتونست معاها مسافه فسالتو قلت ليهو لو زول اتغير عليك يا ابوي ح تعمل شنو؟؟ قال لي اتغير كيف يعني قلت ليهو يعني بقى ما بتعامل معاك او يتونس وكدا يعني قال لي اهاا فهمتك ،،، سبب التغير ده يابتي واحد من اتنين يا اما هو كان معجب بشخصيتك فلمن اتعرف عليها وعاشرك و طبعا الاعجاب مع الزمن بيروح فبيكون بالنبسه ليهو خلاص بهتي او في جوها بقى ما عندو ليك حاجه اما التاني فبيكون اتغير عليك لانك ضايقتو لانو مافي زول عاقل بيتغير علي زول من تلقاء نفسو ما هو ما مجنون عشان يتغير ساي ،،قلته ليهو يمكن انا ما عملت اي شي ؟؟ قال لي ما ضروري تعملي حاجه عشان تضايقي الطرف التاني يمكن شخصيتك فيها ما يضايقو، ،، قلت ليهو كيف يعني ،،قال لي مثلا انتي القدامي دي ما بتحبي التشغيلات اخواتك في البيت كلن شغلوها ليك بتزعلي ؟ في حين اخواتك عكسك ما بيزعل لو زول شغله ليهم ا،،،،، بالعكس بيحبو الحاجه دي !!! فطبعا الناس بتختلف ما ضروري البيزعلك يزعلهم في حاجات انتي ما ركزه ليها اصلا بزعلهم ،،، علي العموم كنصيحه مني ،،، ما تشتغلي بيهم الداير يتغير يتغير لنفسو و الداير يواصل يواصل ،،قلته ليهو بس انا ما مهيمه عسان الزول يتغير من غير ما يقول لي ،،، قال لي مهيمه *** ده شنو الأسلوب البتتكلمي بيهو ده 😭😂↖️ قلت ليهو جاده قالت لي طيبب يا مستر بهيمه انا ما بقول ما تعرفي السبب لا تعرفي بس بقول ليك ما ترجعي لطرف ده تاني لانو لو هو بالجد عايزك كان فهمك او اتفهمك الواحد لو داير يواصل معاك بيتجاوز ليك مش بيقيف ليك علي الواحده، ، و الداير يفهمك صح بيفهمك ،، وزي ما هو ممكن يفهم تصرفاتك غلط ممكن يفهمها صح !،،،، سكتتت وبفكر في كلامو ،،، قال لي صدعتي لي راسي ده قومي نومي ،،، قلت ليه معليش تصبح علي خير قال لي تلقى الخير يارب💕،،دخلتا الغرفه و كلام ابوي حسيتو جاء في وقتو ،، من حقي اعرف السببب بس ما من حقي ارجع لطرف ده تاني ،،، فتحت الواتس لقيت مافي موضوع شوفته الاستوريهات جاتني الاستوري حق فيحاء كانت عامله اسكرين لي استوري وكاتبه عليها وعيناي؟؟؟!!!،،، قريت الحاله مرة واتنين وتلاته نفسها اي والله نفسها حقت مازن معقوله صدفه رسلت لي ميعاد قلت ليها اعمل اسكرين للحاله حقت مازن ،، قالت لي ليه قلت ليها بس اعملي فعلا عملت ورسلتو لي ،، ما فهمته حاجه يادوب اذكرت كلام ايناس رغم اني ما كنت مصدقه بس هسي لو ما صدقته اكون غبيييه ،بس هو بيناتهم شنو ؟؟ واذا هم بحبو بعض ف ليه اتغيرو علي ،،، قلت الفارغه دي متين تنتهي ،،، لمتين ح اكون في الدوامه دي من جهة عايزه اعرف ومن جهة خايفه انكسر ،،،،💔،،، الليل كل افكر وافكر في حركاتهم صحيت الصباح كان عندي محاضره واحده حضرتها سريع سريع وانا مركز تفكيري بس فيحاء بعاين ليها مراقبها،، وهي كم مرة قبصتني بس ما كنت بكسر عيني ،،بعاين ليها ،،لمن انتهت المحاضره جات سلمت علي قالت لي مالك الليله ،،؟؟ قلت ليها مالي ،، قالت لي من قبيل بتعايني لي ،، قلت ليها اي عادي ضايقتك!!،، عاينت لي مسافه تاني قالت لي لااااا اكيد في حاجه مزعلك وانا ما دايره انكد علي نفسي ،، عموما ح تمشي البيت ولا ح تقعدي ،، استغربت في سوالها بس قلت ليها بعفويه لاا طالعه طوالي الليله خطوبة اخو ميعاد ،، قالت لي ايوااا لااا تمام ،،، وفاتت علي كدا ،، فعلا طلعت ،، منتظره المواصلات اليوم ده بذات مافي مواصلات انتظرت مسافه ،، تلفوني اتصل لقيتها ايناس قلت دي ماله كمان ،،، قلت ليها اي يا إيناس قالت لي وين انتي قلت ليها في الموقف مافي مواصلات ،، قلت لي تعالي الجامعه سريع ،،قلت ليها ليه ما بقدر ياخ ،قالت لي بس انتي تعالي ،، قلت ليها حاجه ضروري قالت لي اي ،، رجعت الجامعه وانا زهجانه اصلا من امبارح قافله معاي ،،،اتصلت ليها وين انتي قالت لي تعالي في القاعه اتنين !!!،، قلت ليها ايناس حرام عليك ياخ ما تقولي لي في شنو وخلاص قالت لي تعالي تعالي بس ،، طلع فوق وانا علي اخري ،،لاقتني قلت ليها اها قالت لي تعالي مسكتني من يدي وبدل ندخل بالباب القدام دخلنا بالباب الخلفي ،،، قالت لي شوفي ديل منو ؟؟؟؟ دققة النظر لقيتهم الاتنين الما بيغبوني مازن وفيحاء مع بعض، ،، و لااا وقاعدين يتونس ولا كانو ،،في انسانه في يوم حرقو قلبها 💔💔💔
#ڪِݪ شيء ڪِان يؤݪمني حتى ثباتي💔.
_______________
