دايره اتصل ب مازن قلت مافي داعي ،، ما قعدت دقايق سمعت صوت الباب، جريت جري ،،، وانا مقلقه و خايفه في نفس الوقت ،، عيني وقعت عليهو في سري قلت الحمد الله كويسس، ، يمكن بعاند فكرة اني بحبو بس متاكده تماما انو ليهو دور مهم في حياتي ،،،، رغم انو ما اتعرفنا في وقت طويل بس سبحان الله القدر يجمعني بيهو و احس اني متقبله وجودو معاي ،، لو زول جاء قال لي ده كلو ح يحصل ليك ما كنت ح ازعل علي مازن ولا علي فيحاء ولا علي اي زول بالجد ما عارفين ربنا الخير كاتبو لينا وين ،، ودي كانت فكرتي هو قدامي ،،ولمن حضني ،، جاتني ريحه غريببه ،، زي كأنو شميتها كتير قبل كدا بس وين ،، المشكله انو الريحه ما ظاهره شديد فما كنت قادره احدد ب
س القدرت احددو انو ده لي بت ،، والاكد لي اني محل اضاني بضبط حسيت بمكان كدا جاااف زي الكان فيهو مويه ؟؟؟؟ او حاجه بشكل ده ،، هو بتكلم معاي وانا ما سامعه هو بيقول في شنو،،، بحاول استنشق اكتر كميه عشان تجيني و اعرف اني شميتها ويين ،،فجأة جاتني صوررة ميعاد بطريقه قويه ،، اتنفضت منو ،، مع اني ما كنت متأكده ،، ف سالتو بطريقه هاديه عشان لو طلعت ما هي ولا واحده تانيه يكون سؤال عادي ، ،،بس هو سكتتت ما رد ،، سالتو تاني برضو، ، عرفت انو دي هي ،،، ف قلت ليهو كذب علي ان شاء ما تقول لي مشيت ليها ؟؟ ،، ما هانت عليك صح ،انا ما قلت ليك لو عايزهغ ليه ما عرستها ؟؟ لاا وكمان ماشي ليها في اول يوم لينا ؟؟؟؟ كنت حاضنها؟؟؟،،، ضحكت بين دموعي وانا بقول ليهو اتكلمت فيني انت وهي صح ؟؟ قلت عني غبيه صح؟؟ قلت ما بتفهم و ممكن الواحد يستغلها ما انت خلاص اخدت العايزو مني تاني تعمل بي شنو ؟؟ صرخت قلت ليهو طلقني بس طلقني ،، داير يجي علي جريت طوالي الغرفه دايره اقفلها حصلني ،، ما كان في حل غير الحمام وبصورة سريعه دخلت الحمام وقفلتو علي ،، دق الباب قال لي اطلعي نتفاهم ،، ما رديت وانا بس ببكي ،،، مرة يكورك يقول افتحي الزفت ده ومرة يهدأ ويحنس فيني، ، قال لي اطلعي يا نون خلاص كفايه علي الاقل ما تبكي في الحمام ،، ما اشتغلت بيهو ،،تميت بكيتي وانا لسه بفكر ،، هي وقت ما ميعاد دي عايزه جات حنستي ليه وما انا قلت ليها ما موافقه جات خلتني اوافق ليه؟؟؟؟،، مدخلانا في دوامه ما ح ننتهي منها اذا من اولها كدا هم بيتعاملوا بطريقه دي بعدين ح يحصل شنو؟ ما كان من البدايه في داعي للجوطه دي كلها ،،كدا كدا مصطفى ما بفرق معاي عند النقطه دي بذات وقفت طيب وقت ما بتفرق معاي زعلانه هسي ليه ببكي علي شنو ما يعمل الداير يعملوا؟؟؟ تاني قلت انا حتى لو هو ما فارق معاي العمليه العملها دي تزعل في النهايه انا مرتو ما بقدر اعمل غض بصر عن الموضوع، ،، غسلت وشي وطلعت ليهو ،، بس فتحت الباب كدا هو اندفع ودخل ،،مسكني من معصمي قال لي متين ح تفهمي كم مرة اقول ليك ميعاد دي ما عندي بيها شغله، ، الموضوع ما فيهو انو جاها كتم نفس بليل وهسي هي في المستشفى واتصلت خالتو سوسن قالت لي تعال لي ،؟؟ فما صحيتك ومشيت طوالي ،،، قلت ليهو جاها كتم نفس ؟؟؟ من شنو ؟؟؟ قال لي ااااا اممم احتمال عندها اصلاا ،قلت ليهو لاا ميعاد ما عندها؟؟؟ انت عارف ما عايز تكلمني ،، ما رد فكيت يدي منو وخليتو واقف ،، طلعت لي عبايه ،، جاني قال لي ماشه وين ؟؟ قلت ليهو ما يخصك؟؟؟ قال لي كيف ما يخصني اذا انتي كلك علي بعضك تخصيني ،، قال لي ماشه وين هسي ؟؟ قلت ليهو ح امشي اشوف صحبتي اذا انت مشيت فانا لازم امشي؟؟ قال لي مافي داعي بقت كويسه ؟؟ قلت ليهو ها اكيد ح تبقى كويسه بعد ما لقت اليد البطبطب عليها وتحضنها ،، عاين لي مسافه وخت يدينو في وشي ،،قال لي وهو بيحرك في وشي بتغير بتغير يا حلو ❤!!!!،،ما عندها علاقه بالغيره بس ماشاء الله الناس بتحضن من طرف ،،وانا ما بحب الحاجه المتاحه لي اي زول ،،، حمر لي بعيونو وقال لي تمام طول ما شايفه كدا فانا ح امشي احضنها بطريقتي ،،، وفعليا داير يمشي انا فتحت خشمي وبقيت بعاين ليهو ،،المشكله انو طلع وقفل الباب بوراهو، ،، زعلت زعل ،،وقعدت علي طرف السرير دي ما الحياه الورديه الكنت متوقعاها او مفتكراها ح تحصل !!! مع انو كنا حلوين لحدي ما جات ميعاد وخربت الموضوع فوق تحت ،،المفروض انا ما اشتغل بيها المفروض ما اتحمق وازعل ،،هسي سبب واحد يخليني اقول الكلام ده لي مصطفي مافي ،، كان قريت انو الزوجه هي البتحافظ علي بيتها لو عايزه يستمر ولا لاا ،،بس ده ما بيدل علي انو لازم الواحده ترجع حقها ،، وكلامي القلتو ده ردت فعل طبيعي ،،شلت تلفوني اتصلت علي ميعاد رغم حركاتها بايخ بس قلت في النهايه هي صحبتي لو ح تبقى كعبه معاي ،، اتصلت ما ردت واتصلت تاني ردت لي خالتو سوسن سلمت عليها وكذا وقلت ليها سلام قالت لي الله يسلمك ،، قلت ليها وين ميعاد؟؟ قالت لي ااااا ميعاد دي نايمه هسي ،،قلت ليها ايواا لاا تمام ،، وقفلت منها ،،جاني احساس انو ميعاد جنبها وما عايزه تتكلم معاي ،،قلت ميعاد دي من الناس الما عايزه اخسرهم ولا عايزه تكون صحبتها زي فيحاء ،، ف عشان كدا ح اطول بالي معاها ،،اتذكرت مصطفى، ،قلت عامل فيها بخون فكرت مسافه ،،جاتني فكره في،راسي ،،كبيت زيت و غسول جنب الباب وانا برش علي الارض قلت لو شافني زول بيقولو دايره تعمل عمل 😂↖️ ،، اتصلت لي مصطفى رد لي قلت ليه وين انت ؟! قال لي مالك ،،قلت ليهو ب صوت هامس في في زول دخل الشقه وانا ما عارفه منو الدخل و خايفه ،، قال لي كيف كيف ،، انا جايي خليك معاي في الخط اوعك تقفلي ،،نون ؟ نون ؟؟،، قفلت الخط قفلت تلفوني بالمرة ،،وبقيت بضحك ،، انتظرتو بس يجي ،، قبل ما يجي بشويه حسيت قلبي وجعني يعني يقوم هسي يقع يكسر كراع ولا يد بسبببي كدا ح اكون مبسوطه ؟؟ لااا طبعاا ،، كفايه عليهو الخوف الدخل فيهو ،، جبت المساحه ودايره امسح ،، في الدقايق دي مصطفى فتح الباب اول ما شافني من لهفتو جاء مندفع علي بسرعه ،،قبل ما يصلني الارض استقبلتو 😂،،، قعدت اضحكك و اضحك و اقول ما ضحكت منظرو هو في الواطه وبيعمل حركات بهلوانيه عشان ما يقع كان مضحك ،،،هو عاين لي ب غييظ واظن فهم الحصل ،، فقال لي لو ممكن بعد كملتي ضحك تساعديني!! قلت ليهو وانا بضحك تعيش وتاخد غيرها ،،مديت يدي ،، ف هو بكل قوة جراني عليهو جيت واقعه في الأرض جسمي ده اتكسر حته حته ،،قلت ليهو ما حاسه ب جسمي اتكسرت خلاص، ، ابتسم قال لي بطلي دراما ،، وبراك انتي البديتي ،،قلت ليهو بس انت الغلطت فيني ،، قال لي انتي مستحيل يكون فيك عقل ،، انتي عارفه انا كم مرة كنت ح اعمل حادث بسببك،، عارفه الشعور الجاني وقتها شنو! ولومت نفسي اني خليتك لو عايزه تنتقمي مني اعملي اي حاجه ولا تخليني اخاف عليك 💔 ،، براحه رفع نفسو ورفعني معاهو اتحركنا بكل هدوء ،، وصلنا الغرفه فك يدي و شال هدوم ودخل الغرفه، ، وانا قلبي واجعني ،، بس مافي داعي لحركات الشفع دي ، قبيل حااتي كانت بطاله لمن طلع و ما كلمني وقلقت عليهو ،، فما بالك يقول ليك الزول ده ممكن يموت او ح يتهاجم من طرف تاني ،، شغاله لي نفسي عويره عويره ،، ما بتفهمي و مستحيل تكبري ،، انتي بعد كدا اتززجتي ف مافي داعي للحركه دي ،،، مسافه ما جهزت الاكل،،، جيت اناديهو و هو متابع الكورة قال لي ما عايز ،، قلت في قلبي اووو عليك يا نون اها زعل بالجد الله يقدرك تراضيهو ،، قلت ليهو لو ما اكلت ما ح اكل قال لي معناها ما جعانه لو كنت جعانه ما ح تربطي اكلك ب زول ،، قلت ليهو علي اقل قدر اني جهزتو ليك ،، قال لي لو سألتيني قبل ما تجهزيهو كنت قلت ليك ما عايز ،،، ضربت ب كرعيني الواطه ،،، ودخلت لميت الاكل و انا زهجانه و منرفزه ،، قلت عامل فيها تعبان ده علي اساس بحبني، ، عملت قهوة لي نفسي ،، جيت قعدت جنبو ،، قال لي علي الاقل كان تعملي لي معاك ،،قلت ليهو لو قلت لي كنت عملت ليك ،، عاين لي كويس ، و اندمج مع الكورة ،، وفي اثناء ما بشرب ،، اخد من الكبايه وبدا يشرب ،، قلت ليهو بسس !! عاين لي بطرف عينو ،،، اتغظت ،،قلت ليهو ما معقوله ناس كبار كدا يجروا ورا كورة ،،، ما رد علي ،، قلت ليهو المشكله مش في البجروا ورا الكورة ،،المشكله في الناس العوره البتابعوا ،،،قلت الكلام ده وجريت وانا بضحك فيهو ،،، هو جاء جاري وراي قال لي لو بالجد مره اقيفي ،، قلت ليهو لاااا ،،، قلبنا الشقه فوق تحت لحدي ما مسكني قلت ليهو وانا بضحك وبتنهد من الجري خلاص معليش معليش ،،قال لي بلااا؟؟؟؟،،، قلت ليهو ما بتكلم والله احضر الكورة اصلا دايره انوم ،، قال لي وهو بيمسكني من خصري مش الكورة المزعلاك دي خليتها ،،قلت ليهو كمان ما بتخليها 😂 ،،قال لي مع اني بعد الكورة عندي ماتش حق مصارعه بس كفايه علي انتي يا سكرايه يا حلوه انتي ❤❤❤ قلت ليهو مصطفى قال لي من زمان كنت بقول ليك ده ما وقت مصطفى هسي جاء الوقت البذات اقول ليك ده وقت مصطفي ❤ ،، ضحكت ،، جراني من خصري عليهو قال لي جنب اضاني انا قلت بحبك ؟؟ هزيت ليهو راسي قال لي يبقى عيب علي ،،، و عينكم ما تشوف الا النور....
( الحب ده حاجه حلوة ولطيفه نسمه بارده بتنزل علي الروح وتنورها بيخلينا نشوف الحياة دي بزاويه تانيه ،، بيخلينا عاطفييين و في نفس الوقت هادين الحب لمن يتولد في قلوبنا بيقضي علي اي كراهيه اتجاه اي زول ❤ حبو عشان تنوروا مش عشان تنطفو ❤🌻)
__________________________
من جهة ميعاد
بعد ما مصطفى طلع جات خالتو سلوى ونظراتها كانت ناريه اتجاهي ما عارفه ماله معاي ...؟؟؟ فقالت لي سلامتك يا بتي ،،قلت ليها الله يسلمك ،، جاء مازن داخل و بعاين لي بغيظ قال لي كفاره؟ قلت ليهو الله يكفر سيائتك،،استغربت مالهم معاي ؟؟ عملت شنو انا؟؟ ف خالتو سلوى قالت لي امك يا ميعاد في داعي تتصل لي مصطفى ولدي ما كان تتصل لي ولدها ما عارفه انو مصطفى عريس ؟؟ في داعي تجيبو هنا ؟؟ ،، اتحرجت ودنقرت راسي ،، قالت لي عليك الله اتكلمي مع امك دي قولي ليها ما عشان بقينا نسب تتغير او تتعاملي بالطريقه دي البتحبيهو لي ولدك برضو بحبو لي ولدي ،، و كفرت لي تاني وطلعت ،، مازن قال لي ما عارف دايره تصلي لي شنو بس البتعملي فيهو ده كل ما منو فايده العرس تم وخلاص ،،، ما تفتكري بحركاتك دي مصطفى ممكن يخليها ؟، قلت ليهو كيف قادر تكون كدا ؟ مع انو لسه بتحب نون ؟ قال لي بقول ليك الحب ما ضروري نجتمع مع الطرف البنحبو في سقف واحد، ،،بس الزيك كيف يفهم الكلام ده ... وطلع علي كدا ،،، امي جاتني قالت لي هسي في داعي قلت ليك ما بتصل لي مصطفى قلتي الا تتصلي اها شوفتي عملنا مشاكل مع سلوى من مافي ،، غايتو جنك ده المشكله في اني بسمع ليك ،،، قبلت من امي وانا زعلانه كلهم شايفني غلط كلهم مفتكرين اني ممكن انسى مصطفى واحب مفتكرين الموضوع ده ساهل ...💔 بعد مسافه اتصلت لي نون ما رديت لانو عارفه نفسي في زعلتي دي ما ح اخلي كلمه وراي واردح ليها فعشان كدا خليت امي ترد تقول ليها اني نايمه يمكن امي سألتني مالك مع نون قلت ليها لاا ما عندي معاها حاجه بس براي ... فكرت في احداث كتيره في رأسي ،لحدي ما جاتني فكره يمكن اخسر فيها وممكن تكون أكبر مكتسب بالنسبه لي المرة الفاتت كان في مازن المرة دي لازم اضرب حسابتي كويسسس ....
( ما ضروري من الله خلقك تكون انسان خبيث او خسيس ،، مرات الخساسه دي بتكون ناتجه عن معاناة انت مريت بيها ف ده رده فعل طبيعي ...
__________________________
