من جانب ميعاد
نزلت صور العرس حقت نون و مصطفى و محمد وشهد، ،، و انا مع كل صورة بشوفها ليهم في حاجه جواي بتتكسر احساس انو ده مكاني انا المفروض اكون بدلها ،، من ضمن الصور كان مازن مصور وشو باهت ،،من غير ما افكر رسلت الصوره لي نون ، حتى الكلام الكتبتو ليها من غير تفكير بس الغيره هي الكانت محركاني، ، ظهر لي الاستلام بس ما ردت علي ،،انتظرت انتظرت ،، منتظرها متين ترد ،،بس اتصل بي مصطفى ،،، خفت و اتوتردت توتر ما عادي ،، رديت ، طوالي بدا يشاكل فيني ،،في نص كلامو قال عايزه مننا شنو ؟؟ قربت قول ليهو ما عارف انا دايره شنو ؟؟؟ ما عارف ولا متاجهل مشاعري ؟؟، انت حتى ما رعيت لي اني بت اهلك،؟،،، واصل وقال نون بقت ما زي زمان وحاليا هي مزوجه ،، في اللحظه دي بذات كرهت نون كره، ،مافي داعي تكلم مصطفى ،، كان ترد لي هي ؟؟؟ سببب واحد يخليها تكلم مصطفى مافي غير انها عايزه تثبت ليهو هي الكويسه وانا الكعبه ،، اتقبلت كلام مصطفى بنفس هاديه ،،وفي نفس الوقت حقدي علي نون بيزيد لانها واضح انها مفهماهو حاجه تانيه ،،، بعد ما قفل ،،، رميت التلفون ،، اي ما كان ارسل ليها الصورة بس هي كمان ما كان تكبر الموضوع...من مكاني مشيت لي ابوي قبت ليهو انا عايز اشتغل ؟؟ قال لي تشتغلي ؟ قلت ليهو اي ،، قال لي انا من زمان بقول ليك اطلعي اشتغلي ،،قلت ليهو يعني موافق ،،قال لي اكيد يا بتي ،،قلت ليهو طيبب انا عايزاك تقول لي مصطفى ميعاد ح تشتغل معاكم ،،،قال لي مصطفى؟؟ بس انتي قاريه it هو شركتهم للايراد و التصدير دي غير انها في بورسودان!!! قلت ليهو بالعكس يا ابوي مجالي هو الح يفيدهم اكتر ،، وبالنسبه لي بورسودان ف هم شغالين هنا ك مركز وهناك استلام الشحنات ،،ابوي فكر مسافه قال لي بكلمو ليك نشوف البيحصل... قلت ليهو طيبب عارفه مصطفى ما بيرفض لي ابوي طلب ..
____
مصطفى ضامني عليهو مفتكر اني نايمه، ،بس انا بعد كلام مع ميعاد دي تاني ما نمت للصباح راسي يودي و يجيبب،،،، اتخيلت شعورها وهو منفعل فيها،، مصطفى اخد الموضوع بصورة شخصيه شديد ،،فكرت كدا قلت الواطه تفتح شويه اتصل بيها ،، حسيت بيدين مصطفى بضمني عليهو اكتر ❤ ،، حسيت بشعور الاحتواء ما لقيت نفسي غير اني نمت ،،تاني ما صحيت الا بصوت مصطفى ،،قال لي نون ؟؟،، همهمته ليهو بمعنى انا خلاص صحيت ،،قال لي مع اني ما عايزك تصحي وعارفك مساهر الليل كل ،،بس العصر جاء وانتي لسه نايمه، ، قمت مخلوعه قلت العصر ؟؟ قال لي اي ،،ليه مالك ؟ منتظره حاجه ،، قلت ليهو لااا ،،قال لي طيب يا ستي مافي زول ماخد فيها حاجه اكلي وتاني تعالي نومي ،،مع اني اشتقت ليك ،، عاينت ليهو ب استغراب كيف اشتقت لي وانا معاك ،، ابتسم قال لي الحاجه الما عارفه انو انتي قدامي بشتاق ليك فما بالك تكوني نايمه ؟؟؟ ❤ ،، سكتتت ،،قلت ليهو اااا امممم تلفوني وين ؟؟ قال لي تلفونك ؟? عايزه بيهو شنو ؟ قلت ليهو لااا بس يعني وين ؟؟؟ عاين لي مسافه قال لي بالنبسه لتلفونات ف انا ح اغفلهم الاتنين ،، و الداير يموت يموت و الداير يحيا يحيا ،، في الفترة دي ما عايزين زول يشغلنا ،، بالك يكون معاي وانا بالي اصلا معاك ،،،قلت ليهو ما منطقي طبعا قال لي لا منطقي ،، رفع تلفوني و تلفون و غفلهم،، قال لي كدا غفلتهم نشوف البعديهو ،،قلت ليهو البعديهو ،،قال ما نحنا عندنا بعديهو وبعديهو و حلاوة موزعه كمان❤❤❤❤
فعلا مرة تلات اسابيع ،، ونحنا مع بعض لا زول جايب خبرنا لا نحنا جايبين خبر زول ،، في الفترة دي بذات ممكن اقول شبه نسيت حياتي القديم، ،و اتعودت علي مصطفى في الصغير قبل الكبيره ،، قبل ما احتاج ليهو بلقهو قدامي ،، في كل مرة بحسد نفسي عليهو ،، ده الحظ البيقول عليهو حظ الغفله ،، يجي ب كميه في وقت انت بالجد محتاج ليهو 💜،،،، بذكر ميعاد كتير و بزعل تاني بقول هي الحنستني ،،،،في تلاته اسابيع دي اتعرفت علي مصطفى اكتر و اكتشفت فيهو صفات تانيه ،،انو من نوعيه الناس الحنينه بس كمان صعبه في حقها ،، طيبانه بس حقانيه ،،،، مسوؤله و بتفكر في الحاجه الدايره تعملها ميته مرة وتحسبها صح ،، و لحوحه كمان ،، في اليوم المفروض نرجع فيهو،،قال لي نفسي نقعد هنا اكتر بس مافي طريق و الشغل واقف علي ،،، بس اوعدك كل بعد فترة نجي هنا نبعد من مشاغل الدنيا ونجي مع بعض ،،، قلت ليهو ما هو انت لازم تجيبني هنا كل مرة ،،قال لي انتي تامري يا ستهم ،،قال لي ح نمشي الشقه الفوق بيت ناس امي لانها خلاص اشطبت ،، قالت ليهو يعني خلاص ،،قال لي ايواا ....
فعلا رجعنا بعد ما ودعنا البيت ركن ركن، ، وانا طالعه بذكر جات مطره شديد وقلت لي مصطفى الا نطلع فيها ؟؟ قال لي بيضربك التهاب ،قلت ليهو بس انا عايزه اطلع فيها قال لي خلاص تخف شويه ونطلع ،،قلت ليهو طيبب ،،فعلا بعد ما خفت طلعت برا اللعب و اقول ما لعبت هو عاين لي قال لي شكلي اتغشيت و عرست شافعه ح ارجعك لي اهلك ،،،، طبعا هنا وقفت لعب ،،
