وقفت بعاين ليهم من بعيد لحدي ما مازن قام وايناس،شغاله لي شوفتي كلمتك وانتي ما صدقتيني اها كدا صدقتيني ولا لسه عندك شك ،،زحيت من جمبها وجريت دايرة الحق مازن قبل ما يطلع اتلفت يمين شمال مافي طلعت طوالي لي بره وانا محموقه ناديتو ،، وقف و قبل علي زي الكان بفتش لي،، وقفنا مسافه نعاين لبعض ، كل زكرة في راسي ليهو جاتني في اللحظة دي ،اتمنيت انو العلاقة بيناتنا تستمر وما نصل للنقطة دي ،،💔 اتمنيت يفضل في حياتي و يبهجها زي ما كان بعمل بس دي كلها امنيات بتدرج في مفهوم ياريت و ياريت، ،، قربت منو قلت ليهو ليه ؟؟؟؟ لو بتحبها كان تقول لي ،، لو عايزها كان توريني صدقني انا بزات نفسي كنت ح افرح ليكم ،، وريني انا عملت ليك شنو؟؟ ليه استغفلتني بالطريقه دي ،،،ياتو يوم انا يا مازن غلطت فيك ،،ياخ انت لو كنت عايز عيوني كنت اديتك ليهم ،، عارف انا ما زعلانة عليك زعلانه على نفسي على كل لحظه ضيعتها فيك على مشاعري الراحت عابره ساي ،، عاينت ليهو مسافه و دموعي لا اراديا نزلت ،،، قلت ليهو عشانها هي جرحتني ؟؟؟ بكيت بسببكم ليالي ،، وانا بتنهد من الزعل ،،💔 حرقتوا قلبي ،،، ياخ لمن عملت الحادث انا ما ركزت مع كلامك ومشيت ليك ما عشان انا ما بزهج او زي ما فكرت فيني ،،بس وقتها ما عملت حساب لي أي حاجه و جريت ليك جري ،،، بس انت عملت لي شنو ؟؟ جاتني كيف ؟؟؟ خيانه.. غدر.. كذب ولا بتحمل الغلط كلو علي ،،، يااخ ما تخاف ربنا انت ،، ؟؟؟ ،، على العموم اظن بعد ما عرفت السبب تاني سبب واحد يخليني افكر فيك مافي وإن شاء الله فيحاء تنور ليك ان شاء الله تهتم بيك زي ما كنت مهتمية بيك ،،ان شاء الله تقدر تحبك ربع الحب حقي ليك ،،، داير يتكلم ،،قلت ليهو مازن عليك الله ولا كلمة انا ما مستحملة ،،، وطلعت طوالي حاسه في نار لسه جواي ما انطفت 💔 الموضوع ده اكبر من انو يعدي بالساهل كدا ....
__________________
من جانب مصطفى
وقفت قصاد ميعاد، ،، وانا ما عارف ابدا ليها الموضوع كيف فقلت ليها ابدي يا ستي، ،، سكتت وهي مدنقرة رأسها،، فهمت البدور في رأسها معناها ميعاد قررت تعترف لي دا المستحيل اخليهو يحصل، ، فقلت ليها بطريقة سريعة انا في واحده في حياتي ،،، رفعت رأسها طوالي ملامح وشها كلها اتخطفت ،، قلت ليها مالك ؟،، عادي يعني ما انا زيي زي اي شاب بتكون في واحدة في حياتو ،،عملت نفسي ما فاهم ولا عارف مشاعرها اتجاهي ،، سكتت مسافه قالت لي طيبب عرفني عليها ،، هنا انا السكتة.. بقيت متردد اوريها ولا لاا خفت على مشاعرها بس تاني قلت ما هي لو طال الزمن ولا قصر ح تعرف ،، قلت ليها بصراحة انا عايز نون ،، قالت لي نون ؟؟؟؟ ،،قلت ليها اي نون صحبتك ،، في اللحظة دي حسيت الارض دي بتدور ليها زي كأني رميت صخره و عملت صوت عالي ،،، بقيت شغال لنفسي اتسرعت اتسرعت ،، قالت لي بس كيف ؟؟؟ قلت ليها والله يا ميعاد زاتي ما عارف كيف بس دي حاجة خارجة عنإرادتي ،، ، هنا هي انتفضت قالت لي خارج عن إرادتك انت نون دي بتعرف ليها شنو؟؟ شوفتها متين لمن حبيتها ؟؟ ما هندي انا من صغيره قصداك ليه ما حبيتني ليه ما شوفتني 💔 ،،انا كنت منتظره منك نظره واحده نظره رضى ،، طلعت انت بتحب صحبتي ولا ما لقيت غير نون ،،، آخر انسانه اتوقع تقول كدا ميعاد بطبيعة الحال شخصية انطوائيه وبالذات اتجاهي فكيف قدرت تقول الكلام دا ؟؟؟،، قلت ليها المشاعر ما بيدناا ،،، قالت لي لا ما هي واضح ما بيدك ،،،دايره تمشي مسكتها قلت ليها ساعديني نون رفضتني عشان انتي صحبتها !!!،، قالت لي وكمان اعترفت ليها ؟؟؟؟ يعني اليوم داك كنتو مع بعض ،،، وكذبت علي ولا قالت لي امشي اعترفي ليهو وهي عارفه انو مشاعرك انت ليها هي ،،، استخفت بي ،، قلت ليها لاااا ما تفهمي غلط نون ما استغفلت ولا استخفت بيك نون هي القالت لي شوف واحده تستاهلك واظن كانت بتحلم ليك ،، ما ردت علي بس حسيت ملامحها شويه راقت بعد ما كانت متعصبة، ، قلت ليها اها ح تساعديني، ،، قبلت علي قالت لي انا ما شوفت زول بجح بالطريقه دي دايرني اساعدك ،،،ياااخ انت مافي رحمة في في قلبك ما بتحسس ،،، كيف اساعدك وانا لحدي هسي الصدمة ما دايره تطلع مني ،،، بطل انانيه و ما تفكر في نفسك وبس فكر في غيرك.... ومشت خلتني
____________________
رجعت البيت وانا حتى الخطوبه ما كان عندي طاقه امشي ليها فاعتذرت لميعاد رغم إنها ما رضت بس تاني قالت لي تمام يا زوله ،،، كنت عايزه احكي ليها اللعبة ا الكانت بوراي، ، بس قلت هسي بتكون مشغوله مع الخطوبه احسن بعدين اتصل و اوريها رقدت في السرير و انا بعاين في الشقة و الاحداث تطاقش قدامي ،،، كميه استغفال انا كنت عايشه فيهو ،،،، حللو وضربة الموضوع في رأسهم واتفقوا علي ،، مفتكرين اني ممكن اخرب علاقتهم بس هااا كنت ح انبسط رغم اني ح ازعل بس دا ما يدل على إني ح اتخذ اتجاهم موقف حازم ،، من البكى رقدت نومت
# آمنت يادوب انو الحياة دي عادلة و شديد كمان على قدر الايام الكان مازن فيها معاي وااي كنت مبسوطة بيهو على قدر ما انا موجوعة منهم 💔
صحيت مخلوعه عاينت لتلفوني لقيت الساعه 10 قلت خلاص بكونوا ناس ميعاد جو،، واتصلت ليها وانا جواي براكين من الخذلان وراي عايزة زول يسعدني و يطبطب يأكد لي فكرة إنهم هم الخسروني ،، اتصلت و اتصلت بس ما ردت انتظرت شويه وتاني اتصلت ،، بس برضو رسلت ليها في الواتس ما اشتغلت بي قلت ميعاد مالا كمان ،،رسلت ليها ريكورد ميعاد محتاجه ليك ،، الغريبة إنها فتحت الريكورد ما ردت ،،، استغربت بس تاني رسلت ليها ميعاد ؟!كان طلعت ،،، رميت التلفون و زعلت اكتر و انا ما عارفه نفسي ازعل على شنو ولا على شنو ؟؟؟ ،،، ابكي و اقول ما بكيت صحيت الصباح عاينت لتلفون ميعاد ما رجعت لي ،، كان عندي محاضره ما مسيت قعدت في البيت و اريتني لو ما قعدت امي جاتني قالت لي بما إنك الليله فاضية فأنا عندي معاك موضوع قلت ليها امي وعايزه اعترض قالت لي لاا تسمعيني،،، خالتك سوسن جاتني هنا وقالت سلوى ناس شهد دايراك لي ولدها مصطفى لو وافقنا ح يجوا يتقدموا،، قلت ليها امي ما موافقه ،،قالت لي يا بتي بسم الله متين هو ؟؟؟؟ استهدي بالله كدا وفكري براحه قلت ليها امي ما عايزه افكر انا ما موافقه قالت لي لاا تبقي هبله و غبييه ،، ترفضي من اول مرة كدا لاا وريني السبب شنو؟؟ ،، مافي سببب والله قالت لي تمام مافي داعي ترفضي ،،قلت ليها امي قالت لي ح اديك يومين تفكري ،، طلعت ولا اتفاهمت معاي زاتو ،، في قلبي قلت لو قعدت افكر سنه لقدام جوابي واحد ،، تلفوني اتصل اتفاجأت بالمتصل .........
تاني يوم مشيت الجامعة اول ما قابلت فيحاء بعد ما سلمت علي وكذا قالت لي شايفه وشك منور قلت ليها كيف ما ينور وانا و مازن رجعنا لبعض ،،، قالت لي شنووووووو ،، قلت ليها مالك اتهجمتي كدا عادي رجعنا لبعض ❤ قالت لي مستحيل طبعا تاني سكتت شكلها فكرت قالت في سرها بصورة مسموعة وانا اقول متغير علي ليه ....
*ماذا فعلت بـ قلبي كي أتمناك لهذا الحد💔؟!*
