فما اوصيك ب نفسك و ما اوصيك ب اخوي ... مع كلمه ب اخوي دي سمعنا صوت جهور وعالي نسبيا ومخيف بيبين غضب الزول الاتكلم فما كان ده غير مصطفى هو بيقول بيقول لااا حلو ممكن افهم كلامك ده بيدل علي شنو ؟؟؟..
وجود مصطفى قدامنا او قدامي انا بذات خلاني ما قادره اقيف علي كرعيني ده غير اني ما قادره اشيل نفسي ،،ودخلت في دوامه طويله عريضه ياربي سمعنا ولا ما سمعنا لو كان سمعنا الح يحصل شنو؟؟؟؟ ،، قرب مننا اكتر قال لي بتكلم معاكم انا ؟،، مازن حاول يخلي الموضوع ظريف او لطيف قال ليهو مالك يا مصطفى؟؟؟ عادي كنت بوصيها عليك ،، لاني مسافر وعايزها ما تزعلك وكذا ،، وزع نظراتو علينا قال لينا ده هو السبب المليك موقفها هنا ،،قال ليهو اي والله ،، امممم سكتتت شكلو بيفكر ،، وعلي الاكيد انو ما سمعنا لانو كان قوم الارض وقعدتها ،،، ف مصطفى قال ليهو برضو ما كان توقفها او اقول ليك ما تقيف معاها وربنا يوصلك بالسلامه ،،مسكني من يدي بقوة وطلعنا فوق ،،،بعد ما دخلنا شقتنا قال لي المرة الفاتت لمن شوفتكم مع بعض قلتي ما بتعرفيهو هو قال لي سالك من بت ،، وهسي شايفك تاني مع بعض حكايتكم شنو انتو،،قلت ليهو مصطفى ما كدا !!! وبعدين انت بتشك فينا ؟؟؟؟ ما ردت قلت ليهو طيب لو بشك فيني فنحنا ما ح ننفع مع بعض ،،قل لي فوق ما انتي غلطانه ،،، جايه تقولي كلامك ده ؟؟؟؟ قلت ليهو انا ما ح اقدر اتحمل نظرات الاتهام دي او الشك ،، قرب علي اكتر قال لي افهمي افهمي اني بغير بغير يا نون عليك انا لو علي مش النفس ده اقول ليك ما تتنفسي ،،، ليه ما عايزه تفهميني ،،، قلت ليهو انا فهماك بس انت الغيرة ،، ما خلاني اتم كلامي ،،قال لي ما انتي لو فاهماني بالجد ما كنتي بتقولي لي اني بشك فيك نون في فرق بين الغيره والشك ،،قلت ليهو الغيره بتولد الشك ،،قال لي الغيره لا بتولد الحب وانا كل يوم بحبك اكتر ما متخيل حياتي من دونك ،،، و حضني بطريقه قويه كاني ح اختفي من قدامو ❤،، ما قدرت احاوط يديني او اقرب نفسي ليهو ،، مع انو انا الغلطانه و المظلمه في الموضوع بس اخدت شلت الحكايه بعزة نفس شديد ،،بعديها قال لي هسي انا ما عايزه حاجه تخرب علينا و كفايه انك ح تجبي لي اجمل بنوته،.... ❤
#بعد مرور سنه .ونص.....
السنه دي مرت بخيرها وبشرها فيها حاجات كتيره حصلت ومفاهيم اتغيرت ،، ونظرتي للحياة اتغيرت ،، ولدت جبت لي بنوته وسمينها ألين،،،، في السنه دي ما ح اقول معاملتي مع ميعاد اتغيرت لا زي ما هي حاولت كذا مرة اكون معاها كويسه بس ما نفع حاولت نرجع زي زمان بس الحال في حالو، ، وبالنسبه لي مازن من اليوم داك سافر ،، وريم رجعت لي راجلها بعد ما حنست مصطفى وافق ليها ،،بكتب في الكلام ده وانا شايله بتي ألين ،، كل ملامحها ابوها ،،يمكن عشان اسام الحمل كان مدلعين شديد فبتو طلعت نسخه من ابوها ❤ وشهد حامل في الشهر الخامس ،، و ساره اختي عرست ،، طبعا تفاصيل عرسها كانت عباره عن مصطفى ما تعملي ما تشيلي مبيت برا البيت مافي الا امي اتكلمت معاه ،،،الحياة بيناتنا كانت مستقره شديد و ما ح اقول اني ما حبيت مصطفى لااا مصطفى زرع حبو شويه ب بقوة ❤ ،،، الليله مصطفى جاي وعاملين ليهو كرامه وانا بلبس في الين قلت ليها ما تغلبي ماما ألين ،،،بعد ما لبستها طلعت بيها برا قلت ليهو بتك دي استلمها عشان اقدر اغير هدومي، ، قال لي جبيها لي يا عمري يا حبيبت بابا انتي ،، قلت ليهو اي ألين ليها الحب كل ،،ضحك و بيدو جراني عليهو وركز انفو مع انفي قال لي لااا ما انتي شلتي المحبات كلها لو كنت بحب بتنا دي فان بحبها عشان هي منك ❤،،، سحبت نفسي منو و دخلت الغرفه قلت ليهو لو قعدنا انا وانت ما ح نطلع ،، قال لي انتي،مستعجله ليه مافي زول فارق معانا ،،قلت ليهو معقوله ما مشتاق لي اخوك ؟؟ ياخ انتي ايام سفرة كل يوم تتصل بيهو لو ليك مراد تسافر ليهو ...
التغيرات النسبيه بتحصل، ، بيقول البعد محنه، ، وسفر مازن جاء،في،وقت عشان طول ما هو ما موجود كنت طبيعي مركزه مع مصطفى، ،، ده غير غضبي من مازن خف شويه ،،، بذكر ايام الولاده مصطفى ده خايف اكتر مني ،، بس تاني بعد ما شاف ألين الخوف كل راح ،، قال لي بعد تعبك ده كل انا ح اكتفي ب ألين ولا اخليك تتعبي التعب ده ،،ياخ حرق اعصاب والله ... وانا بذكر مصطفى ناداني قال لي لسه قلت ليهو لاا قربت ،، قال لي خلاص ح انزل انا والين لانو مازن شكلو جاء قلت ليهو خلاص ،،،بعد مسافه خلصت ونزلت ليهم ،فعليا كان موجود وشايل ألين وهي تبكي، ، مصطفى قال ليهو جيب جيب بتي دي ما تبكيها لي قال ليهو بتك ما هي بتي و العم والد ،،قال ليهو لاااا بتي الحلوة دي ما عندها ابو غيري ،،، جيت سلمت علي مازن بس ما صافحته لانو من البدايه مصطفى رسل لي نظرات ناريه ،،، اتبادلنا الانظار من بعيد وقدرت المح الشوق في عيون مازن بس نزل عينو سريع ... تاني انشغلنا في موضوع الكرامه و القومه والقعدة، ، و اهلهم اهلهم كلهم جو ،، خالتو سلوى قالت لي ما تشتغلي انتي امسك بتك وقعدت قلت ليها لاا مامشكله بتي مع ابوها، ، المهم في اليوم ده تعبنا في نهايه اليوم جات ميعاد ،، شكلها اتغير وخاصه اني لي زي شهر ما شوفتها وبقت ما قاعده تجينا ما عارفه بس حاسه انو مصطفى اتكلم معاها ...
وانا في المطبخ ،، حست ب قبله بجيني في خدي اتجهمت وقبلت ب سرعه قلت بيهو مصطفى هجمتني قال لي امممم،، مفروض ما تتهجمي لانو مافي غير بيقدر يعمل كدا ،،، قلت ليهو طيب اطلع ما صاح هسي يجي زول فينا قال لي ما يجي ،، وبعدين تعالي هنا ،،، قلت ليهو لااا امشي امشي ياخ ،، قال لي طيبب بس لازم الزول ياخد تصبيره ؟؟؟ و من غير ما فهمه قرب مني ..❤ قطعت علينا صوت همهمه بعدت عن مصطفى سريع وانا خديت يدي في شفايفي، ، ميعاد عاينت لينا بنظرات قويه ومصطفى بادلها النظرات نظام اها دي مرتي .. وانا محروجه بعديها طلعت... وانا طلعت وراها الموقف في حدي نفسو كان مخجل
.. جاني فوق علي لي ماتزعلي نفسك ،، قلت ليهو غلطانه نحنا يامصطفى، ،قال لي ما تشتغلي ب زول ..،،قلت ليها امممم عايز اقول ليك اني عملت ليك حاجه بتحبها قال لي بالجد شنو هي ،،قلت ليهو امممم اوريك ليها ،،هسي قال لي اي اي سريع مع انو مافي هديه اغل منك ،،قلت ليهو ااااا،، جايت شايله ليهو هديه ،، سمعت صوت هو بيقول استهدي بالله جاي جاي اهدي اهدي ... وطلع من غيرم ما يفهمني .... 💔
____________________
