ميعاد ما ادتني فرصة افسر ليها موقفي و احكي ليها الحصل قفلت فيني الخط ،، وانا دموعي كملو معاها ،، كل كلمه بتقولها كانت زي السوط بنزل علي ،،،،حاولت ارجع ليها مرة واتنين و تالته ما ردت ،،كلامها صح انا ما بفرق عن صحبتي فيحاء، ، اذا انا عارفه كل مشاعرها اتجاه مصطفى مع ذلك وافقت ما مبرر اقول اني اتحمقت لاني كان ممكن اتحمق على اي حاجه ما ضروري اتحمق في شيء بتحبو صحبتي وانا مقتنعه انها بتحبو لا هي حفظاهو حفظ ده حلم طفولتها وصباها و كبرها ولحدي ما تموت ح يكون جواها ،، اذا هو ما قدر مشاعرها انا ليه ما قدرتها دي صحبتي و اقرب قريبه مني ،على قولها هي عملت لي شنو عشان انا اتعامل معاها كدا ؟؟ ،،، تلفوني اتصل رفعت بلهفه على حس هي رجعت لي بس لقيت المتصل رقم غريب وعرفتو ده رقم مصطفى ،، ختيت التلفون وانا بتنهد من البكى قلت ده ما وقتو بس هو فضل مصر انو يتصل ويتصل لحدي ما رديت ،، قال لي مش بتصل بيك ليه ما بتردي؟؟ واتصلت ليك قبل لقيت رقمك مشغول كنتي مشغوله وين ؟؟؟،،،، انفعلت فيهو طوالي قلت ليهو انت عايز مني شنو ،،؟؟ انت غبي ما بتفهم؟؟ مجنون ياخ انا ما عايزاك بكرهك بكرهك يا ود الناس عليك الله خليني في حالي ،،بسبببك خسرت صحبتي تاني داير مني شنو ،،،؟ خليني شوف غيري انا الفيني مكفيني ما عارفه انت طلعت لي من وين ،،،، اخدت نفس وسكت ،،هو قال لي صوتك ده مالو، ،، اتخيلو بسس انا بتكلم ود كل ما فرق معاهو قلت ليهو خلي صوتي مالك ومالو ؟؟ قال لي بتبكي انتي صح؟؟؟؟ بتبكي ليه الحصل شنو ،،؟؟؟ زهجت منو يااخ قفلت الخط فيهو ،، رجع لي تاني وتالت ،، قفلت تلفوني ،،، ما عرفت تاني الصباح جاء،كيف ،،بس طلعت من البيت من غير ما اقول لي امي ماشه ناس خالتو سوسن عشان عارفاها ح تقول لي لااا فطلعت براحه ومشيت ليهم ،،، دقيت الباب ،،،فتحت لي خالتو سوسن قالت لي الحمد الله جيتي في وقتك ميعاد دي من امبارح قافله على نفسها باب الغرفه شوفيها مالا يا بتي قلت ليها طيبببب 💔💔،، دقيت بابها ،، قلت ليها بصوت مهزوز ميعاد دي انا نون ،، ما ردت بس قلت ليها عليك الله افتحي ،، فتحت لي بعد مسافه ورجعت سريرها ،،قفلت الباب وراي وعذرتها كان وشها شاحب شحوب الاموات كانو مات ليها زول عزيز عليها قعدت جنبها في السرير ،،قلت ليها ميعاد؟؟ ما ردت بس عاينت لي بنظرات عمري ما ح انساها ما كانت مكسوره وبس الزوله دي مجروحه مني واضح الجرح عميق لدرجه عيونها اختفوا من شدة البكى ،، قلت ليها امبارح ما اديتيني فرصه اتكلم بس انتي شكلك ما بتعرفيني كويس ؟؟ وشكلك ما بتعرفي انو الصحبه دي عندي اهم نقطه ،، واذا مشكلتك مصطفى او يعني مصطفى ح يعمل بينتنا خلاف ،، فيطير مصطفى ونطير نحنا زاتنا مش مصطفى ده لو بقى اخر راجل في العالم انا ما ح اتزوجو، قالت لي ههه بس ده ما كلامك القالتو امك انك مواقفه ،،قلت ليها والله يا ميعاد كان حصل لي ظرف خلاني اوافق هو انو ... حكيت ليها السبب الخلاني اوافق ،،، قالت لي شايفه ده سببب؟؟ قلت ليها يمكن بالنسبه ليك ما سبب بس عشان معزتك عندي وإني مستحيل اعمل حاجه توجعك انا ما ح اعرس مصطفى و ح الغي اي حاجه ،،قالت لي تقدري؟؟ قلت لهيا فداك يا ميعاد اي حاجه تروح وتفضل ميعاد معاي،،،، و حضنتها قعدت تبكي قالت لي انا بعرفك كويس وعارفه انك ما بتعملي حاجه بتأذييني بس انا زعلانه لانو مصطفى ما شافني انا ؟؟ وريني انتي زايده عني في شنو ما انا وانتي نفس المستوى ليه يحبك انتي في حين انتي ما بتحبيهو وانا بحبو و بتمنى قربو ،،قلت ليها ميعاد القلب ده ما بنجبر على انو يحب منو و ما يحب منو دي ما حاجه بيدنا، ،قالت لي طيب هو ليه ما متقبلني ،؟؟ انا القهرني انو عارف اني بحبو و متعامل مع الموضوع كأنو ولا حاجه بالنسبه ليهو ،،قلت ليها اهدي اهدي يا ميعاد وقعدنا انا وهي نبكي مسافه، ،، في الوقت ده كرهي لمصطفى زاد اي شيء ولا صحبتي ،،،بعد
ما بكينا قعدنا نطبطب على بعض ،، وممكن النفوس بيناتنا شويه بقت رايقه بس ميعاد بتعاين لي بتركيز كأنها دايره تعرف الفيني أحلى منها شنو زايده عنها في شنو ؟؟؟ بعد مسافه اتذكرت إني ما مكلمه امي لو عرفتني بتعلق مشنقتي قلت ليها يا يا مييعاد امشي انا بعد كدا ، طلعنا انا وهي جنب الباب وقفت قصادنا عريببه وعينك ما تشوف الا النور كان ده مصطفى
اشر لي نظام اركبي ،،، عملت فيها ما شايفهو قلت لي ميعاد مع سلامه لي بعدين طيب،، ما ردت لي بس كانت بتعاين لي مصطفى وقالت لي شوفي مصطفى عايزك قلت ليها ميعاد الموضوع ده حسمناهو يلا يلا باي ،،،، مشيت طوالي هو كان داير ينزل لمن شافني اتحركت وقف قصادي مسكني من يدي قال لي ممكن نتفاهم ،قلت ليهو ما اظن في حاجه نتفاهم عليها قال لي لا في و انتي لازم تفهميني معاك قلت ليههو هسي اما في طريقه ،،،ولا كذب مسكني من يدي ركبني العربيه قال لي دقايق ما باخد من وقتك سكتت لاني بالنسبه لي دي احسن فرصه عشان احسم الموضوع ده ،،المشكله الحقيقه ما هنا المشكله الحقيقه في انو ميعاد بتعاين لينا ،، رفعت ليها يدي وياريتني ما رفعتها نظراتها كان لا حولا ولا قوة الا بالله ،،، ما فضل ليها الا تجي تكفيني قفلت الباب بقوة ،،اتنهدت قلت بعدين بحكي ليها، ،، مصطفى ركب وساق العربيه علي جهة مطرفه وقال لي انا الكلام القلتيهو قبيبل كل ما بيهمني البيهمني كنتي بتكبي ليه مالك ؟؟؟؟ميعاد اتكلمت معاك ،،قلت ليهو ما عندك علاقه ب ميعاد كفايه الحصل ليها بسببك ،، قال لي طيب أنتي لو كنتي مكاني زول ما بتحبيهو ح تعريسهو؟؟؟ قلت ليهو لااا زي ما هسي ما معترضه، ،عاين لي، قال لي بس انا عايزك ❤،، ،،وانا ما عايزاك، ،قال لي انتي مش ما عايزاني انتي مشكلتك ميعاد ،،قلت ليهو ما مشكلتي ميعاد مشكلتي فيك انت في حدي زاتك ،،قال لي ما اعتقد كان في مشكله بيناتنا او خلاف يخليك عندك مشكله اتجاهي، ، بس يمكن عشان كنتي مرتبطه ؟؟؟؟ سكتت ما رديت ،،قال لي انا ما بقدر اعاتبك علي ماضي حصل و انتهت بس ح ازعل من نفسي و من حظي الما وقعني فيك من البدايه ،،بس كوني هنا جنبك فبقول الحمد الله وصلت في النهايه ،،، حتى لو خذلك ما نهايه العالم ولا تعتبريها تجربه فاشله لانو زي ما شايف انها قوتك و المشكله انو قوتك دي كلها جات فيني انا يعني دخله ادخل بيها مافي ، ،،، ما ديت بس كان في شعور حلو او لطيف حاسه بيهو يمكن عشان الكلام طالع من شخصيه ما كنت متوقعه في يوم تحبني نهيك عن اني ما كنت مفتكره بيعرف يتكلم هسي ماشاءالله ،،،،،،
رجعني البيت وقال لي العرس قائم ،،قالت ليهو ح تجبرني عليك ؟؟؟ قال لي ممكن تقولي كدا ،،،عاينت ليهو مسافه هو ابتسم لي نزلت قفلت الباب ب قوة ودخلت ،،،، لقيت امي قدامي قلت بس خلاص كتمت قالت لي طلعتي صح؟؟؟؟ مشيتي لميعاد ؟؟ ،،، قلت ليها يا امي ،،،قالت لي ما تقولي لي يا امي قلت ليك ما تطلعي وطلعتي ،،، ما بتسمعي كلام ليه،،، قلت ليها يا امي كنت ضروري اطلع ،،، قالت لي ضروري يعني وقفت هسي انك تطلعي ،،المهم نقة نقة فيني كتير ،، قالت لي تاني مافي طلعه ،،،ساره قالت لي خلاص ياأمي تاني ما ح تطلع الا لجامعه بسس ،، قالت ليها اصلا فضل ليها حاجه بسيطه، ،، دخلت غرفتي جات وراي ساره قالت لي ما تزعلي من امي بس كلامها صح يا نون ما كان تطلعي ،قلت ليها كان لازم اطلع يا ساره قالت لي خلاص تمام هسي جيتي ،،قالو لي وافقتي ب مصطفى ؟؟؟ والله ماشاءالله كبرتي ودايره تعرسي ،،، قلت ليها ساره انا ما عايزه اعرس ،، قالت لي نعمممم كيف ما دايره تعرسي امي قالت انك وافقتي قلت ليها اي بسسس يعني وافقت تحت ضغط ،،قالت لي اتاكدي لي خير وكلي امرك لي ربنا وقومي صلي صلاة استخاره ،،، هزيت ليها راسي قالت لي دايرك توعديني، ،قلت ليها اوعدك؟؟؟ قالت لي اي اوعديني لو لقيت نفسك مستريحه في الاستخاره خلي الامور زي ما ربنا كتبها تمشي ما تعاندي زي كل مرة اتنازل عن عنادك ده مرة و خلي الامور تتتسهل ليك براها من غير ما تقيف، ، سكتتت قلت لي توعديني ؟؟؟؟ قلت ليها ان شاء الله بس لو لقيت نفسي مرتاحه ولو لقيت نفسي ما مرتاحه ما بضمن تصرفاتي ،،قالت لي لو لقيتي نفسك ما مرتاحه انا زاتي بقيف معاك ،،، قلت ليها طيبببب ،،، حضنتني قالت لي ما قادره اصدقك انك ح تعرسي وكذا ❤❤ كبرتي كبرتي يا نون .. ..
بعد ما طلع مني فعليا صليت صلاة الاستخاره و دعيت ربنا كتييير،،، تلفوني اتصل من رقم غريبب ما رقم مصطفى ما رديت لاني حاسه ده مازن اتصل لمن قال بسس و رسل لي رساله قال لي عشان الكان بينا ردي ،، برضو ما رديت ،،، مازن ده صفحه و إنطوت و قفلت عليها ،، كان شخصيه حلوة في حياتي و انتهت ،، مهما عمل و مهما اتكلم ما بيقدر يرجع العلاقه، ،،، لو من البدايه ادتني فرصه كان هسي لقى فرضه كتيره مني ،،بس هو ما قدم لي السبت عشان يلقى الاحد ....
