شهد قالت ليها امي ،قالت ليها من الاخر يا شهد اخوك دا يا عرس نون يا عرس نون و ما تكتري كلامك معاي مع كلامها دا جاء مااازن ،،،قال ليها في شنو يا امي ؟؟؟؟ ومالا شهد ،؟؟ خالتو سلوى عايزة تتكلم شهد سكتتها قالت ليهو لااا مافي حاجه انا براي دايرة اشغلها لي امي ،،، خالتو سلوى استغربت في تصرفها !! مازن قال ليها لو كدا خلاص انا طالع يا امي ،،قالت ليهو تطلع كيف ولدي اقعد ارتاح لسه ،،قال ليها بعد كدا فترت وعايز اطلع اتمشى ،،قالت ليهو سمح خلي بالك من نفسك ،، وفعلاً طلع ،،شهد قالت لي امها يا امي ما تكلمي اي زول بالكلام دا ؟؟ قالت ليها يا بت هوي ليه حرام و عيب، ، قالت ليها لاا ما قصدي بس ان شاء الله الفترة دي ،، قالت ليها غريبب امرك يا شهد بس خلاص ،،، في نفس الوقت جاء اتصال لسلوى طلعت شهد فوق ،، لقت المتصل سوسن ،، بعد السلام وكذا ،، خالتو سوسن قالت ليها يا سلوى انا جاياك بصورة واضحه و عندي عندك طلب بتمنى ما تخذليني فيهو،، سوسن قالت ليها دا كلام شنو يا سوسن انا لو بقدر على طلبك بعملو طوالي ،، قالت ليها و دا العشم برضو، ، ولدي محمد كان داير يجي يتقدم لشهد بتك ،،، سلوى سكتت او ممكن اقول اتفاجأت قالت ليها فاجأتيني يا سوسن ،، و محمد ما الولد البترفض بس كمان الرأي رأي البت ،، قالت ليها شوفيها عشان محمد يكلم اخوانها و اعمامها ،،قالت ليها سمح يا سوسن و طول ما انتي جيتيني في الموضوع دا انا كنت عايزه اقول ليك إني بفكر نخطب نون بت فاطمه محمد عثمان لمصطفى ولدي الكبير ،،، سوسن قالت ليها نون ؟؟؟ بتنا !! والله مافيها كلام و مناسبة مع مصطفى صدقيني ما ح تلقى احسن منها ليهو ،، قالت ليها ما انا حاسه كدا ،،فساعديني يا سوسن اكلم امها او رسلي لي رقمها ،، قالت ليها انا بدخل ليك ليها و بوريها وتاني بديك الرقم تتواصلي معاها ،، قالت ليها تمام خلاص نشوف موضوع محمد وشهد و تاني نشوف البحصل ،، قالت ليها خلاص طيببب ....
______^^___________
يعني خلاص بقينا غرباء عن بعض انا وفيحاء لمن ندخل طرف تاني بيناتنا ؟؟؟؟ ،،، رجعت البييت و انا بفكر اتصل ب إيناس ولا لاا ،، تاني قلت لاااا ما بتصل يااخ ،، تقوم تدخل لي افكار في رأسي وانا ما ناقصة ..فيحاء دي فترة و بتعدي ،،، المفروض اكون معاها في الفترة دي ،، اتصل ليها ردت لي قالت لي خير؟؟؟ قلت ليها مالك يا زوله ؟؟ ، قالت لي مالي هسي انتي المتصله ،، قلت ليها انا عايزه اعرف انتي مشكلتك شنو ؟؟؟ قالت لي انا ما عندي اي مشكله ،، قلت ليها طيبب ليه بتتعاملي معاي كدا ،، قالت لي يا نون عليك الله هسي انا تعبانه و ما قادره اتناقش معاك ،،، رغم انو كلامها مستحقر بس قلت هي الخسرانة بعد مشكلتي مع مازن بقيت ما بعمل اي حساب لي اي زول ،،، اقرب عباية عندي لبستها ومشيت لميعاد قلت افرق معاها شويه ،،، كلمت سارة اختي اني طالعة وكذا ،، فعلا مشيت ،، ميعاد لمن شافتني قدامها قالت لي ااي يا زوله اطلعي من الجو الانتي فيهو ده ،،، قلت ليها ميعاد عندكم حاجه ياكلوها ؟؟ ضحكت قالت لي كدا يادوب انتي نون تعالي تعالي ،،سلمت على خالتو سوسن وسلمت علي سلام حلو ولدرجه قالت لي ربنا يبارك فيك انتي يا بتي ،، ما ركزت و اتونست مع ميعاد قالت لي اتخيلي يا نون مصطفى رسل لي ؟؟؟ قلت ليها بالجد ،، قال شنو ؟؟؟ قالت لي ما دا المحيرني انو رسل بس ميعاد وسلم علي وتاني سكت ،،قلت ليها ولا تزعلي نفسك بكره يرسل ليك طول ما هسي بدأ يسلم الباقي كلو بيجي ،، قالت لي المهم انتي كيف ؟؟ قلت ليها انا كويسة الحمد الله ،قالت لي يوم التلاتاء عندك شنو ؟؟ قلت ليها ليه؟ قالت لي عشان دايرين نعمل لمه نمشي كلنا شارع النيل ،،،قلت ليها طيب يا زوله معاك ،،قالت لي حتى مازن جايي ،، ما رديت عليها سريع بس تاني قلت خليهو يجي ،،، بعديها اتونسنا في كذا موضوع و من بيناتهم وريتها انو فيحاء متغيره علي ،، قالت لي فيحاء صحبتك دي من زمان انا ما مرتاحه ليها و طوالي بقول ليك ما تتكلمي معاها بس انتي بتسمعي كلام منو ؟؟؟؟،، قلت ليها حرام عليك ،يمكن هي الفترة دي مضغوطه عشان كدا متغيره ،، قالت لي يا زوله هااا حتى لو متغيره طول ما انتي صحبتها المفروض تجي تحكي ليك ،، ياخ انتي بتحكي ليها حاجات انتي مرات بتدسيها مني ،،قلت ليها ما كدا قالت لي يا زوله ؟؟؟ ،،،،، بعديها اتونسنا شويه و رجعت البييت ابوي جاء سلمت عليهو و دخلت الغرفه ،،،،، وانا بفكر في كلام ميعاد عن فيحاء بس تاني قلت الداير يتغير كلو يتغير ما خلاص ،،،،بعد كذا يوم جاء يوم التلاتاء و فيحاء لسه متغيره وفي حركاتها المشكله بقت تطعن بالكلام وانا ما عارفه عامله ليها شنو؟؟؟ عديت حركاتها دي و خليتها تأكل نارها براها ،،، بعد خلصنا محاضرات جات إيناس قالت لي شكلك ما دايره تعرفي قلت ليها والله يا إيناس بتصل بيك بعدين هسي انا ما فاضية ،،، قالت لي كووويسسس يا ستي، ،، طلعت سريع عشان الحق شارع النيل مع ناس ميعاد كان عندي حماس غريبب ،،، مسافه ما بدلت ملابسي ميعاد تتصل وتتصل ،،، قلت ليها جاياك جاياك قالت لي سريع ،، بعد ما خلصت مشيت ليها ،،الحمدلله إني مكلمه ابوي من بليل عشان ما يمنعوني ،،بعديها وصلنا اخوها محمد والعجيب انو نزل معانا ،،لقيت بنات اهلها كلمهم ماشاء الله و زاد مصطفى و مازن ،،،،ما عاينت بإتجاهم ااي نعم مصطفى ما عندو ذنب بس كمان اخو مازن ،،، سلمنا عليهم وقعدنا ،، بتونسوا وانا ساكته ،،، واحده اسمها رهف قالت لي ليه ساكته يا نون ؟؟؟ قلت ليها اقول شنو ،،قالت لي شاركي معانا،، قلت ليها طيببب ،، الونسه جرت و بدوا يلعبوا ،،لعبة تكتب اسماء الناس في ورق و تتكلم عن الزول من غير ما تفتح الورقه ،،، كل واحده شالت ورقه ،،،، ميعاد لمن جاء دورها قالت والله يعني نفسي الزول دا يتكلم معاي ،،كلهم شغلوها ليها و البت الجمبها قالت ليها شنو لكن 😂↖️ ،، طلع الاسم مها واحده من القاعدين ،،،كلهم جاء الدور عليهم، ، و مازن قال نفسي اعرف الزول ده قاعد معانا ليه ،،، وهو بعاين لي قلبي ح يطلع من مكانو ،،فتح الورقه و طلع اسم شهد، ضحكتك كلهم قالوا ليها ردي ردي قاعده معانا ليه ،،هو قال ما كان قاصدها ياااخ ،،، قالوا ليهو المهم ،،،بعديها جاء دوري ما عرفت اقول شنو لصاحب الورقة لانو مازن ومصطفى محاصرني بعيونهم، ، فقلت الزول ده حلو و جميل وبسس سكتت قالوا لي لا ما كدا تقولي الزول دا عاجبك ،،قلت ليهم لااا قالو لي لاا ،،لمن حسيت انهم مصرين قلت ليهم طيبب وفتحت الورقه وطلع مصطفى ،،، اتمنيت الارض تنشق وتبلعني لحظي جاتو مكالمه و بدا يتكلم ،،، وانا خجلانه شديد و في نفس الوقت نظرات مازن بتقتل فيني قتل ،،،قمت قلت ليهم دقايق جايه.. ميعاد جات وراي قلت ليها اقعدي يا زوله ،،، واتحركت منهم بمسافة قعدت على اقرب كرسي وبقيت بعاين للنيل، ،بفكر حياتي دي ماشه وين و جايه على وين و الح يحصل شنو، ،،انا تعبت والله و الدنيا دي ما جاتني بالهين ،،، حسيت بزول بجر الكرسي و بقعد جمبي ،،، قال لي كل هموك ح تنزاح لو كنتي معاي ❤❤
"و استبشري يا إما قد اصاب ابنتك سهم جنون الحب وابنتك مثل السكر تذوب فمرحبا بك عزيزي هل يروج لك قلبيي!!!!
__________________
من ناحية تانيه سوسن جات لامي في البيت اختي امل عملت ليهم جبنه ،،قعدوا يتونسوا قالت لسوسن انتي يا فاطمه ما دايره تعرسي ل نون بعد كدا ؟؟؟ قالت ليها يوم المنى صراحه بس تخلص جامعتها ،، وبعدين يجي ولد حلال يعرسها و يصونها، ،قالت ليها وانا عندي ولد الحلال اليعرسها ،،قالت ليها فاجأتيني والله ،،قالت ليها اي عارفه اني فاجأتك بس ولد بت عمي سلوى عندها ولد اسمو مصطفى بتعرفيها انتي قالت ليها اي قالت عايز بتك نون ،،قالت ليها والله ما عارفه اقول ليك شنو وهو شافها ،،قالت ليها اي لمن مشت معانا قالت ليها ايواااا ،،،خلاص بس نفكر،،قالت ليها اي اخدوا راحتكم وما مستعجلين وبعديها مصطفى دا ولد بالجد و حق وحقيقه ما بشكرو عشان انا بمثابة خالتو بس الحقيقه تقال ،،، قالت ليها ااي شايفاهو هنا عندكم ،، قالت ليها بسسسس
___________________
رفعت راسي لقيتو مصطفي ،،، معقوله مصطفى ومطيره عيوني ابتسم قال لي اي بقول ليك الكلام ده ،،شال نفس وقبل علي ،،،قال لي شوفي انا يا بت الناس ما زول بتاع لف و دوران او بتاع تلفونات انا زول دقري و شايفك مناسبه معاي ،، قال كلامٌ ده هو بعاين لي بقوة زي كانو ما قال حاجه هو ما عارف انو كلامٌ نزل علي قلبي زي الصاقعه واصل وقال واعترف ليك ب اعتراف هو بالنسبه ليك يمكن عادي بس بالنسبه لي عظيم ،،،انا ما حصل ارتبط او عملت صداقه مع بت و بامانه ما كان عندي وقت الارتباطات دي لانو كان كل همي اوفر لاهلي كل احتياجاتهم و العمر جرا بي ،،،ولحدي ما شوفتك وانا رافض الفكره في حد نفسها ، ،ما بقول ما لقوني بنات في حياتي بس انتي خليتني اخضع لعيونك عنوةٌ مني ❤ من يوم شوفتك في بيتنا وانتي ما دايره تطلعث من بالي ما اكذب حاولت اطلعك من بالي كتير ما قدرت ،،،وهسي لمن شوفتك ماشه براك ما قدرت اخليك تجي براك ❤،،،انتي لسه ما بتعرفيني بس زي كاني بعرفك زي كاني صادفتك في عالم تاني وكنتي قريبه مني، ،،لانو انا حاسي انك ليك مكانه جوي وده الحاله لسه ما بيناتنا مواقف ولسه ما اتعرفت علي شخصيتك وتصرفاتك وصدقيني مهما كانت شخصيتك انا راضي بيها حتى لو كنتي مجنونه رسمي برضو ح اكون راضي بسباطه بقول ليك انا بحبك بس ممكن تقولي لقيت روحي فيك ❤🌻
"أنت لا تعرف قصتي ، كم كان عمق مصيبتي، أو كم مرةً تأذيتُ وكنت وحدي، لا تعرف شيئًا عني، أنت فقط تعرف إسمي !"
_____________________
