لحظات زفة نون و مصطفى انا كنت واقفه وبعيييد و دموعي مطر بحاول امسحهم عشان مافي زول يركز معاي ،،، كل دقيقه بتمر بتمنى اني اكون مكانها ،، و لمن بدو يرقصو سلو انا غلبني اشوفهم طلعت بره ،، لقيت مازن واقف وبشرب في سجاره، ،ضحكت بإستهتار احساس عرس نون ومصطفى ده غير الوجع ما عمل لينا حاجه ،، مسحت دموعي ومشيت ليهو ،،قلت ليهو حاره عليك ،، عاين لي وسكت، ، قلت ليهو اممم واضح انك متأثر شديد،، برضو ما رد قلت ليهو والله نون مناسبه معاك انت ،، بس ما عارفه ليه انت خليت العرس ده يتم في حين انت بتحبها ،، قبل علي قال لي براك قلتي عشان بحبها ،، فما ح اخرب ليها حاجه هي عايزه تعملها ،،، قلت ليهو حتى لو ما كان في صالحها ؟؟؟؟ عاين لي قال لي انتي عايزه تصلي لشنو، ،اذا مفتكره كدا بتخليني افكر ارجع لنون ف احب اقول ليك نون دي ماضي حلو في حياتي ولا بقول عليهو ماضي لاا ده حتى الحاضر حقي و المستقبل وكلو،، وبعدين تعالي هنا ،، انتي ما شايفه نفسك ولا مفتكره إني ما شوفتك وانتي بتبكي جوه،،ههه ،،مسكينه انتي يا ميعاد بتشفقي الواحد عليك ... ما لحقت ارد عليهو فات خلاني ،،قال يشفق علي شكلو لسه ما بعرفني كويسس ،، رجعت الصاله تاني كان خلاص رقصوا و انتهوا مشيت باركت ليهم انبسطه لمن مصطفى قال سأل عني وكذا ،، وقفت جنبو وبدينا نربها مع بعض ،،عارفه نفسي غلطانه بس في حاجه جواي بتحرك فيني ،، لمن لقيت نون ما شغاله بينا ،، طوالي قلت ليهو ارح نرقص مع خالتو سوسن، ، هو طوالي اتحرك معاي ،، حسيت بنظرات نون بس عملت فيها إني ما شايفها ،،، الناس دي كلها مفتكرين إنهم ممكن يغطوا علينا ونحنا نسكت او نقول خلاص دي قسمتنا اي هي قسمتنا، ،بس كمان ما فيها حاجه لو الواحد قدم ولو جزء بسيط اعتبار لي نفسو ،،، نحنا ما كعبين والله نحنا كعبين مع الكعب معانا ...بعد ما خلصت الحفله ،، في آخر لحظه هم طالعين ،، حضنت نون وودعتها ،، و كرعيني لا اراديا جروني على مصطفى، ، هو بهدوء بعدني عنو،،،هنا حسيت بإحراج ما عادي.. من غير ما اعاين لي نون ،،اتحركت.....قربت ابكي قدامهم ما وصلت البيت بكيت بعدلي حتى الحاجه الحلوة الوحيده الفي حياتي الكانت مصبراني علي قسوة الحياة راحت 💔وبقت لي غيري .... و ببكي وبقول لي نفسي اريتك لو ما قلتي لي نون وافقي ما كان هسي عشتي الشعور ده ،، انا حاسه روحي بتنسحب مني ،،لاا دي أنفاسي بتنقطع، ، شويه شويه ما شوفت قدامي...
لا أظن ان داخلي سيهدأ💔.!𖤐
__________________________
حاولت ابعد من مصطفى ما قدرت هو كان ماسك فيني قوي،،في النهايه استسلمت، ،بعد مسافه لصق جبهتو مع جبهتي و مافي اي صوت طالع غير صوت انفاسنا، ،قال لي انا بحبك والله ❤ ،،، قال لي ما منتظرك منك اي رد هسي بس ح اكون منتظر اليوم الح اسمعها منك اليوم الح تجي تعترفي لي فيهو ،،ومن هسي ح اقول ليك ح يكون اسعد يوم لي ،، وبخصوص ميعاد اممم اعتبرها انك بتغيري علي منها ، فتحت عيوني قلت ليهو اغير منها ؟؟؟،، لا طبعااا ،،،داير يقرب تاني بعدت عنو ،،قلت ليهو ممكن اعرف وين غرفتي ،، عاين لي مسافه وأشر على واحده من الغرف،،دخلت الغرفه ،،طلعت التوب اتذكرت طق انو شنتطي بره ،داير البس التوب تاني الباب اتفتح ،، هو اتخلع وانا اتخلعت اكتر منو ،، قلت ليهو كان تددق الباب، ،عاين لي مسافه ، ودخل الشنط وطلع استغربت في تصرفو ،،بس ما اشتغلت بيهو ،، فتحت الشنطه في زي جلباب كدا طويل اخدتو ،،ودخلت الحمام اذكرت كلام اختي ساره بس قلت ها ساره دي مجنونه ساي ،، ،،صليت كل الصلوات العلي ،،حسيت نفسي جعانه ،، بس قلت اصلو ما بطلع ،، سمعت الباب دق ،، بقيت بكابس في التوب ،،بعد ما خلصت قلت ليهو اتفضل ،،قال لي تعالي ناكل !!،، قلت ليهو ااااا،قال لي عارفك جعانه تعالي ،،، طلعت معاهو،كان مجهز الصفره بطريقه حلو حتى هو بدل هدومو، ، قعدنا اكلنا ،،قال لي الغرفه الانتي فيها حاليا دي غرفتنا ،،اللقمه وقفت لي في حلقي ،،قال لي مالك ؟؟؟ قلت ليهو احم ما هو في غرف كتيره شوف ليك اي غرفه ؟؟ قال لي ما انا ما عرستك عشان كل واحد يكون في غرفة، ،، وسكت على كدا انا تاني الاكل مسخ علي ،، انتظرتو لمن خلص عشان قلت افضي الاكل ،،بس هو قال لي خليها علي انا هسي مستقبلك وكذا، ، قلت ليهو لاا ما مشكله، ، قال لي لااا والله انتي عروس ،،وضحك، ،،،ما كترت معاهو غسلت يديني و السرير جاك زول ،،، قبل ما يجي رقدت وغطيت نفسي كويس مسافة ما خلص جاء ،، عملت فيها نايمه ،،، سمعت صوتو وهو بتحرك في الغرفه، ، بس عملت نفسي نايمه لا مس نايمه وبس ميته عديل حركه ما بتحركها، ، لحدي ما جاء رقد ،، شويه كدا وضماني عليهو قال لي مفتكره انك ح تقدري تمثلي علي ؟؟؟؟ ،،، ما رديت ،،قال لي طيببب تصبحي على خير يا كل خيري ❤..
رغم إني كنت متوتره وخجلانه الا انو حسيت بشعور الانتماء و الاحتواءفي نفس الوقت ...صحيت الصباح عيني وقعت في عين مصطفى هو صاحي بعاين لي ،ابتسمت ليهو مسافه ما استوعبت دايره اقوم ،،، مسكني وهو بضحك على شكلي ، قال لي ما عارف اقولها ليك كيف بسس يعني الواحد لمن برقد جنبك بحس نفسو في مصارعه حرة و المفروض يكون مستعد ،، ما فهمت قصدو الا لمن شوفت السرير مقلوب فوق تحت ،، وانا كنت نايمه على جهة اليمين الجابني بالشمال بجاي شنو، ، اتذكرت اني لمن انوم تاني ما بحس و من نوعيه الناس البتقلب وبصل مرحلة اني بكون دايره اقع من السرير ،،، خجلت و إداركت الموقف ب اني قلت ليهو نومي كدا فلو ما عجبك عادي الغرف كتيره ،،، قال لي وهو بضربني في رأسي ،،، حتى لو النوم معاك مصارعه حتى لو الواحد بصحى معسم بس حاجه حلوة والله،،، انا الليل كل بصحى بعاين ليك ،انتي كنتي حلم بعيد كنت منتظر متين تجي وقاعد في حياتي احس انها مني وفيني احس معاها باني ما عايز غيرها و ما اشوف غيرها ،كنت مفتكر اني مستحيل الاقي واحده زي دي تنسي ام اهلي بس جيتي انتي بنفس الدقة الانا كنت عايزها ❤ فلمن لقيتك صعب علي كان اتنازل عنك ،،، قلبت عيوني فوق تحت ،، وبعدين نحنا مع كلامو الحلو ده ،،بموت بموت والله ،، عشان اغير الموضوع، ، قلت ليهو انت ليه كدا ؟؟؟؟؟ رفع حاجبو قال لي كيف قصدك ؟؟ قلت ليهو طول الوقت بتقول كلام حلو والموضوع ده ما حلو لانو ح تبيخ الكلام الحلو بكلامك الكتير بيهو ،،، قال لي اممم وهو بضمني عليهو اكتر الكلام الحلو ده بطلع ليك انتي وبس ❤ حتى من غير ما أشعر بلقى نفسي بتكلم ❤️ بقول في كلامو وهو كل مرة بقرب اكتر و اكتر و ما شعرت بنفسي ولا هو شعر بنفسو ومشينا لعالم تاني ما فيهو زول غيرنا ....
#احببتك 🤍
صدفة وعشقتك للأبد
احببتك لأنك..
نصف الروح ونصف العقل
وكل القلب
احببتك لأني.. لا اكتمل الا بك
_______________________
تاني تاني يا بت الموضوع ده ،، قلت ليها اي يا امي تاني ما انتي لازم تفهميني، ،افهمك شنو عايزه ترجعي للراجل ده تاني؟؟؟ يا بتي الما بعمل لي نفسو كرامه مافي زول بعمل ليهو ،،قلت ليها يا امي مافي كرامه في الحب وبعدين انا عندي منو ولد ،، قالت ليها يعني دي مشكلتك ولدك ده ؟؟؟؟قالت ليها ايواا مشكلتي ولدي ده ،، وبعدين مؤيد * راجلها* ندمان وعايزنا نرجع ليهو ،، سكتت مسافه وامها وهي بتعاين ليها ،،قالت لي انتي كدا بتغلطي يا بتي مصطفى لو عرف بوريه لينا كلنا ،،ريم انفعلت قالت ليها يا امي مصطفى ولدك ده تتكلمي معاهو بطريقتك ما اي حاجه مصطفى مصطفي ،،يعني عايز مني شنو هو اكون قاعده كدا جنبو مطلقه والناس داخله ومارق فيني وبعبوني بالحاجه دي ،،،قالت ليها ما تعلي صوتك ده و اااي مصطفى مش ده اخوك الكبير و المسؤول منك ،،، ويعني شنو مطلقه عيبب ولا حرام ،، ؟؟؟ ،، قالت ليها هسي يا امي انا ح ارجع لي مؤيد و اتفاهمي انتي ومصطفى بطريقتكم وطلعت غرفتها.. امها قعدت تفكر دي مصيبة شنو دي ،،، هي ما معترضه على مؤيد في حدي نفسو هي معترضه في إنهم يرجعوا لي بعض لانو متاكده تاني ح يطلقوا لا ريم ح تتصلح لا مؤيد ح يقدر بتفهمها ف ح يكونوا كدا في حلقه مغلقه...
_____________
