كلام مصطفى كان اشبه بصدمة كبيرة بالنسبه لي ... زي بجبل نزل على قلبي ،،،اخر توقعاتي انو يقول لي كلام زي ده ،،معقوله مصطفى ،،ولا في خيالي ولا فكرت فيهو يوم ،،، تقريباً اندفع في مشاعرو شديد ما عمل حساب لي اني ممكن ارفضو ،،،.ده غلط يتحسب عليهو لانو المشاعر دي بتجي مع بعض وبتروح كلها مع بعض عادي يكون اعجب بي و الإعجاب يروح مع الزمن هو فسر الإعجاب ده على حس انو خلاص عايزني ،،، لمن لقاني ساكته قال لي يمكن انا استعجلت بالكلام بس دا الانا حاسي بيهو اتجاهك ،،،، فأنا هسي ما محتاج منك اي رد ،،، فكري براحه شوفي قرارك مع إني نفسي يكون قرارك في صالحي ❤،،،، وقف وقال لي ما عايز نرجع ليهم بس ارح نرجع قبل ما يبدوأ يفتشوا فينا، ، ،، يادوب طلعت من صدمتي وقفت قلت ليهو مصطفى ؟؟!!! ،،وهو بلهفة اتلفت علي قال لي معاك ،،،اتحرجت اقول بس تاني اتشجعت ،،قلت ليهو انا ما ح اقول انا ما اتفاجأت بكلامك وحالياً انا ما مصدقه وحاسه اني بحلم بحلم ،،بس عايزه اقول ليك دا ما موضوع انا افكر فيهو لانو بالنسبة لي محسم، ،انا ما بعرفك ،،قال لي بطريقة سريعة عندنا فترة كافية نتعرف فيها على بعض، قلت ليهو الموضوع ده من جهتي مرفوض ولا ح اقبل بحاجة زي دي ولاا تتوقع في يوم إني ممكن اوافق ،،قبل ما تقول لي ليه ح اقول ليك اسباب خاصة ،،وانا حالياً ح اعمل نفسي ما سمعت كلامك دا وياريت ما تكررو تاني لانو ما عارفه ح اتصرف كيف وقتها ،،وصدقني بحترم مشاعرك بس مشاعرك دي خليها للناس البتستاهلها ،،وفتح عيونك كويس ح تلقى زولة واحدة من بين الناس دي كلها ح تقدر تحتويك وتحبك بس انت كيف تشوفها ،،، شلت شنطتي ومشيت ،،،خليتو واقف ،، يمكن ردة فعلي كانت صعبه بس هو الباغتني بكلامو و ما مهد لي ،،،وبعدين انا قاصده اقول ليهو فتح عيونك كويس عشان يشوف ميعاد ،، لانو بالجد ميعاد ما تستاهل مني اجرحها وهي اكتر انسانه واقفه معاي ما ممكن اجازيها كدا ،،،،وصلتهم ،،وانا قلبي بدق بطريقه سريعه وانفاسي عاليه و مشنجه عديل من كاام مصطفى ،،ميعاد قالت لي وين كنتي ؟؟؟ دايره ارد ردت رهف قالت ليها ههه نون شوفتها هي ومصطفى قاعدين مع بعض يخلطوا ساااي،بعد كلامها دا كل الانظار اتجهت علي . و.مازن دا وقف ،،،، قلت ليها نخلط شنو ها بس كان بسألني مالك وكذا ،،، قالت ليها يسألك ساعة كامله؟؟؟،، قلت ليها رهف انا من مشيت من جمبكم ما تميت ساعة فكيف تقولي يسألك ساعة كاملة ؟؟؟،،، دايره ترد ،،شهد اتكلمت وقالت مامشكله يا رهف عادي يعني مالك ؟؟؟،، جيت جمب ميعاد قلت ليها اظن بعد كدا نمشي، ،عاينت لي مسافه وقالت لي ارح طيببب ،،، ودعناهم و شهد قالت لي ما تكوني زعلتي من كلام رهف قلت ليها لاااااا ،،،لحدي ما طلعنا مصطفى تاني ما شوفتو، ، و نظرات مازن محاصراني لحدي ما ركبنا العربيه ،،، محمد وصلنا البيت ،،بعد ما نزلنا ميعاد قالت لي جايه معاك ،،عرفتها عايزه تسألني وكذا، ، وفعلا مشت معاي البيت ،،سلمت على ناس امي ،، و امي قالت ليها هسي سوسن كانت معاها، ميعاد قالت ليها امي ؟؟؟؟ قالت ليها اي لو جيتي ابدر شوية كان حصلتيها ،،قالت ليهاا ااااهاا مامشكله ،،، ودخلنا غرفتي ،،، قبل ما تبدأ تتكلم، ،قلت ليها ميعاد انا عارفاك دايره تسألني بس صدقيني مصطفى شافني قاعده براي و سألني مالك وكذا ،،وانا قلت ليهو مافي حاجه بعديها قال لي اطلب ليك حاجه قلت ليهو شكرااا ،،، بس دا الحصل كنت مفتكره بالكذبه دي اني نهيت الموضوع وقطعت جزورو ،،بس هي فاجأتني قالت ما دي المشكله يا نون انو مصطفى ده نادر ما يشتغل بزول ،،اي هو اسلوب حلو ،،بس يموت ما يدخل في خصوصيات الناس ،،،فأنا مستغربة كيف جاء وسألك؟؟؟ وليه يسألك؟؟؟،، بعاين لميعاد وانا ساكته اذا دي كذبه كذبتها وشايفاها بسيطه قصاد الكلام القالو ،، هي فسرتها كدا طلعت حافظهو حفظ، ،،بالجد مصطفى دا متخلف ،، عندو انسانه ممكن تقع ليهو النار ليه ما عايزها، ،،الاصلا الانسان بحب الانسان البعذبو، ،،قلت ليها ميعاد ما تختي فيها حاجه ،،و عادي يمكن فضول ساي ،،، ما علينا انتي حاولي تتقربي منو حاولي اظهري ليه حبك ،،، قالت لي نون انتي جنيتي عايزاني اقول ليهو بحبك ،،قلت ليها مع إني ماشايفه فيها حاجه بس ممكن تلمحي ليهو وهو اكيد ح يفهمك ،،قالت لي انا خايفه اترفض الموضوع دا ما ساهل ،، قلت ليها طيب اوريك تحسبيها كيف لو بكره شوفتيهو مع واحده غيرك ح يكون شعورك شنو ؟؟؟؟؟،، سكتت مسافه تاني قالت لي ،،لو هو مبسوط معاها فأنا ح انبسط لي انبساطو، ،❤،، نون الحب دا اكبر مننا نشوف سعادتنا مع الطرف ده يمكن سعادوُ مع غيرنا ؟؟ فنحنا ما ح نحسدو على سعادوٌ مع غيرو بالعكس ح نتمني ليهو الخير❤ يمكن قلبي ينكسر بس دا ما بدل على انو خلاص ،،لا الحياة دي زي ما بتاخد منك بتديك ❤،،،ما عرفت اقول ليها شنو لانو الليله بالذات اكتشفت عقلانية ميعاد البشوف ضحكها وهظارها ما بيقول في طفله بريئة وعاقله جواها ❤❤،،قالت لي طيب انا ارجع البييت ،،قدمتها ،،، رجعت البيت امي نادتني قالت لي تعالي عايزاك ،،قلت ليها اي ؟؟؟؟؟؟ قالت لي الموضوع طويل ،،، قلبي ما ارتاح لي موضوعها،،قلت ليها امي ممكن نخليهو لبكره قالت لي اااا ممكن ،، طوالي دخلت غرفتي ،،رأسي ضارب ضارب شديد غيرت هدومي ومسكت تلفوني لقيت فيحاء مرسلة لي ،،نون!!! انتي و مازن رجعتو لبعض؟؟ قلت ليها لااااا ما رجعنا ،، ليه ؟؟ ما ردت علي سفهتني ،، اتغظت منها غيظ،، طوالي رسلت لإيناس ،، قلت ليها معاك نون ،،قالت لي اتوقعتك نسيتي الموضوع، ،قلت ليهاا لااا بس كنت مشغولة وكذا ،،، قالت لي الموضوع دا داير قعدة قلت ليهاا لااا هسي دي باقي الليل دا لازم احسم الفوضة دي و اعرف حتى لو ما ح اصدقك خلي الشك يدخل فيني ويفتح لي عيوني دي ،،،وفعلا اتصلت بيها
