ردة فعل فيحاء كانت متوقعة بالنسبة لي ف ابتسمت بإستهتار على نفسي الكانت مخدوعة فيهم معمية على تصرفاتهم الكانت قدامي بس انا الكنت ما ملاحظه، ،ما غباء مني بس أي زول لو كان مكاني ما كان ح يتوقع الحاجه دي خاصه انهم اقرب اتنين لي ،، انا العرفت فيحاء،على مازن ولسه متذكره لمن عرفتهم على بعض فيحاء قالت لي ده شنو يا نون خلاص اولاد العالم كلهم انتهوا لمن بقيتي تتعرفي على الاشكال دي ،، عابتو لي ما خلت لي فيهو شيء ،، مع ذلك ما ابديت اي ردة فعل ،، وهسي بعض ما قربوا من بعض اتجاهلوني انا الواجعني إنهم بكل بساطة كانوا يواجهوني حتى لو ماعايزني في حياتهم يقولوا لي ما عايزنك مش يتغيروا علي وخلوني أسأل نفسي و ألومها، ،، فيحاء دايره تمشي وقفتها قلت ليها انصدمتي صح ؟؟؟؟،، قالت لي وانصدم ليه ؟؟ اتوقعت منك كدا ما انتي واحدة ما عندك كرامه ،،، قلت ليها انا ولا انتي ؟؟؟؟،، قلت ليها وانا منفعله وزعلانه و كاتمه جواي منهم انتي مفتكره الناس دي لعبة في يدك !؟ كنتي مفتكره انك ح تكون مستغفلاني كدا لمتين ! فيحاء انتي اقرب واحدة كنت لي و المفضلة عندي،،، وقت انتي دايره مازن ليه خليتيهو يتغير علي وليه انتي زاتك اتغيرتي علي ؟؟ ما ردت بس كانت مهجومه ،، قلت ليها وتجي تقولي انا ما عندي كرامه بالنسبه ليك انتي شنو، ، واحد كان صاحب صحبتك و ما يقارب إنهم مرتبطين فتجي تاخديهو منها ،، بس ما بعيده عليك وطول عمرك بتشيلي عقابي حتى مازن ،،،انا ما زعلانه الا عليك المفتكره مازن ح يقيف عليك !!!!! بعدين انا عايزه أسألك سوال واحد كيف نفسك سمحت ليك تعملي كدا ؟؟؟؟ ب ياتو وش كنتي بتتكلمي معاي ،، كيف كنتي قادره تنصحيني و تقولي لي ابعدي من مازن وشايله عذابي مع ذلك واصلتي ،، كميه حقد و نفاق ما عادي . دايره اواصل بس هي قالت لي حقد و نفاق ؟؟؟؟؟ انتي جايه تلوميني انا جايه تلوميني على إني قربت من مازن ؟؟ قبل ما تلوميني لومي نفسك يا الحلوة ،، اتخيلي معاي إنك كل يوم بتحكي لي ب مازن و البعملو ليك و دا غير التعامل و الاسلوب الهو بتعامل بيهو معاك ؟،،، متوقعة مني شنو؟؟؟؟ وانتي بتحكي لي ؟؟؟ اكيد ح احبو فما تلوميني على حبي ليهو لانو انتي الحببتيني فيهو من كترت ما حكيتي لي عنو ....
بعد كلامها رمشه ما قدرت ارمشها لانو كلامها صح انا كنت بحكي ليها ب مازن و البعملو لي فمتوقعه منها شنو انها ما تحبو اكيد لااا
# اغلبية البنات بحكوا و دي خاصية فطرية فينا لمن نلقى الثقة الكافية في الطرف التاني بنبدأ نحكي ليهو دي حاجه لا اراديا فينا بنحب نوري الناس مش عشان نتفاخر ليهم لااا عشان نبسطهم معانا او عشان نفسنا،، بس بننسى انو الطاولة ممكن تنقلب علينا و زول يستغل ثقتنا دي فيهو ،،، فمن هنا بحب اقول ليكٍ ما اي حاجه بحكوها ،، في حاجات بنحتفظ بيها لنفسنا❤ ،، ما تغلطي غلطت نون و تحكي من طرف و تجي تلومي صحبتك على إنها حبتو لانو من حقها تحبو إذا انتي كل يوم بتحكي ليها عنو ح يتواجد شعور جواها تشوف الشخصية دي و بعد ما تشوفها بتفكر ليه ما تقرب هي ؟؟؟ فتقرب ،،، وبعديها تقول ليه ما تكون بدلك ،،؟؟ ، فتحاول إنها تبقى بدلك، ، والحكاية تبقى منازعات و الصحبه تنتهي،،💔 احكي انتي بس احتفظي ببعض الامور لنفسك ❤ او ممكن تستخدمي اسلوب انك تعيبي و في نفس الوقت تشكري ....
