البريعه

part 2

لُجين : كمت و باوعتله بإستغراب .. باوعلي وحجه ..

حمزه : اني قررت ازوجج حتى ارتاح من مسؤليتج وشخص محترم واعرفة كلش زين صديق مقرب الي وهيه هايه سنه الحياة خليناج تكملين دراسة حسب طلبج وهسه اجتج قسمة بعد شرايدة اكثر من هيج ..

باوعتله بصدمه وما عرفت شنو احجي ..

حجيت بتلبك:- شنو جاي تحجي ؟

حمزه : كلامي مفهوم ..

لُجين : لا مو مفهووووم هاي حياتي واني حره ب اختياراتي يمته ما اريد اتزوج واني الاختار الشخص الي اريدة مو انتو تقررون يمته اتزوج ويمته ما اتزوج ..

حمزه : هذا العندي رضيتي ما رضيتي مو مشكلتي ..

لُجين : باوعتله واني ما جاي اصدك شجاي يحجي كل الحقد تجمع داخل صدري ..

حجيت :- شنو جاي تسوي منه عليه ضاله يمك ، هيجي اني حمل عليك حتى تريد تتخلص مني وتنطيني شخص لا اعرفه ولا يعرفني والله ليش بس حتى ترتاح من مسؤليتي واذا هيج اني حمل عليك ف عوفني اروح لبيت اجدادي همه راح يستقبلوني واكيد الحقد ما عامي كلبهم مثلك انتَ شنو من ابو تضرب ابنك هيج علمتهم على العنف والتفرقه ..

اباوعله مركز علي بدون اي رده فعل وما مبالي بأي شي حجيته ..

حمزه : من احجي ما تراددين هاي اول واخر مره تفكين حلكج مره ثانية اشك حلكج وما تحجين بحرف وانتِ الممنونة .

لُجين : مو اني التمد ايدك عليها بهل لحضه اشتكي عليك وما اعترف بيك ابوي والله ..

حمزه : هيج صارت ماشي لُجين ..

اباوعله طلع وقفل الباب ضليت ادك بي حيل ..

لُجين : افتحههه جاي احجي ويامنن شتريددد تسوي هااا احجييي ما اتزوجججج لو تموتون فهمتووو ما اتزوج حسيت رجفه سرت بكل جسمي الخوف قيدني خايفة ابوي يزوجني يسويها والله يسويها ..

ضليت كاعده على الارض وابجي على حالي ، خايفة على صفوان ما اعرف عنه اي شي وتلفوني بغرفة ماما .. كل بالي صار شلون يكدر يحجي هيج وياي وانه بنته ؟

مر الوقت كله كاعدة وكل مشاعر الخوف والقلق والاكتئاب بية ..

هسة شلونه صفوان ماما انس وينكم ..

فتحت كتاب اقرا بي في سبيل ابتعد عن الفراغ الي اني بي حتى ما يتعبني تفكير أكثر ..

جنت اقرا وبالي ابد مو يم القراءه ذبيت الكتاب بضوجة وكمت افتر بلغرفة واحجي ويه نفسي بابا صدك يعني يسويه لو هاي مجرد عصبية ، ضل تفكير ياخذني وتفكير يجيبني ..

لُجين : صار الليل كلش واهلي ما اجو وبابا مافتحلي الباب لهسه فـ رحت تمددت ع الفراش والكتاب بحضني اريد انـام ومااكدر التفكير شاغل بالي بقيت اقرا بـ الكتاب دخت ونمت ..