البريعه

part3

صعدت للغرفة بتعب وخمول ..

تمدتت على فراش ونمت .. ما اعرف شكد نمت بس فزيت على صوت رسالة .

كمت بنعس شفت الساعه منو يراسل هسه .. شغلت تلفون باوعت بصدمه ..

رسالة مكتوب :

البَريعةُ .. مبروك منو سعيد الحظ الي حظه بيج ، تستاهلين كل خير بنية دُره انتِ .

عرفتة أيهاب ودمعت عيني لا أرادي بعد 4 سنوات اجتني رسالة منه ما اصدك ..

- شلونك

ضل مده وكتب ..

- الحمدالله عايش وانتِ وين ما وين دراستج شلونها ؟

- لُجين : وين مختفي كل هل سنين ؟

- ايهاب : منو الاخذج ؟

- لُجين : سئلت لا تجاوبني بسؤال وين جنت هاي الفتره وليش هسه راسلت ؟

- ايهاب : ملتهي ب الشغل .

- لُجين : صديق ابوي اخذني ..

- ايهاب : منو منهم ؟

- لُجين : رائد

- ايهاب : ياهوه هذا ؟

- لُجين : مو جن هوايه سئلت ؟

- ايهاب : مو جن تشلعين الكلب يالله تجاوبين ؟

- لُجين : صديق قديم

- ايهاب : شيشتغل وين مكانه وشلون اخذج

- ايهابب

- ايهاب : لُجين

ضليت صافنه وما رديت شوية واتصل ..

ما جاوبت رجع اتصل مره ثانيه وفتحت الخط ..

أيهاب : حاقده عليه وما ادري ؟

لُجين : ليش احقد شنو مسوي يعني ..

ايهاب : لان رحت بدون ما احاجيج شخصيا ..

لُجين : واذا رحت ؟ قابل شنو تضل يمي مثلا كل واحد يشوف حياته

ايهاب : علمتج القوه بس ما علمتج القسوه لوجينه ..

لُجين : محد علمني كلشي تعلمته وحدي وكلشي عشته وحدي انا محد اله فضل عليه ..

ايهاب : زين ليش هل انفعال ؟

لُجين : ايهاب انتَ اجيت تباركلي هاهيه باركتلي وشكرا متقصر لا تنسى اني بنيه راح اصير متزوجه وممنوع تحجي ويايه اكثر من السلام سديت الاتصال وذبيت التلفون لزمت راسي احسه راح ينفجر من التفكير مستحيل اكول ل ايهاب واورطه وياي اني ادبر نفسي بنفسي .

كمت من فراشي وطلعت اختنكت اضل هناا ..

جانو جماعه بابا بايتين عدنه ، حيل اكره احد يبات عدنه ما ارتاح نهائيا .