في مكان اخر ..
فتحت المخزن لكيت حالتها يرثئ عليها وجها تعبان كاعده وصدرها يصعد وينزل تتنفس بصعوبة ..
فتحتلي ايدها وصاحت :- قيس احضني ..
تقربت من عدها لزمت راسها مصخنه ..
انتبهت للاكل الماكلتة صحت :- شلوننن تاكليننن هذاا
- لُجين : جسمي يرجف الله عليك احضني خل يسكت ..
نزلت دموعي سحبني وكال :- مريضة انتِ اخذج لدكتور ؟
دفعته وكالت :- مابية شي احترم نفسك ..
رفعت حاجبي :- هاي منو تريد حضن وهسه تبيع احترام ..
شفت حالتها مو مال ينسكت عنها ..
ليش هيج تتراجف وتحجي وتكسر ب الحجي ؟
- ليش هيج شعرج ؟
- ش ش شبي
- ما كاصتة عدل ؟
- مو انا كصيتة ..
- منو الكصا ؟
- هو الكصا
- منو هذا ؟
- راكان ودفعني على راسي ..
- انطيني مكانة خلي اتفاهم ويا ..
- ما اكدر
- قيس :- ليش ؟
- لُجين : حجيت وانا ابجي " لان احبة "
- قيس : تحبينة ؟
- لُجين : اي احبة
- قيس : زوجج ؟
- لُجين : لا
- قيس : فهميني فهميني فريتي عقلي احجي انتِ دكيتي الباب واجيتي لمنطقة بيها كلة ضباط ..
بدون لا افهم شي دخلتي لبيتي ساعه دكولين هذول يبيعون اعضاء ساعه دكولين سليمان وهسه راكان فهميني منو منوو
- لُجين : منو هذا ؟
- قيس : شنو منو ؟
- لُجين : سليمان منو انا يمتى جبت اسمه
- قيس : حجيتي شلون ما حجيتي ..
- لُجين : ساعدني فدوة يردون يكتلوني والله
- قيس : منو يريد يكتلج ؟
- لُجين : كلها
- قيس : انتِ دخيلة عندي واحنه ما نترك الدخيل هيج بدون ما نساعده بس ساعديني وكولي شنو بيج فهميني
- لُجين : لا تعوفني والله اخاف
- قيس : ما اعوفج هاي كاعد يمج ..
كعد بصفي ساند ايده على ركبتة ويباوعلها بنضرات مليانة شفقة على حالتها ..
- لُجين : عمو اهلي وين
- قيس : انتِ كليلي اهلج وين
- لُجين : والله عقلي جاي يوجعني افهمني والله جاي يوجعني
- قيس : حقه يوجعج اذا انتِ ماكلة هل اكل ما دكليلي شجاج
- لُجين : انا اكلتة ؟
- قيس : لا عزيزتي انا
- لُجين : ما اتذكر صدكني !
باوعتلها ملامحها جانت هادئة ومليانة طفولة ما اعرف احتاريت بيها اعوفها لو اساعدها اصدكها لو جذابة !
تصرفاتها غريبة من ذكائها او هيه فعلاً مريضة ؟
- قيس : عندج شخص عزيز ؟
- لُجين : اي
- قيس : منو؟
- لُجين : تبارك
- قيس ؛ وين هاي ؟
- لُجين : ما اتذكر ! وين هيه ؟
- قيس : اخخ
- لُجين : حجت وهيه تبجي شبيك ما اتذكر ما اتذكر
- قيس : اي هاهيه ما بيج شي انتِ هاي مجرد لان راسج يوجعج
- لُجين : والله؟
- قيس : اي بس تنامين راح تصيرين زينه
- لُجين : واهلي ؟
- قيس : شبيهم
- ما ادري
- قيس : مابيهم شي انتِ بس ارتاحي بس هذا الاريده منج
- لُجين : ليش حبستني هنا ؟
- قيس : ما حبستج بس لازم تضلين هنا لان ما اكدر اثق بيج بسهولة
أنت تقرأ
البريعه
General Fictionعلى الرغم بأن المتعارف عليه ودائماً ما يُطرق علينا في روايات والقصص .. هو أن القوه العُظمى تتمركز في الرجال وفي بعض الأحيان تستمد المرأه قوتها من وبجانب الرجل الذي تحبهُ لكن ماذا لو إنقلبت الادوار هنا ؟ تائهاً بين ثنايا السنين دافناً أساهُ في زوا...
