البريعه

part 27

هزيت راسي :- لا تمشي بعيد ..
ضل يمشي ويباوع وانا لابده والخوف ملازمني ..
ابتعد شوية عني ردت امشي بس استوقفني لزمه ايد سحبتني ليورة ..

ردت اصرخ بس شدد القبضه على شفايفي ..
حاولت اوخر بس حانت قبضته قوية ..
ضليت اضرب ب الارض ما احس اله شي ينحط علي حلكي وخشمي ..
ضليت ارافس ..

صرخت صرخه ؛-
التفت قيس مصدوم الية ركضتله ابجي ..
- قيس : شبيجج ؟؟
- لُجين : تخيلت تخيلت احد وراي قيس الحكني
- قيس : انتِ شكد تتخيلين دخيل محمد
- لُجين : عقلي هيج شبيك خايفة
- قيس : على هاي صرختج هسه كلها تلتم
- لُجين : قيس تحلمت بيك متزوج
- قيس : اي وعندي ٦ جهال
- لُجين : جذاب
- قيس : امشي لج شنو جذاب
- لُجين : لا بس يعني صدك ؟
-قيس : تؤؤ
- لُجين : يمه جفلتني

باوعلي وضحك ؛-
ليش يعني تغارين ؟
- لُجين : عليمن اغار
- قيس : علي اكيد
- لُجين : هواي تتحلم .
- قيس : عزيزتي لا تخلطين بينج وبيني .
- لُجين : تعبت كافي ما اكدر امشي اكثر
- قيس : ما بقى
- لُجين : وشنو الفايدة اذا لكوني بعدين ؟
- قيس : ما يلكونج
- لُجين : ليش متأكده
- قيس :لان ما راح يبقون غير هل فترة
- لُجين : وين يروحون
- قيس : بعدين تعرفين ..

صفنت بعيونة بدون ما احجي شي ..
- قيس : شبيج ؟
- لُجين ؛ شبية
- قيس : صافنه بوجهي
- لُجين : ما يصير يعني
- قيس : تؤؤ ما يصير
- لُجين : عود خوش
- قيس : شو صايرة ما تتحاجين
- لُجين : ما كلت شي ..

- قيس : على شارع سيارتي امشي ..

- لُجين : اوكف ما كتلي شجابك هنا يمنا
- قيس : كالو داخلين اشخاص من جهه معينه طلعت هل جريذي .
- لُجين : احترمني شنو مو بعينك ..
- قيس : بعيني ونص .

- لُجين : والنص ثاني المن ؟
- قيس ؛ لامي خطية شبقالها .
- لُجين : هااا
- قيس ؛ هذيج السيارة .

هزيت راسي ب ايجاب مشيت قبلة سريع لان رجلي ضلن يوجعني ..
- قيس : لا تنسمطين
- لُجين : رجلي ورمن من كثر ما مشيت هل فترة .

انتبهتلة ما حجه شي لكيتة صافن التفتت اباوعلة ؛- شبيك ؟
- قيس : انتِ شبيج ؟
- لُجين : مابية شي
- قيس : سوولج شي ضربج احد ؟
- لُجين : لاا خوفتني ليش جاي تحجي هيج

سحبني من ايدي ابتعدنه عن العالم عطت ؛- وين رايحح انا ما عولت اوصل .
- لُجين اخذج مستشفى متأذية ؟
- لُجين : لا والله لا ليش جاي تحجي هيج !!
- قيس : اكو شي ب ملابسج .

صفنت حتى استوعب ضليت فاكه حلكي من الفشلة درت وجهي عنه حسيت راح ابجي من الفشلة . .
- قيس : هيه مو ؟ يعني مابيج شي .
- لُجين : وخر عني

سحبني من ايدي صفن بعيوني بملامح جدية باس ايدي وكال ؛- الله يساعدجن شلون متحملات .