البريعه

part 15

مرحباً
تواصلي :- fayrouz.11i

شفته كام بسرعة اجه اتجاهي كال هوه و يتقرب مني ..

لازم ايدي :- وياج بكل مكان ..

حجيت كلام جان نابع من الأنسانية :- يا بعد رجفة ايدي ..

- راكان : ما نمت جنت منتظرج تجين ..
- لُجين : يالله نام ما يصير هيج تضل .
- راكان : ما اكدر

- لُجين : ليش ؟
- راكان ؛ خاف تروحين وانا نايم ..
- لُجين : ما اروح راح اضل هنا ..

ضاغط على ايدي حسيتها راح تنخلع كال بصوت شبه متوسل :- وعد ؟
- لُجين : بأبتسامة :- وعد ..

عاف ايدي وراح يم الجرباية اتمدد وطفة الضوه ب الكامل ..
نشغت اول ما طفه الضوه حسيته مفاجئه  . .

حجيت بتوتر :- راكان شغل الضوة ..
- راكان : ليش ؟
- لُجين : ما احب الضلمة شغل الضوه ..

بسرعه شغل الضوة وحط ايدة على عيونه ..
حسيته ما يكدر ينام بدون ضوة ومنزعج .

- لُجين : راكان ..
- راكان : ها زُمرد ..
- لُجين : لبش تصيحلي زُمرد ؟
- راكان : لان الي حبيتها انا زُمرد بس الي حبها هوه غير ..
- لُجين : شنو ما فهمت ؟
- راكان : ما اريدج تفهمين ..

دنكت راسي ب استغراب مستائله شنو جاي يحجي ..
- لُجين : راكان انتَ جنت تعرف انا زُمرد ليش هيج عاملتني اول يوم ؟
- راكان : ما سويت شي ..
- لُجين : اعرف بس معاملتك مختلفة عن هسه ..

بحركة سريعه كام من الجرباية ..
مغمض عيونه بقلة صبر تحرك باتجاهي رجعت بخوف ، على الرغم من كُلشي بس هوسة بيه يخوفني ، كل هل صبر الي صبرة ، بس شنو مانعه ؟

رجعت ليورة طاخه ضهري ب الحايط حجيت بصوت مسموع :- راكان ارجع نام لا تخليني اطلع .
- راكان : شنو ليكدر يسوي مريض التوحد برأيج ؟
- لُجين ؛ يكدر يسوي كلشي بس ب محاولة من عنده .
- راكان : تردين تشوفين شنو وره هل برده الي وره ضهرج ..

باوعت مستغربه وكلت :- شباك ؟
- راكان : جوو ..

بحركه سريعة سحبني وي سحبة البردة ..
باوعت مصدومه ..

جان حايط مكتوب علية كلمات ما مفهومه واسم زُمرد ، وصورة مكبرة باوعتلها بوضوح جان راسمني ..

- لُجين : ليش هيج ؟
- راكان : من الطفولة ترسخ بمخيلتي هيه هاي الرايدها قلبك وراح تعيش وياها طول عمرك تعرفين لُجين شنو ..

ضليت اباوعلة منتظرته يكمل ..
- راكان : جنت احاول اطلع واباوع لوجهي ب المراية حتى اتعرف على ملامحي عدل ، بس دائماً افشل بهل محاولة ، ولخاطرمن اسوي هيج ؟ لخاطر ما تشوفيني بهل حالة وتكرهيني .
- لُجين : ليش اكرهك ؟
- راكان : لان ما اكدر اباوع بعيونج .
- لُجين : حاول ..
- راكان : كل ما احاول افشل ب المحاولة ..