البريعه

part 4

شويه وبدن يهلهلن هنا ادركت اجه شددت عصره ايدي على بدله ..

دخل باوعلي وابتسم وسد الباب ..

تقرب يمي وكعد بصفي وحجه :-

رائد : مبروك حبيبتي

:- القرف الي حسيت بي ما اكدر اوصفه من كال كلمة حبيبتي وهوه اكبر من ابوي ما تقبلت الفكرة نهائيا ..

باوعتلة وحجيت :- شنو احساسك يوم اجيت اخذت بنية اصغر من اطفالك وبكل عين وقحة جاي دكول مبروك ؟

انتبهتلة يباوع لجسمي بتمعن وحجه :- بس ما مبين عليج صغيره ..

حجيت بأشمئزاز :- لا عبالك اسمحلك تلمسني هاي بأحلامك ..

رائد : جو جو جو انا مو طبعي المس بنات بدون رضاتهن :- لمس خصلات شعري وحجه ..

:- هيه تجي برضاتها الي ولازم فد يوم قلبج يلين .

لُجين : باوعتلة بتحدي وحجيت :- جو جو جو انا مو طبعي يلين قلبي لعجايز ..

رائد :- ههههههههههههههه هذا العجوز التحجين علي يتعبج

لُجين : وهاي الطفله التباوعلها محد يتعبها ويكسرها غير الخلقها ..

رائد : الزمن طويل وورانه ايام كلش طويلة هيه التثبت ..

لُجين : رجليك والكبر ما اضن تعيش هواي ..

رائد : لسانج طويل لازم نربيج من جديد ..

لُجين : اول شي اهلي مربيني احسن تربية ولازم تربي روحك ب الاول بعدين تربيني ..

رائد : تدرين شنو :-

باوعتله بتركيز ومحجيت شي ..

:- الي لازمني هسه ما اكسر راسج هوه وجود الناس برا وصريخج اليجيب التايه ولا هذا راسج اكسره واذبه لشكو جلاب موجوده ..

لُجين : انتَ موجود بدالهم ..

تقرب من يمي وصك على سنونه سحب شعري وحجه :-

رائد : اول واخر مرة تفكين حلكج مرة الثانية يصير تصرف ميعجبج ..

ما ناقشته دفعت ايده وكمت من مكاني ..

رائد : اي شي يسئلونج كليلهم خصوصيه

لُجين : عن شنو ؟

رائد : انا احاجيهم انتِ ما يخصج

لُجين : شلون ما يخصني والاسئله راح تتوجه الي

رائد : شنو حجيت

لُجين : واعتقد مو كلشي تحجي لازم اطبقه

رائد : ها يعني تردين تكليلهم زواجنه بعده ما كمل

لُجين : وهمه شدخلهم حتى يسئلون ؟