باوعلي بـ ابتسامه حاده كلها حنية :-
حسيت النبض بدة يقوة اكثر واكثر ما كدرت انطق ولا ابدر اي ردة فعل الي جاي اشوفة " شبة مستحيل "
نطق بكلمات خلتني بحالة صدمة ..
- ما ركزتي من كتلج اول مراح اباوعلج من تبجين ؟
- حجيت من صدمة !
شلون ؟
- كل هل فترة جنت احاول واحاول مرات ب صدفه اكدر المحج بس جنت خايف .
- من شنو ؟
- خايف اكلج ، وتروحين .
حجيت بتلعثم :-يعني تكدر تشوف عيون الكل ؟
- جوو
باوعتلة مستغربه :- شنو ؟
- غلطانه انا ما شايف غير عيونج ..
ضحكت من كل كلبي شفته مركز على ضحكتي ..
اختفت الابتسامة من انتبهتلة صافن على شفايفي .
حجيت بخوف :- راكان ..
وكف بصفي يباوع بعيوني ، تقرب من عندي شاد على ايدي ، لف ايده على كل تفصيلة ب الغرفة كال وهوه يأشر :- كل شي موجود هنا يشهد على حبي الج .
فقدت التوازن لزمني وصاح :- الله الله .
وخرته وحجيت بأرتباك :- خل اشوف ايهاب خاف رجع من دوامه ..
باوعلي مبتسم :- شوفي .
طلعت من الغرفة لكيت ياقوت منتجيه على الدرج وعيونها على باب الغرفه اول ما شافتني عدلت وكفتها وكالت :- ها راجعين ؟
- لُجين : لا اريد اخابر ايهاب ..
هزت راسها بإيجاب ..
ردت امشي استوقفتني وكالت :- لُجين .
- لُجين : نعم ؟
- ياقوت : ما ناوية ترجعين ؟
- لُجين : وين ؟
- ياقوت : الية .
هزيت راسي نافية وكلت :- مرتاحة ويه اخوي .
- ياقوت : بس تدرين جنت مجبورة .
- لُجين : ما اريد افتح هل موضوع رجاءا ..
- ياقوت : مريم دائماً تسئل عنج .
- لُجين : لو مهتمه جان خابرت بس مكالمه وحدة ، وكالت بنتي وين شجاي تسوي شنو جاي تعاني حالياً ، وحتى من رحت لبيتهم ما عرفت تطلع وتشوفني بس هيه ما هامها غير حمزه ، وبل نهاية ما اكول غير الله يسر الهم .
- ياقوت : ادري تعبتي بس احنه هم تعبنه .
- لُجين : ثنينه تعبنه وانا عشت حياتي بدونكم ، هسه عيشوها بدوني .
- ياقوت : اريد اكضي عمري الباقي يمج .
- لُجين : كل هل سنين موهميني بعائلة غير عن عائلتي جاية هسه تردين تقنعيني بغير عائله ؟
- ياقوت : هذا الواقع .
- لُجين : واقعكم لازم من البداية كايلينه الي مو بل وقت الغلط .
- ياقوت : لُجين ..
- لُجين : ياقوت رجاءا اعتبريني ما موجوده واعتبريني هسه انا عدهم وانتهى موضوع .
درت وجهي ورحت للمطبخ طلعت تلفوني حتى اتصل على ايهاب ..
شوية وجاوبني ..
- ايهاب : ها لُجين ؟
- لُجين : رجعت للبيت ؟
- ايهاب : ليش انتِ وين ؟
- لُجين : يم ياقوت .
- ايهاب : شعندج ؟
- لُجين : سالفة طويلة ما اريد افتحها .
- ايهاب : ليش اتصلتي ؟
- لُجين : كلت خاف ما تنتبه على رسائل وينشغل بالك .
- ايهاب : اتاخر انا اليوم
- لُجين : تمام بلكي الحك ارجع قبلك .
- ايهاب : اذا رجعتي اتصلي علية
- لُجين : تمام .
أنت تقرأ
البريعه
General Fictionعلى الرغم بأن المتعارف عليه ودائماً ما يُطرق علينا في روايات والقصص .. هو أن القوه العُظمى تتمركز في الرجال وفي بعض الأحيان تستمد المرأه قوتها من وبجانب الرجل الذي تحبهُ لكن ماذا لو إنقلبت الادوار هنا ؟ تائهاً بين ثنايا السنين دافناً أساهُ في زوا...
