دارت وجهه عني ..
باوعتلها وكلت :- ثقي بيه لُجين .
- لُجين : أذوني هواية ، الي انطيتهم كل ثقه أذوني
- قيس : منو همه احجيلي ؟
- لُجين : همه أذوني
- قيس : منو احجي لُجين ؟
- لُجين : كصو شعري وضربوني وعذبوني وخلوني ابجي واون واصيح بي محد سمعني محد فكر عنده بنية محد اهتم لأمري لو يهتمون جان ما خلوني وحدي ..
بس محد مهتم لوجودي ..
- قيس : احجي منو السوه بيج هيج ؟
- لُجين : راكان
- قيس : منو هذا ؟
- لُجين : هذيج الليلة من دفعني بيها اجيت للمنطقة الي بيها انتَ دور الضباط حتى اشتكي علي
- قيس : زين ليش كلتي الدكتورة هم ؟
- لُجين : ما ادري ما اتذكر
- قيس : منو الكص شعرج ؟
دنكت راسها بدون ما تجاوبني ..
لزمتها من ايدها حاضنهن ب ايدي :- رفعي راسج لُجين .
- لُجين : انا اجيت لبيتك لان شفته جبير وكلت بي ناس هواي بس ماكو غيرك وين اهلك ؟
- قيس : اكثريه بهاي منطقتنه وحدهم ف ليش كتلج شجابج وي هذول الهتلية ..
بس انا عندي امي واختي ، كاعدات عند اهل امي لان انا اطلع شغلي ويضلن وحدهن بس اكثر شي ب الاجازات يجن ..
وانا عندي تهديدات ما اكدر اضحي بيهن واخليهن ..
تركتهن يم اهل امي ..
- لُجين : وابوك ؟
- قيس : شهيد
- لُجين : الله يرحمه ..
- قيس : اي سولفي
- لُجين : شسولف ؟
- قيس : مو انتِ كلتي تحبين راكان زين ليش سوه هيج ؟
- لُجين : بذيج الليلة راحت امه لسوك ف اجه هذاك ضربني و شعري كله تساقط أذاني بشكل مو طبيعي ..
من هربت لكاني راكان وضل يضرب بية ..
واجيت لهاي المنطقة حتى اشتكي عليهم ..
- قيس : يعني كل هذا راكان مسوي ؟
- لُجين : لا مو بس هوه
- قيس : منو ؟
- لُجين : سليمان
- قيس : شيصير الج ؟
- لُجين : ابن خالي
- قيس ؛ ليش سوه هيج ؟
دنكت بدون ما تجاوبني ..
- قيس : يعني انتِ متذكره كلشي ؟
- لُجين : ما اعرف قيس ماعرف احجي شي بعدين انفي ما اعرف شنو جاي يصيرلي والله ما اعرف .
- قيس : من تشربين العلاج الي انطاه الج دكتور تهدئ اعصابج .
- لُجين : يا علاج ليش انا شبية ؟
- قيس : مابيج شي تدلع علينه ست لُجين ..
اردف مكمل كلامة :- احجيلي اهلج وين هسه ؟
- لُجين : ماعندي اهل لا تذكرهم
- قيس : ما تردين تشوفيهم ؟
هزت راسها نافية ..
- قيس : كلهم أذوج ؟
- لُجين : هو الوحيد الي جان مصدر أماني ..
بس هسه حتى هو حاله حالهم .
- قيس : راكان ؟
هزت راسها ب أيجاب ..
- قيس : غبي !
- لُجين : شنو ؟
- قيس : وحك هو الفوك غبي اليبجيج ..
- لُجين : محد يبجيني .
- قيس : اوهو بنت رجال انتِ ..
نزلت راسها ..
رفعته الها ب ايدي صافن بعيونها :- ما اريد هل راس ينزل .
- لُجين : اطلع من بيتي
- قيس : هههههههههههههه
- لُجين : ما حجيت شي يضحك
- قيس : حلوة هاي منج ..
بس للمعلومة شلون ضابط يدخل وحدة ما يعرفها هنا ؟ ومعلوماته والأمه هنا .
- لُجين ؛ اي اطلع انا مو مشكلة .
أنت تقرأ
البريعه
General Fictionعلى الرغم بأن المتعارف عليه ودائماً ما يُطرق علينا في روايات والقصص .. هو أن القوه العُظمى تتمركز في الرجال وفي بعض الأحيان تستمد المرأه قوتها من وبجانب الرجل الذي تحبهُ لكن ماذا لو إنقلبت الادوار هنا ؟ تائهاً بين ثنايا السنين دافناً أساهُ في زوا...
