البريعه

part 20

في اليوم التالي :-
اصوات الاذان واصله الاذني ..
بيتهم قريب على الجامع ، ابتسمت لا ارادي من جمال الصوت الي يطرب الاذن ..
فتحت عيوني بصعوبة وانا اتذكر راكان راح يتعالج .

اللحظه الي ودعت بيها راكان جانت اصعب لحضه ما اعرف سبحان الله شنو هل تعلق المفاجئ الي نزل داخلي ؟
بللحظه تحس بتعلق تجاة هذا الشخص ، وما تعرف من وين مصدرة ..

ولا وين و يمتى صار كل هذا الشيء ، وين جنت ؟ لُجين الي عايشة حياة بسيطة وي عائلة مجهولة ، كاعده ب بيت عالم ما تعرف عنهم شي وفجائه ..

ابتسمت على حالي ، فعلاً الدنيا صغيرة .
وما معلوم شنو ضامتلنة اكثر من هيج ..

تجفلت من فتحت الباب بسرعه ..
دخلت ديانا تكمز :- ما مصدكة راح تبقين عدنه شهررر
- مَجد : هل بنية عجيب امرها ما يكول اخوها راح يتعالج ..
- ديانا : تره راح يتعالج لازم نفرح مو نلطم ..
- لُجين : خرعتيني شجاج ..
- ديانا : اسفة بس متحمسه للسهرات ..
- لُجين : ولج انا المحاضرات متكوده فوك راسي يا سهرات ..
- ديانا : اووو هسه احنه شراح انطول هيه بس بلليل انتِ عندج صبح والضهر درسي ..
- لُجين : انا دراستي كله ب الليل
- ديانا : عكس العالم
- مَجد ؛ سدتها بوجهنه لُجين
- ديانا : هوه اصلا اليوم ماما لحت علينه نروح للسوك
- مَجد : اي وانا وين بيه حيل
- لُجين : وين مخلياتني وحدي ..
- ديانا : ليش سليمان يرجع من وقت
- لُجين : ابوجن وين
- مَجد : بابا حيل تعبان راح لعمامه
- لُجين : خطيه يمتى ما اجي تعبان
- ديانا : اي كلش اصلاً من انام دائماً افكر بي وابجي
- لُجين : ما اخذتو للطبيب ؟
- مَجد : اخذنا بس ماكو فايدة
- لُجين : شسالفه مسكنات شي ماكو كلش
- مَجد : شدراني وين اعرف بهل سوالف
- ديانا : اكلج هسه شنو ما تروحين ويانا حنطلع للسوك ..
- مَجد : اي شعندج ضاله هنا يم سليمان العكره
- لُجين : ما اكدر بنات اريد ادرس والله اعذرني هوه انا راح اضل ب الغرفة ..
- مَجد ؛ براحتج بعد اذا على دراسة تمام ..

هزيت راسي بايجاب ..
شوية ودخلت خالة راعوث بابتسامة ..
- راعوث : اكول اليوم البيت منور
- لُجين : حبيبتي خاله بنورج
- راعوث : بعد عمري
- ديانا : ايع اسكتن ما احب كلام الحلو ورسمية
- مَجد : هوه انتِ شتحبين
- ديانا : احبج
- مَجد : ايع جربوع ولي
- ديانا : يماااا انا جربوع
- راعوث : كافي مو وكت سوالف المزعطه ..
- مَجد : يمتى نروح للسوق ..
- راعوث : خل يجي سليمان حتى يدير باله على لُجين خو ما نخليها وحدها ..
- ديانا : جا منو ياخذنه ؟
- راعوث : ابراهيم ..
- مَجد : نبدل هسه ؟
- راعوث : اي بدلن ..

- لُجين : مو تطولون وحشه وحدي
- راعوث : ليش سليمان هنا مو وحدج..

كلبت خلقتني حجيت بداخلي :- هوه شنو سليمان احبه اسبه .. 
- ديانا : ديلا عيني خل نبدل
- مَجد : يالله سندس ..