البريعه

part 12

- لُجين : عندج شي تهددينه بيهن ؟
- ديانا : لا ما جانن يدزلي اي شي ..
- لُجين : اوف منج
- ديانا : فكري فدوة

دنكت راسي واجت بالي فكرة بس ما اعرف اذا راح تصير لو لا ..

رفعت راسي وكلت :- ديانا ...

- ديانا : نعم ؟
- لُجين : انا اعرف اخترق ..
- ديانا : ايي ؟
- لُجين : اي يعني اخترق جهازها واحذف بياناتها ..

ما اشوفها اله طفرت وصاحت :- جذابه كولي ولمسيح ؟؟
- لُجين : والله شبيج
- ديانا : شلون تعرفين ؟
- لُجين : اخوي علمني ..
- ديانا : صفوان ؟
- لُجين : لا
- ديانا : حبيته انس صغير ويعرف يخترق  ..
- لُجين : لا مو انس ..
- ديانا : جا مو كلتي ما عندج بس انس وصفوان ؟
- لُجين : اي
- ديانا : ايي بعد شنو ؟

- لُجين : هسه عوفي السالفة خلي نلتهي بيج ..

- ديانا : تره بعدين تسولفيلي ولمسيح ما انسى ..
- مَجد : هاي البنية بعز مشاكلها وملتهيه بغيرها ..

هزت خصر وكالت :- بعد لُجين حلتها ..
- لُجين : جيبيلي حاسبه وسكتي ..
- ديانا : اي هسه دقائق ..
- مَجد : شراح تسوين
- لُجين : اخترقها ..
- مَجد : شلون ؟
- لُجين : بس جيبولي حاسبة و كمبيوتر و تلفون وخلوها يمي ..
- مَجد : يمعودة ستري علينه لا يصير بيج شي ..

- لُجين : لا تخافين كلشي ما يصير
- مَجد : اوف منج يا ديانا ما ترد ابداً اذا مطيحنه بمصيبه ..
- لُجين : كلنا نغلط محد معصوم عن الغلط ..
- مَجد : هوه كلنه نغلط بس غير كون كلنه نتوب ..
- لُجين : الله كريم هسه خل نلكه حل الندم ما يفيد بس تضيعه وقت ..
- مَجد : اي فعلاً ..

فتحت الباب ديانا وجايبه وياها حاسبة والأخ ..
- ديانا : بس هذول ؟
- لُجين : اي بس هذول هاهيه ..
- ديانا : شنو محتاجه مني ؟
- لُجين : اريد حساباتها عندج ؟
- ديانا : اي حتى رقمها عندي ..
- لُجين : سهلة ..

كعدت على الكرسي وبديت استرجع شلون علمني لان صارلها فترة طويلة مو كلش اتذكر ..

كاعدات بصفي منتظرات النتيجة ..

كلساعه شي حاسبة كمبيوتر وتلفون ..
حسيت عيوني نعمن من كد ما اكلب بيهن ..

- ديانا : يمعودة يلا ..
- مَجد : فوكاها ..
- لُجين : شنو عبالج دقيقه لو دقيقتين ؟
- ديانا : ما احب انتظر ..

- لُجين : على كوله انس ليسوك المطي يتحمل ****
- ديانا :ههههههههههههههههههههههه
- مَجد : عزا بعينج يا ديانا فضحتنه الخبلة ..
- ديانا : يا يمه هف هف صبرو خل اتنفس ..
- لُجين : اختج مو صاحيه ابداً ..
- مَجد : جا هسه يالله دريتي ..

- لُجين : سكتن خل اركز ما اعرف اسوي شي اذا تضلن هيج ..

- ديانا : يلا سكتنه ..
- مَجد : صدك لُجين ما حجيتيلنه منو العلمج على الاختراق ؟
- لُجين : اخوي
- مَجد ؛ اعرف كلتي بس كلتي لا صفوان ولا انس جا شلون اخوج ؟