البريعه

part 5

تقرب من يمي لمس شعري بخفه قرب انفاسه يم اذني شديت قبضه ايدي ونزلت الدمعه حسيت بده يتقرب اكثر تنفست شاهكه ..

باوعلي بنضرات تأكدلي نيته دفعته بخفه ومشيت لزم ايدي وكال :-

- رائد : وين ؟
- لُجين : اريد اروح للحمام .
- رائد : لا تطولين ..

مشيت ودخلت بسرعة للحمام سديت الباب وركضت يم المغسله ، غسلت وجهي وركبتي صفنت على وجهي بـ المراية مستحيل لُجين سوي اي شي مستحيل اخلي يلمسني كعدت بـ الارض منعت الدمعه تنزل لان البجي مراح يفيد لازم أفكر بشيء اسوي ..

:- كمت من مكاني نكتت ملابسي وغسلت ايدي تحمحمت وطلعت ..

اول ما طلعت التقتت نظراتنه باوعلي وحجه جاهزه ؟

هزيت راسي نافية ..

- رائد : ليش ؟
- لُجين : عندي عذر
- رائد : شنو العذر ؟
- لُجين : عذر شرعي بعد شنو ..
- رائد : تلعبين عليه انتِ ؟
- لُجين : لا
- رائد : مساع مو صليتي ؟
- لُجين : اي هسه اجت تره ..

:- باوعلي بنضرات ما عرفت شلون افسرها تقرب من يمي وحجه ..

- رائد : نزعي ..
- لُجين : شبيك شنو انزع ؟
- رائد : نزعي خل اتاكد
- لُجين : احترم نفسك ..

شدد قبضه ايده على فكي وكال :-

- هذا الكلام ما اريد اسمعه مره ثانيه مو جاهل حتى دكولين احترم نفسك فهمتي ..

- احجي الي يعجبني لا تدخل ..

تقرب اكثر وسحبني من شعري صرخت :- وخرررر ايدككك اكسرها اذا تمدها علي ..

ضحك بصوت عالي بنبره استهزاء باوعلي وحجه :-

رائد : تكسريها ؟ اهلج ما عولو يذبونج وينطونج لأي شخص يجي يطلبج زين من لفيتج وانتِ تردين تكسريها جو جو جو ما توقعتها منج لُجين ..

- لُجين : هوه انه المحد كسر خاطرها غير اهلها ..
- رائد : لُجين ؟ والحزن !
انا كلت هاي ما عدها مشاعر حتى مرات افكر خاف اهلج ما غاصبينج انه ادري البنيه التزوج غصب تكضيها بجي وتنذل بس انتِ ؟ ممم صعبة سالفتج محد يفهمها ..

- لُجين : تخسى تنزل دمعه وحده مني يم اي شخص دمعتي غالية ما انزلها يم اي كائن خلقه الله ..

:- ما احس اله راجدي ينطبع على خدي سحب شعري بكل قوته عوج ايدي وسحب شعري حسيت روحي طلعت مني بس ما بدرت اي ردة فعل ضليت أهدء من الهدوء وما بجيت ضل يضربني راجدي ويصرخ :- ما تبجيننننن ها ما تبجيننن هذا ماعندج يأشر على قلبه .

باوعتله بـ ابتسامه بارده وكلها استفزاز وحجيت :-

- لُجين : والله وبالله ما تنزل دمعه من عيني اذا هاي امنيتك ..