البريعه

pqrt 9

باوعتلةة مصدومه وكلت " سليمان " ؟

- سليمان : اينعم
- لُجين : ليش هنا ؟
- سليمان : اجيت علمودج ..

- لُجين : علمودي ؟
- سليمان : اينعم
- لُجين : وليش جاي علمودي ؟

- سليمان : اريد اشكرج شكر خاص ..
- لُجين : على شنو ؟
- سليمان : بسببج رجع كُلشي يخصنه الي ماكدرنه احنه نسوي انتِ سويتي

- لُجين : بس يعني عندي سؤال انتَ منين عرفت مكاني ؟؟
- سليمان : ممكن اراقبج ؟
- لُجين : تراقبني ؟
- سليمان : اينعم
- لُجين : ب مستشفى من اخذت اخوي صفوان جنت انتَ فعلاً ..
- سليمان : بجلدة وعضامه انه ..

- لُجين : وهسه شنو ؟
- سليمان : اريد اتشكرج ..

- لُجين : اي يالله تشكرني
- سليمان : لا مو بهل طريقه اريد اعزمج على شي ..

- لُجين : وبصفتك شنو حتى تعزمني ؟
- سليمان : مجرد شكر
- لُجين : ما سويت هذا الشي علمودك جان مجرد ارجع حقي ..
- سليمان : لو هيج تكدرين مثلاً تسويها بغير طريقة مثل تشتكين علي بتهمه التعنيف ، بس انتِ سويتي هيج علمود ترجعين حقنه ..

- لُجين : انتَ شلون تعرف كلشي عني وتعنيف هاي سالفةة منين جايبها ؟

- سليمان : ماكو شي ينضم على ولد حمدان ..

- لُجين : لنفترض صح شنو يعني ؟
- سليمان : اريد اشكرج وبس ..
- لُجين : وانه ما اريد

عبرت من يمه ردت امشي استوقفني من كال :- اذا قبلتي تجين راح اخلي رائد يطلكج ..

درت وجهي التقتت عينه بعيني لفترة ضليت واكفةة شوية و تقربت من عنده وحجيت :- شلون تخلي يطلكني ..

- سليمان : كُلشي يمي انتِ بس وافقي ..
- لُجين : يا اخي انتَ ما تفهم شنو داخله مطعم ويه شخص غريب ؟

- سليمان : مو مطعم امي هيه الي تطبخ وهناك خواتي يستقبلنج يعني مو غريبات رجاءا حتى اهلي يردون يتعرفون عليج ..

- لُجين : ليش اثق بيك ؟

- سليمان : راح تتعرفين عليهم امي وخواتي وحتى اخوي المريض تخيلي شكد راح يفرحون بجيتج لان انتِ جنتِ سبب رجعه املاك ابوي الي اخذهن كل هل سنين وهسه همه منتظرين جيتج تخيلي امي شكد اصرت عليه حتى تشوفج بس انه جنت اريد اتاكد منج يلا ادخلج لبيتنه ..

- لُجين : على طاري اخوك شبي مريض ؟

- سليمان : ما اعرف

- لُجين : شنو ما تعرف ؟

- سليمان : يعني مرضه مو يم طبيب جسدي مرضه يم طبيب نفسي ..

- لُجين : ما خذيتو ؟

- سليمان : ما يقبل ..

- لُجين : ما يدري واخذو

- سليمان : اصلاً ما يطلع من البيت كله بغرفته وما يحاجي احد غيري . .