كعدت منزعجه من الشمس المتسلطة على عيوني صحت :- سدوو البردة شسالفة .
- سارة : تره تاخرتي على شغلج
- لُجين : هيه صيدلة ترة اروح بكيفي سدي خل انخمد .
- سارة : كومي ام حسن ضلت تحجي
- لُجين : استغفرالله ربي .
غطيت وجهي ب البطانية وصحت :- سدي الباب ما اروح .
- سارة : متاكده ؟
- لُجين : طبعاً
- سارة : خاف ما تدرين بروحج .
ردت انام ودخلت حنين :- شهل كسل ولج ما متعودين عليج هيج شو كومي كبالي . .
دفعت البطانية وصحت :- شتردن شتردن فد جنت مرتاحه منجن .
- حنين : ديلا ام خشم
- سارة : ليش عيني مرتاحه
- لُجين : تبارك الله يرحمها ما كايلتلي ام حسن عدها بنات جا ما اجيت .
- حنين : وليش كلبي شبينه
- لُجين : سلبتن مني اعز شي " النوم "
- سارة : تعلج علج ومتخصره :- تخيلي تعيشين بدونه .
- لُجين : صراحة عندي قانون احب وجود الشخص واحب غيابة ، حتى ما اتأذه من يغيب .
طفرن ثنينهن على جرباية رافعاتلي حاجبهن ..
- لُجين : خير
- سارة : ما سولفتي على ذيج الليلة .
- حنين : مو عبالج ناسيين .
- لُجين : يا لليلة ؟
- سارة :- من جابج هذاك الحليو النا ..
صفنت اتذكر ذيج الليلة ..
- لُجين : اي ؟ ترة صارلها سنتين .
- سارة : اي دحجي غير احنه هسه يلا اجينه تعرفين يعني جان مشاكل وهيج وما شايفينج .
- لُجين : ماكو شي مُبهم ، بس انا عائلتي اتهموني تحت مسمى " جنت يم رجال "
محد صدكني لحد ما اجه فيس بوك .
- سارة : عزا شنو فيس بوك !!
- لُجين : حجيت بابتسامة " اسمه قيس "
- حنين : شيصير منج ؟
- لُجين : ما اعرفه بذيج الفترة جنت مريضة وداخله لبيتة لان بهاي المنطقة جانو يشتكون وكل الي اتذكرة جنت اريد اشتكي على راكان .
- حنين : ليش شسوالج ؟
- لُجين : ما اتذكر اي تصرف سويته بذيج الفترة .
- سارة : ليش متذكرين ؟
- لُجين : بسبب الاشياء الي تراكمت علية والعلاج الي انطانياة سليمان يودي الشخص للجنون !
ف انصابيت ب الانفصام .
جان علاجي سهل لان بدايتة ومفاجئ لو جنت ضالة ويا بذيج الفترة ما اعرف شنو بية هسه .
- سارة : وهسه ؟
- لُجين : شنو هسه ؟
- سارة : تحسين روحج زينه ؟
- لُجين : اهلوس سارة اهلوس واحجي وي نفسي مرات افقد واحجي كلام ما اعرف شنو مثل
" الكفر "
وهل شي مو بأيدي والله واضل ابجي واكول هاي مو انا .
- حنين : خاف لسا بعدج ما متعالجه زين .
- لُجين : تعبت من الدكاترة واهلي وكلشي صراحة ما طايقه حتى العيش .
- سارة : والله حقج ،
تخيلي بس وفاه تبارك هد حيلنا .
- لُجين : ما اعرف اهلي الوهميين وين صفه بيهم الدهر ولا اعرف منو الي قتلها ، وصفوان شنو صار بي .
- سارة : احسن لا تعرفين عوفيهم وفنه ليجي ياخذج من عدنه .
- لُجين : بيت ويليام مستحيل ارجعلهم .
بس ايهاب انا حلفته ميجي لان ما اريد التقي ب اي احد اعرفة .
- حنين : بس اخوج خطية
- لُجين : اعرف بذيج الفترة مصدوم ولام نفسة لان تركني بس ما اريد اي صلة تجمعني بيهم .
- سارة : يعني بس ايهاب يعرف مكانج ؟
- لُجين : ليش تتوقعين هذوليج راح يخلوني بحالي ؟ محد غير ايهاب وقيس يعرف .
أنت تقرأ
البريعه
General Fictionعلى الرغم بأن المتعارف عليه ودائماً ما يُطرق علينا في روايات والقصص .. هو أن القوه العُظمى تتمركز في الرجال وفي بعض الأحيان تستمد المرأه قوتها من وبجانب الرجل الذي تحبهُ لكن ماذا لو إنقلبت الادوار هنا ؟ تائهاً بين ثنايا السنين دافناً أساهُ في زوا...
